Jueces 4:14 - Biblia Enxet

¹⁴ Keñe axta Débora ektáha eyáneya Barac se'e: —¡Ektamák, wokmek kaxwók xép yaqwánxa egkések Wesse' egegkok ma'a Sísara! ¡Apxegkek kaxwók apmonye'e sẽlpextétamo apagkok ma'a Wesse' egegkok! Apweywenteyk axta Barac apkeñama m'a néten egkexe nak Tabor, yetlo diez mil sẽlpextétamo apagkok,

Jueces 4:14 Referans Kwoze

2 Samuel 5:24

Kélleg'ak sa' agkok ektémól'a anxog ma'a néten nak naw'ék yámet élyawe, kólchetamák sa' kólnapaxche', hakte cháxa magkenatchesso sekxega ko'o kélmonye'e, yaqwayam alnápok ma'a sẽlpextétamo nak filisteos.

Deuteronomio 9:3

“Kéméxcheyk eyke kólya'asagkohok kéxegke ektáha chá'a apxega kélmonye'e m'a Wesse' kélagkok, tén han aphémo m'a táxa eksawhomól'a kalwatnek aqsok, cham'a peya sa' emasséssók kélmonye'e kéxegke m'a énxet'ák nak tén han etnéssásekxak mékoho. Kólántekkesek sa' kéxegke m'a, kólmasséssók sa' nahan ekmanyehe agko', ekhawo m'a apxeyenmakxa axta chá'a etnéssesek ma'a Wesse' egegkok.

Isaías 52:12

Megkólpekhesha sa' eyke kólántépok, megkólenyahagkek sa' nahan, hakte elanha sa' ma'a Wesse' Israel Dios apagkok nak.

Miqueas 2:13

Dios sa' exog apmonye'e elanaksek ámay, keñe sa' elyetlók ma'a énxet'ák, elántépok sa' ma'a átog nak tegma apwányam. Exog sa' amonye'e apyókxoho énxet'ák ma'a Wesse' apwányam apagkok, cham'a Wesse' egegkok.

1 Samuel 9:26

apyetneyk axta m'a Saúl. Keñe axta élsaka apwóneyncha'a Samuel ma'a Saúl apyetnakxa axta néten tegma. Aptáhak axta apcháneya s'e: —Exatakha', etaqhoho sa'. Apxatakha'ak axta Saúl. Keñe axta aptepa ámay yetlo Samuel.

Jueces 19:28

Tén axta aptáha apcháneya s'e: —Kaxnekxa néten, ólxegekxak makham. Axta eyke kátegmowágkok ma'a kelán'a. Keñe axta apkexna aqsa ápak néten yámelyeheykok, tén axta apxegákxo makham apmeyákxo m'a apxagkok.

Josué 7:13

Yempekxa néten, eláneyha m'a énxet'ák nak, eltennés sa' yának elánekxak aptamhágkaxa yaqwayam elmeyenták ko'o emonye' m'a élsaka sa', hakte ko'o sekteme Wesse', Dios apagkok nak ma'a énxet'ák Israel, ektáhak se'e: ‘Kéxegke Israel, kélmeyk ma'a aqsok séltémo axta kólmasséssók ekyókxoho. Sa' agkok kólmasséssekmok kéxegke m'a aqsok séltémo axta kólmasséssók, megkólxohók sa' kólenmexek ma'a katnaha nak kélnámakkok.’

Génesis 44:4

Axta han elwegkepákxak apkeltaqhákxo, ketók axta makham ma'a tegma apwányam, keñe axta aptáha apcháneya José apkemha apmonye' apchásenneykha s'e: —Elemhagkokxa hana m'a énxet'ák nak, sa' etnehek elának apkeltahanyékxo enxoho s'e: ‘¡Tásek axta ko'o sekteméssesakxa kéxegke, keñe kéxegke asagkek sélteméssesakxa'! ¿Yaqsa ektáha kélmenyexa nak egheykok sawo ekmope ekmomnáwa nak

Génesis 19:14

Keñe axta Lot apya'aweykxo m'a yaqwayam axta etnehek apkelpepháyem, élpagkanma axta m'a apketchek. Aptáhak axta apkeláneya s'e: —¡Kólnaqxétekhák, kólántép sa' se'e, hakte peyk emasséssók Wesse' egegkok se'e tegma apwányam nak! Apkelya'ássekmek axta eyke aptáhakxa apcháneya Lot ma'a yaqwayam axta etnehek apkelpepháyem.

Jueces 4:10

Cham'a apkeláneyágkaxa axta han Barac Zabulón énxet'ák apagkok ma'a, tén han Neftalí, apchánchesákxeyk axta diez mil sẽlpextétamo, yaqwayam enxoho enaqlók. Yetlókek axta m'a Débora.

Josué 10:8

Keñe axta Wesse' egegkok aptáha apcháneya s'e: “Nágye aqsa exchep ma'a, hakte ko'o sa' almések. Méko sa' xama énxet apwanchek yenmexekxak xép.”

Jueces 7:9

Cháxa axta'a nak, aptáhakxa axta Wesse' egegkok apcháneya m'a Gedeón: “Exnekxa néten, keñe sa' exog ektámenták ma'a madianitas, hakte almések sa' ko'o exchep ma'a.