Jueces 21:14 - Biblia Enxet

¹⁴ Apkelwa'akteyk axta makham ma'a Benjamín énxet'ák apagkok, apkelmeyásegkek axta han israelitas ma'a kelán'a apnaqleykenta axta éleñama m'a yókxexma Jabés. Ántawók agko' axta eyke han ma'a kelán'a, axta kawákxoho'.

Jueces 21:14 Referans Kwoze

Jueces 21:12

Cuatrocientos kelán'a étkók axta han kelwetáxchek nepyeseksa énxet'ák apheykha nak Jabés, metnéssesseykmoho nak makham exma xama énxet, kélnaqlánteyk axta m'a apkelpakxeneykegkaxa nak énxet, apheykencha'a nak ma'a Siló, cham'a Canaán nak.

Jueces 20:47

Seiscientos Benjamín énxet'ák apagkok axta eyke apkelxeganakmok, apkenyahágkek axta apkelpéwo m'a yókxexma meykexa nak énxet, tén axta apkelheykmo cuatro pelten ma'a émhakxa nak meteymog Rimón.

Jueces 21:8

¿Yetnéya xama israelitas se'e memhéyak axta nápaqtók Wesse' egegkok ma'a Mispá?” Xénwákxók axta kélwáxok méko xama enxoho appasmo apchaqneykekxa m'a apkeleñama nak Jabés nak Galaad,

Jueces 21:13

Tén axta apyókxoho énxet'ák apkeltamho kólnaqlósawakxak ma'a Benjamín énxet'ák apagkok, apheykencha'a nak ma'a émhakxa nak meteymog Rimón, kéláneyáha axta yaqwayam elwátésagkok apkelnápomap.

Jueces 21:15

Apyósekak axta apkelano israelitas ma'a Benjamín énxet'ák apagkok, hakte apkelyetnakhássek axta Wesse' egegkok nepyeseksa m'a pók Israel nak.

Jueces 21:22

Apkelwa'ak sa' agkok yapmeyk apkelmeyawa enxoho m'a kelán'a étkók, essenhan ma'a kelyapma nak, sa' negko'o antéhek agának se'e: ‘Nágkóltaqnow aqsa m'a énxet'ák nak, kólásekhekxoho sa', hakte mogwanchek axta negko'o negmako agwetaksek kelán'a apyókxoho xa yaqwayam etnahágkok apnaqteyegka'a, némpakha'a axta m'a Jabés. Megkólmeyáseykegkok han kéxegke, naqsók kélyeheykekxoho m'a nentémakxa axta neghéssamo mók nélpaqmeyesma.’”