Jueces 2:10 - Biblia Enxet

¹⁰ Apkeletsepmeyk axta han apyókxoho israelitas, apkektegeykegkoho xamo' axta Josué. Keñe m'a appalleyam axta neptámen, melya'ásegkok ma'a Wesse' egegkok, tén han ma'a aqsok apkelánesso axta chá'a m'a Israel.

Jueces 2:10 Referans Kwoze

1 Samuel 2:12

Asagkek axta apkeltémakxa m'a Elí apketchek, megkalxének axta apkelwáxok ma'a Wesse' egegkok,

Éxodo 5:2

Keñe axta faraón aptáha apchátegmowágkokxo s'e: —¿Yaqsa Wesse' m'a apkeltamho nak ko'o alyahakxoho' tén han apkeltamho nak han wohok elántépok ma'a israelitas? Mateyk ko'o m'a Wesse' nak, magwohok nahan ko'o elxog ma'a israelitas.

Jeremías 31:34

Kamaskok sa' kaxwók elxekmósek pók, tén han apkelxegexma, tén han ma'a apnámakkok apancha'awo nak, yaqwayam enxoho hey'asagkohok ko'o, hakte hey'asagkohok sa' ko'o apyókxoho énxet, cham'a ekyawe nak kéláyo, ekweykekxoho m'a meyke nak kéláyo. Mayaqmagkásekxeyk sa' ko'o aqsok ekmaso apkelánéyak, megkaxénwakxók sa' chá'a kaxwók ewáxok ma'a melya'assáxma nak. Ko'o sekxeyenma xa, sektáha nak Wesse'.”

Isaías 5:12

Keytek chá'a kélháxenmo arpa apkelpáwá, tén han ma'a pók aptémakxa nak chá'a yát'axpog, tén han kéltekpaga nak chá'a tén han ma'a yámámok kélpáwasso nak. Awanhek nahan chá'a katnehek vino kéllane m'a ektámáxche ekyawe, keñe megkaxeyenma chá'a kélwáxok ma'a aqsok apkelane nak chá'a m'a Wesse' egegkok, megkólya'ásegkok ma'a aqsok apkelane nak.

1 Crónicas 28:9

Keñe sa' xép, hatte Salomón, ey'asagkoho sa' Dios apagkok nak apyáp, elána' sa' chá'a ekweykmoho kañók agko' apwáxok ma'a apkeltémókxa nak etnehek, tén han yetlo ekmáheyo apwáxok, hakte elanok chá'a Wesse' egegkok ma'a ektémakxa nak egwáxok, ékpelkohok han ma'a ektáhakxa enxoho chá'a ekmámenyého egwáxok, tén han élchetamso egwáxok. Apketamchek sa' agkok chá'a exchep ma'a, megkatnehek sa' chá'a méteyeykekxa'; apyenyókek sa' agkok xép ma'a, eyenyók sa' megkatnégwayam néxa m'a.

2 Samuel 7:12

wokmek sa' agkok néxa apha, apketsapa enxoho, atnéssesek sa' ko'o xama wesse' apwányam ma'a aptawán'ák neptámen nak xép, eynnaqtéssesek sa' aptémakxa nak wesse' apwányam.

Jeremías 22:16

Etaqmelchessásekxak axta chá'a apheykha m'a meyke nak aqsok apagkok, tén han ma'a kélnaqtawáseykegkoho nak, axta keñamak ektaqmalma chá'a aqsok apkelane. Cháxa magkenatchesso ektáha ko'o sey'áseyak xa. Ko'o sekxeyenma xa, sektáha nak Wesse'.

Jeremías 9:3

Yahamok chá'a héltennasha apkelmopwancha'a amya'a, máxa m'a ektémól'a yágke kólhaxtaqpog aktek. Yetnegkek negmowána amya'a m'a apchókxa, méko m'a amya'a ekmámnaqsoho nak; Yágweykmók aqsa ekteyapma aqsok ekmaso, Wesse' egegkok apagko' nahan apteme appeywa s'e: “Memáheyók hékpelchágwók ko'o.”

Job 21:14

Etnehek chá'a yának Dios se'e: “¡Ná hẽlye'és exma, mogmenyeyk negko'o agya'ásegwók segánamakxa apagkok!

Deuteronomio 31:16

Tén axta Wesse' egegkok aptáha apcháneya Moisés se'e: “Apketsekkek sa' agkok xép, keñe sa' se'e énxet'ák nak enaqtawasakpok sa' elyetlakxak ma'a mók aqsok kéláyókxa ekheykegko nak ma'a mók apchókxa yaqwánxa sa' kólmok; keñe sa' ko'o heyenyók, etwasha sa' ma'a ekhémo mók nélpaqhetchásamáxkoho sélánésso axta ko'o m'a.

Números 27:13

Appenchessek sa' agkok apwete m'a, yetsapok sa', epáxaqwakxak sa' ma'a apyapmeyk nano', ektéma axta m'a apepma Aarón,

Génesis 49:33

Xama axta appenchesa apkeltennáseyak Jacob apkeltamhókxa etnahagkok ma'a apketchek, apsekhákxeyk axta makham apyetnamakxa néten, keñe apketsapa.

Génesis 25:8

apwányamók apagko' axta han aptemék apketsapma, appáxaqweykekxeyk axta m'a apyapmeyk nano' axta.

Génesis 15:15

Yetsapok sa' eyke exchep meyke ektemegweykmoho exma, aptáha enxoho apwányamo', epáxaqwakxak sa' ma'a apyapmeyk nano' axta.

Génesis 25:17

Ciento treinta y siete apyeyam apagkok axta weykmok Ismael apketsapma. Appáxaqweykekxeyk axta apyapmeyk nano'.

Éxodo 1:6

Apketsekkek axta m'a José tén han ma'a apkelpepma, tén han ma'a apyókxoho ektáha axta apkektegeykegkoho xamo'.

Éxodo 1:8

Yáma néwomók axta anhan aptépeykxo makham pók wesse' apwányam ma'a Egipto, háwe axta nahan apyekpelchémókxa m'a José. Aptáhak axta nahan apkeláneya énxet'ák apagkok se'e:

Josué 24:31

Apkelyeheykekxók axta Wesse' egegkok israelitas, apyennaqtamakxa axta makham ma'a Josué, meletsapmakxa axta han ma'a apkelámha apmonye'e apkelya'áseykegkoho axta ekyókxoho m'a apteméssessamakxa axta chá'a Wesse' egegkok ma'a israelitas.

Jeremías 9:2

¡Kaxho annal'a xama yókxexma sekhamakxa m'a meykexa nak énxet, yaqwayam enxoho axnamok makhawo' akxák apheykegkaxa m'a énxet'ák ahagkok! Hakte apyókxoho aptamhéyak apnaqtawáseykegkoho apnaqteyegka'a m'a apkelánegwayam chá'a mók; tén han appelakkassesso chá'a elsexnenak apnámakkok.

Jeremías 9:5

Elyexanchesha chá'a pók, méko xama enxoho apxeyenma amya'a ekmámnaqsoho. Keltámeyeykegkek aptamhéyak apkelmopwancha'a amya'a; apnaqtawásamákpe', mopwanchek