Jueces 6:13 - Biblia Enxet

¹³ Tén axta Gedeón aptáha apchátegmowágko s'e: —Wesse' ahagkok, apheyk agkok negko'o negyeseksa Wesse' egegkok, ¿yaqsa eyke ektéma sentéma nak negko'o s'e ekyókxoho aqsok nak? ¿Háxko ektémakxa m'a aqsok sempelakkasso sẽltennassama axta chá'a negko'o m'a ẽlyapmeyk nano', sẽltennassama nak chá'a Wesse' egegkok sẽlántekkessama m'a Egipto? Egkexakhamchek negko'o m'a Wesse' egegkok, ẽlméssegkek ma'a madianitas.

Jueces 6:13 Referans Kwoze

2 Crónicas 15:2

apkelanyexakmek axta m'a Asá peya etnehek yának se'e: “¡Kóleyxho sa' sekpeywa, xép tén han ma'a apyókxoho énxet'ák nak Judá, keñe han ma'a Benjamín! Exek sa' chá'a kélnepyeseksa kéxegke Wesse' egegkok, kéltáha enxoho chá'a kélxegexma. Kélchetamchek sa' agkok kéxegke m'a, kólwetekxak sa'; kélyenyókek sa' agkok, eyenyók sa' nahan kéxegke m'a.

Salmos 44:1

Oh Dios, nenlege egagko' negko'o séltennáseykha m'a ẽlyapmeyk nano' axta, apteméssessamakxa axta chá'a apkelyennaqtamakxa axta, cham'a nentámen axta:

Isaías 63:15

Wesse', yenmexentámho aphamakxa nak néten, cham'a aphamakxa ekpagkanamaxchexa eyeymáxkoho nak. ¿Háxko ekmahágkaxa m'a segásekhayo ekyawe axta tén han apyennaqte? ¿Háxko ekmahágkaxa m'a ekyetnakhassamo nak apwáxok negko'o? ¿Masseya nélmayóseka senlano negko'o?

Isaías 41:17

“Aptegyágkek yegmen ma'a énxet'ák meyke nak aqsok apagkok tén han ma'a apmopyóseka nak chá'a, makke elwet'ak. Kelyamakak apaxkok élnapma ekhem; apasmok sa' eyke ko'o, ko'o sektáha nak Wesse', makxayhek sa' chá'a, ko'o sektáha nak Israel Dios apagkok.

Salmos 89:49

Wesse', ¿háxko ekmahágkaxa m'a nanók segásekhayo axta, apkeltennassama axta ekmámnaqsoho m'a David, eñama apteme mehegyenyaweykha?

Deuteronomio 31:17

Altaqnaweygkok sa' eyke ko'o xa énxet'ák nak, akxák sa'; megkeytnakhaksók sa' ewáxok xama enxoho, káhapwak sa' ekxámokma agko' ma'a aqsok ekmaso tén han ma'a nenlegeykegkoho nak, keñe sa' etnehek chá'a elpaqmésmakha s'e: ‘Hákho óllegagkohok se'e aqsok ekmaso nak, ñókxa ekmassa apha negyeseksa m'a Dios Wesse' egegkok.’

Génesis 25:22

Xama axta ekyekpelchama aptéma apqánet étchek ma'a Rebeca, tén han apkelnápomákpo chá'a kañe' awáxok, keñe axta élchetama awáxok. “Temék sa' agkok xa ektáha nak, tásek watsapok.” Keñe axta ekya'aweykxo Wesse' egegkok éltamho kay'asagkohok ektáhakxa'.

Jeremías 23:33

“Jeremías, aptemék sa' agkok xama énxet, essenhan aplegasso nak sekpeywa, essenhan apkelmaxnéssesso nak énxet'ák ahagkok elmaxneyha s'e: ‘¿Háxko apkeltémókxa antéhek Wesse' egegkok?’ Etne sa' elának se'e: ‘Apxénchek kéxegke Wesse' egegkok kéltáha apseykha ekyentaxno, peyk han yohok kólpallamok.’

Salmos 27:9

¡Ná héxánegkes aqsa ko'o! ¡Ná hétnakhés aqsa hetaqnók! ¡Xép apwánxa apagko' sepasmo! Ná heyenyow aqsa exakko', ná hetnésses meyke sekya'awánxa, hakte xép apteme Dios ahagkok, tén han sewagkasso teyp.

Deuteronomio 29:24

“Keñe sa' etnehek elmaxneyha apyókxoho énxet'ák se'e: ‘¿Yaqsa ektáha apteméssesa nak Wesse' egegkok xa apchókxa nak? ¿Yaqsa ektáha aplóko apagko' nak?’

Jueces 6:1

Asagkek axta eyke apkeltémakxa nápaqtók Wesse' egegkok ma'a israelitas, siete apyeyam axta han apkeltémo elmok Wesse' egegkok ma'a madianitas.

Jueces 6:12

Apxekmowásekpók axta m'a Wesse' egegkok apchásenneykha, aptáhak axta apcháneya s'e: —¡Wesse' egegkok xép apxegexma, énxet apyennaqte megyeye nak emhagkok eyesagkexa'!

Salmos 44:9

Keñe segkexaya kaxwo; mékoho entemessásekxa'. Massék apkelyetlawa m'a sẽlpextétamo egagkok nak.

Salmos 44:2

meyke apmeykha axta apkelántekkessók xép ma'a énxet'ák melya'áseyak nak xép, apkellegassáseykegkók axta pók aptémakxa énxet'ák, keñe apkelhesseykmo ẽlyapmeyk negko'o m'a.

Isaías 63:11

Xénwákxók axta apkelwáxok nanók agko' axta m'a, cham'a Moisés apkelwagkassama axta teyp ma'a énxet'ák apagkok, aptáhak axta chá'a apkelmaxneyáncha'a pók se'e: “¿Háxko aphakxa m'a Dios, apwagkassama axta teyp neyseksa wátsam Nilo m'a Moisés, apkeláneseykha axta chá'a m'a nepkések apnaqtósso? ¿Háxko aphakxa m'a apméssama axta espíritu aptaqmalma apagkok ma'a Moisés,