Jueces 16:6 - Biblia Enxet

⁶ Tén axta ektáha eyáneya Sansón xa kelán'a nak: —Héltennés hana, háxko éñamakxa xa apyennaqte apagko' nak. ¿Yetnéya nentémakxa ólpextétek yaqwayam enxoho melyeytekkese'?

Jueces 16:6 Referans Kwoze

Miqueas 7:5

Ná etnésses chá'a naqsók appeywa pók, nágyáwho chá'a xama enxoho m'a apxegexma nak; elanagkoho chá'a appeywa appaqhetchesa enxoho aptáwa'.

Miqueas 7:2

Méko kaxwók énxet ekpéwomo aptémakxa keso náxop, tén han meyenseyam nak ma'a Dios; apkelhaxneykha aqsa chá'a kaxwók apnámakkok yaqwayam elnápok; apnegkenchessegkek aqsa chá'a kelhanma yaqwayam elmok.

Proverbios 26:28

Etaqnawhok amya'a ekmámnaqsoho m'a énxet apmopwána amya'a nak, énxet ektaqmeleykha nak appeywa henlána', etekkesek chá'a ekmaso apheykha énxet'ák.

Proverbios 22:14

Máxa máxek ekmattawóneg agko' ekpeywa m'a kelán'a apha atáwa' élánegwayam nak chá'a pók énxet, apteyeykemxa nak chá'a m'a énxet apkeltaqnagko nak Wesse' egegkok.

Proverbios 7:21

Lekwokmók axta apwáxok wokma'ák ma'a ektáhakxa axta ekpeywa ekmátsa, tén han élenxányam,

Proverbios 6:26

Ekyánmaga eyke aqsa chá'a amenyeyk ma'a kelán'a ekyaqmagkáseyak nak pók énxet ektegye selyaqye, keñe m'a kelán'a apha nak atáwa', wánxa aqsa kaltamhok kategkesek ma'a énxet ektaqmalma nak aptémakxa'.

Salmos 12:2

Elyexanchesha aqsa chá'a pók; atsek chá'a katnehek apkelpeywa háwe eyke naqso', eyaqmagkasek chá'a mók ektáhakxa apkelpeywa.

Jueces 16:5

Apkelyo'ókmek axta apkelámha apmonye'e filisteos ma'a Dalila, aptáhak axta apcháneya s'e: —Kawánho hana sa' ekpeywa kalának Sansón, kalmaxneyha sa' háxko éñamakxa m'a apyennaqte apagko' nak, tén han negewagkexa enxoho negko'o antéhek agmok; tén sa' negko'o egwanchek ólpextétek. Agmések sa' chá'a negko'o enxama exche' m'a mil cien selyaqye aktek élmope, ekyánmaga ektamheykha.

Jueces 16:7

Apchátegmowágkek axta Sansón: —Élpextehetchek sa' agkok ko'o siete táma axnancha'ák megkalyamaye nak makham yágke axát'ák, kamaskok sa' sekyennaqte, atnekxak sa' ma'a aptémakxal'a énxet meyke apyennaqte.

Jueces 14:17

Kelekxagweykha axta aqsa han nápaqtók ekweykmoho siete ekhem élánamáxche ektámaxche ekyawe, axta kalwátesseykmok, tén axta ektáha siete ekhem apkeltennasa ektémakxa. Yetlókok axta han ekxega éltennássekxo m'a ekpeywomo xamo'.

Nehemías 6:4

Cuatro axta temék seyaphássesso xa ektéma nak, axta eyke ko'o ayaqmagkasseykmok mók sektémakxa axta chá'a sekpeywa.