Jueces 5:6 - Biblia Enxet

⁶ Massegkek axta apkelyetleykekxa ámay, apkelpéwomókxa axta chá'a apkelxega m'a énxet'ák, apyennaqtamakxa axta m'a Samgar, Anat axta apketche, tén han apyennaqtamakxa axta m'a Jael, apkelyetleykekxeyk axta aqsa chá'a m'a ámay étkok éltaqhahéyak nak;

Jueces 5:6 Referans Kwoze

Isaías 33:8

Meyke xama aqsok kaxwók tamhákxak ma'a ámay, méko kaxwók élpéwo m'a. Megkalanamáxchek ma'a ekhémo mók nélpaqhetchásamáxkoho tén han ma'a aphéssamo axta mók apkelpaqmeyesma m'a énxet; méko xama énxet enxoho megkólwanyémo.

Jueces 3:31

Samgar axta apteyapmak pók apkemha apmonye' apyennaqte, Anat axta apketche, cham'a apkelnapma axta seiscientos filisteos apmeykha xama yámet láwa naw'a. Samgar axta han apkelwagkasso teyp ma'a énxet'ák Israel.

Lamentaciones 1:4

¡Yaqhapmók exma m'a ámay nak Sión! ¡Méko xama énxet apye'eykekta kélessawássessamo! Meyke énxet aptáhak ma'a atña'ák nak tegma apyawe, apkellekxagweykha m'a apkelmaxnéssesso nak Dios énxet'ák apagkok, kelyaqhápeyha awáxok ma'a kelán'a étkók, legágkók ekmáske m'a Jerusalén.

Levítico 26:22

Alhak sa' ko'o kéxegke aqsok nawha'ák éllo, yaqwayam sa' katnéssesek meyke kélketchek, tén han katnéssesek nekha'a étkók ma'a kélnaqtósso, keñe han katnessásekxak kélqántawók kéxegke, ekwokmoho ekmassa kélwetáxko apweynchámeykha kélxama m'a ámay kélagkok nak.

Miqueas 3:12

Kéxegke keñamak peya kólpeynchámekxohok xóp ma'a egkexe Sión, kéxegke keñamak peya etnekxak nápakha'a apketkók ma'a Jerusalén, tegma apwányam nak egkexe Sión, kápekxak sa' ekmompánaqma m'a egkexe nak tegma appagkanamap.

Lamentaciones 4:18

Enláneykha chá'a ekyókxoho nélmahágkaxa enxoho chá'a; mogwanchek ólántépok ámay. Ketók negmassamakxa'; ¡wokmek kaxwók néxa nélweynchámeykha!

Salmos 125:5

exnésho apteméssessamakxa nak chá'a élmasagcha'a apkeltémakxa m'a apkelyetleykekxa nak chá'a ámay ekmaso. ¡Keytek sa' chá'a meyke ektáhakxa negha m'a Israel!

2 Crónicas 15:5

Méko axta xama enxoho ektaqmalma negha m'a nanók axta, apkelmeneykha axta aqsa m'a apyókxoho apheykha nak ma'a ekyókxoho apkelókxa'.

Jueces 5:7

apkeltaqmópeykegkek axta m'a tegma apketkók nak Israel, tén axta ko'o sémpeykekxo néten, ¡ko'o, Débora, sekteme nak sekho egken ma'a énxet'ák Israel!

Jeremías 6:25

¡Nágkólántép yókxexma, nágkólmohok ma'a ámay nak! ¡Yetlo apkelmeykha m'a nélenmexma nak; ¡sawhékxók élmeneymaxche ekyókxoho yókxexma!”