Jueces 2:3 - Biblia Enxet

³ Cháxa keñamak sektáha nak séláneya kaxwók kéxegke s'e: Malántekkesek sa' ko'o kaxwók kélmonye'e kéxegke m'a énxet'ák nak, apkelsexnenagko sa' kaxwók etnehek kéxegke xa énxet'ák nak, tén han ma'a aqsok apcháyókxa nak.”

Jueces 2:3 Referans Kwoze

Números 33:55

Sa' agkok kólántekkásak kéxegke énxet apheykha nak ma'a apchókxa, elya'aksek sa' exma m'a apkeleymomap nak, máxa sa' etnéssesek ma'a ektémól'a segyéxaqxo ekyetno egaqtek, essenhan sẽlwáxaqxól'a egyempehek ketekma apma'ák, kélhakmo sa' kéxegke m'a apchókxa nak;

Salmos 106:36

apkelpeykessamók axta m'a kéleykmássesso apagkok nak xa pók énxet'ák nak, élsexnenagkama axta appalleykmo,

Deuteronomio 7:16

Kólmasséssók sa' eyke chá'a kéxegke apyókxoho énxet apkelmésakxa enxoho chá'a yaqwayam kólmok ma'a Wesse' egegkok; nágkalepyósegwom kóllano', nágkólpeykesho nahan ma'a aqsok apkeláyókxa nak, hakte cháxa yaqwayam kanaqlakxak kéxegke negmassamakxa xa.

Jueces 3:6

apkelmeykegkek axta han aptamheykegko apnaqteyegka'a apketchek apkelennay'a, tén han kelwán'ák israelitas, apketchek apkelennay'a tén han kelwán'ák nak xa énxet'ák nak, apkelpeykessamók axta han ma'a aqsok apcháyókxa nak.

Jueces 2:21

Malántekkesek sa' ko'o kaxwók apmonye'e m'a énxet'ák nak, melántekkesso axta m'a Josué, cham'a apyennaqtamakxa axta.”

Éxodo 34:12

“Nágkólmés aqsa xama enxoho ekhémo mók kélpaqhetchásamaxkoho m'a énxet'ák, apheykha nak ma'a apkelókxa yaqwánxa nak kólántexek, yaqwayam enxoho megyánhek kalmok ma'a yám'én apagkok apkelhanma nak.

Éxodo 23:33

nágyoho elhekxak ma'a apchókxa nak, yaqwayam enxoho megyánhek elának ma'a mey'assáxma sénmexma nak ko'o. Hakte elpeykeshok katnehek ma'a aqsok apcháyókxa nak chá'a m'a énxet'ák nak, cháxa yaqwayam kaxyánegkesek xép xa.”

Jueces 2:4

Xama axta appenchesa apteme appeywa Wesse' egegkok apchásenneykha xa ektáha nak, axta eleyságkohok apkellekxagweyncha'a m'a apyókxoho israelitas.

Jueces 8:27

Apkelanak axta han xama efod Gedeón xa sawo ekyátekto élmomnáwa nak, appekkenmeyk axta m'a Ofrá, apchókxa nak, apkelyenseykmek axta apkelyetleykha Wesse' egegkok ma'a apyókxoho énxet'ák Israel eñama xa efod nak, ektegkessama axta m'a Gedeón tén han ma'a aphawóxama nak.