Jueces 20:48 - Biblia Enxet

⁴⁸ Apketámegkokxeyk axta makham israelitas ma'a nápakha nak Benjamín énxet'ák apagkok, sawo axta chá'a apkelyetxeyk apkelnapa énxet'ák ma'a tegma apwányam nak, apkelnapchek axta aqsok kélnaqtósso, keñe han ekyókxoho aqsok apwet'akxa enxoho chá'a, apkelwatneyk axta tegma apkelyawe nak.

Jueces 20:48 Referans Kwoze

Proverbios 18:19

Nenlókasso egmók, máxa etnehek ma'a ektémól'a tegma apátog kélápeykekxa ekyennaqte. Nentaqnagko nak egmók, hegyenyókasek egmók, máxa katnehek ma'a ektémól'a tegma apyawe kélhaxtegkesso.

2 Crónicas 25:13

Appayhekxeyk axta tegma apkelyawe Judá m'a sẽlpextétamo megyahayo axta epaxqeykxak ma'a Amasías yaqwayam yempakha', cham'a apkeltaqhessamo axta makham elmeyekxak ma'a apxanák, axta apcheynawok ma'a Samaria, ekweykekxoho m'a Bet-horón, apkelnapchek axta tres mil énxet, apkelsákxeyk axta han ekxámokma m'a aqsok apkelméyak axta.

Jueces 20:47

Seiscientos Benjamín énxet'ák apagkok axta eyke apkelxeganakmok, apkenyahágkek axta apkelpéwo m'a yókxexma meykexa nak énxet, tén axta apkelheykmo cuatro pelten ma'a émhakxa nak meteymog Rimón.

Jueces 21:1

Naqsók axta apteméssessók apkelpeywa israelitas, cham'a apheykegkaxa axta Mispá, megyohok chá'a kalmagkok apketchek kelwán'ák xama enxoho m'a Benjamín nak énxet'ák apagkok.

Jueces 21:23

Apkelyahákxók axta han Benjamín énxet'ák apagkok etnahagkok ma'a ektáhakxa axta apkeláneyákpo, xama, xama axta chá'a apkétchásak kelán'a étkok neyseksa eknéweykha, apyentamákxeyk axta chá'a. Apkeltaqháwok axta makham ma'a apkelókxa', apnaqxétekhásegkokxeyk axta makham tegma apkelyawe apagkok, keñe axta apheykencha'a makham ma'a.