Jueces 16:16 - Biblia Enxet

¹⁶ Leklágweykmek axta Sansón, hakte yókxoho ekhem axta élenxányam Dalila ekteme chá'a élmaxneyeykha xa ektáha nak, apkeltémok axta yetsapok;

Jueces 16:16 Referans Kwoze

Jonás 4:9

Aptáhak axta Dios apchátegmowágko s'e: —¿Táseya aptáhakxa, aptáha nak aplawa xa ektáha nak, eñama ekyamaye m'a élyaw'áwa' nak? —¡Táse' neykhe sektáha seklawa xa ektáha nak! —axta aptáhak Jonás apchátegmowágko— ¡Peyk ko'o watsapok seklo!

Job 21:4

Háwe ko'o énxet xamo' sélátegmómaxko nak chá'a; cháxa keñamak may'áseykegko nak chá'a sektémakxa.

Jueces 16:15

Tén axta ektáha eyáneya s'e: —¡Apmopwána amya'a! Yaqsa ektéma apxeyenma nak chá'a semámenyého. Ántánxo táhak setwáseykegkoho, meheltennásak ko'o makham éñamakxa exchep ma'a apyennaqte nak.

Jueces 16:17

tén axta apkeltennasa aqsa Dalila m'a ektémakxa apyennaqte: —Méko ko'o sélyaqténchesso éwa' xama enxoho, hakte ekpagkanchásamaxcheyk axta ko'o Dios yaqwayam atnehek nazareo, amonye' axta sektéyam. Élyaqténchessek agkok ko'o éwa', kamaskok sekyennaqte, meyke sekyennaqte atnehek, ektéma nak chá'a énxet.

Jueces 14:16

Keñe axta ekya'aweykxo m'a Sansón, kelekxagweyha axta ektáha eyáneya s'e: —¡Neyke heyásekhék xép! ¡Etaqnagkamchek xép! Apkeltamhók axta exchep epékásekxak aqsok magya'áseyak apkeltennasso m'a sekpeywomo xamo', mehéltennassók han xép ektémakxa. Aptáhak axta Sansón apchátegmowágko: —Maltennassók ko'o táta tén han méme, maltennaksehek han xeye'.

Jueces 14:17

Kelekxagweykha axta aqsa han nápaqtók ekweykmoho siete ekhem élánamáxche ektámaxche ekyawe, axta kalwátesseykmok, tén axta ektáha siete ekhem apkeltennasa ektémakxa. Yetlókok axta han ekxega éltennássekxo m'a ekpeywomo xamo'.