Jueces 21:3 - Biblia Enxet

³ “¡Wesse' egegkok, Dios nak Israel! ¿Yaqsa ektáha sentáha nak negko'o xa ektáha nak? ¿Yaqsa ektáha peya nak emassegwók nápakha nak énxet'ák Israel?”

Jueces 21:3 Referans Kwoze

Jeremías 12:1

Wesse', élátegmoweyxchek agkok ko'o exchep, xeyep aqsa chá'a kapayhohok aptáhakxa appeywa; peyk eykhe almaxneyha ko'o exchep ektémakxa aqsok sekwete. ¿Yaqsa enxoho ektéma ektaqmalma chá'a ekteyapma aqsok apkelánéyak ma'a élmasagcha'a nak apkeltémakxa? ¿Yaqsa enxoho ektéma megkatnegweykmoho chá'a exma apheykha m'a appelakkassesso nak chá'a elsexnenak apnámakkok?

Isaías 63:17

Wesse', ¿yaqsa ektéma apkeltémo nak ólyetnakhágwók nélyetlo m'a ámay apagkok? ¿Yaqsa ektéma sẽlyennaqtéssessama nak egwáxok yaqwayam enxoho magakyehek xép? Hẽgyo'óta makham, eñama apkelásekhayo m'a apkeláneykha nak tén han ma'a pók aptémakxa nak chá'a énxet'ák ektáha nak xép apagkok.

Proverbios 19:3

Aptémakxa ekyeyháxma chá'a keytnakhássók apxega m'a énxet, keñe ephéssekxak chá'a apteméssesso m'a Wesse' egegkok.

Salmos 80:12

¿Yaqsa ektéma apyaqnegkessessama nak kélhaxtegkesso apchahayo chá'a apnakxama m'a appéwomo nak chá'a m'a nekha nak?

Salmos 74:1

Oh Dios, ¿yaqsa ektéma segkexakhama apagko' nak? ¿Yaqsa ektéma apkeltaqnaweykegko nak xép ma'a nepkések apkelleykha nak yókxexma apagkok?

Deuteronomio 29:24

“Keñe sa' etnehek elmaxneyha apyókxoho énxet'ák se'e: ‘¿Yaqsa ektáha apteméssesa nak Wesse' egegkok xa apchókxa nak? ¿Yaqsa ektáha aplóko apagko' nak?’

Jueces 21:2

Tén axta apchaqnákxo m'a Betel, apháha axta nápaqtók Dios ekwokmoho ekyáqtésa, apkellekxagweyha axta, tén han apkelpaqméteyncha'a aptáha s'e:

Jueces 21:4

Mók ekhem axta entáhak, axto'ók agko' axta apnaqxétekhágko israelitas, apkelánegkek axta xama ekwatnamáxchexa aqsok, keñe axta apkelmésa chá'a Wesse' egegkok aqsok apkelwatno, keñe han ma'a aqsok apkelnapma segwetassamo nak nélásekhamaxchekxoho.