Jueces 19:15 - Biblia Enxet

¹⁵ Tén axta apkelyetnakhágwokmo apkelmahágko m'a Guibeá, peya enaqtének axta'a m'a, aptaxnegwokmek axta levita m'a, axta aphakmok ma'a apheykegkaxa axta chá'a énxet'ák elweynchamha m'a tegma apwányam, hakte méko axta ekmésa yaqwánxa enaqtének.

Jueces 19:15 Referans Kwoze

Jueces 19:18

Apchátegmowágkek axta levita: —Yaqwatakxoho negko'o negháha s'e. Néleñamak negko'o m'a Belén, cham'a Judá, peyk ólmahagkok ma'a makhawók agko' nak egkexe Efraín, sekhamakxa nak ko'o. Axta ekheykmok sekxók ko'o m'a Belén, keñe sekmeyákxo makham exagkok, méko eyke xama énxet enxoho segkésso yaqwánxa atyenek se'e.

Jueces 19:14

Keñe axta apkelxega aqsa, peyk axta katxek ekhem apkelwákxo m'a Guibeá, tegma apwányam apagkok axta m'a Benjamín énxet'ák apagkok.

Jueces 19:16

Yáqtéssek axta, apyeykhágwa'akteyk axta xama kelaphope apkeñékto aptamheykegkaxa'. Egkexe Efraín axta apkeñamak xa kelaphope nak, aphegkek axta m'a, máxa axta aptemék ma'a énxet apkeñama mók nekha, hakte Benjamín énxet'ák apagkok axta m'a apheykencha'a axta Guibeá.

Jueces 20:4

Aptáhak axta m'a levita, atáwa' axta m'a kelán'a étsapma nak: —Ekwa'akteyk axta ko'o yetlo kelán'a sekmeykha naqsa m'a tegma apwányam Guibeá, apheykegkaxa nak Benjamín énxet'ák apagkok, yaqwayam enxoho atyenek axta'a m'a.