Jueces 12:3 - Biblia Enxet

³ Xama axta sekwet'a kéxegke mehelya'aweykto yaqwayam hélpásegwata', keñe magweygwákxo sekmahágko eyesagkexa', étámegkek axta m'a amonitas, emallahanchessek axta han Wesse' egegkok. ¿Yaqsa ektáha kélxegakmo nak yaqwayam hélnapaxchek ko'o?

Jueces 12:3 Referans Kwoze

Job 13:14

Mamyágwakxeyk sa' sekyennaqte, magweygwakxeyk sa' sétsapma.

1 Samuel 28:21

Xama axta ekwet'a kelán'a apyegwaya m'a Saúl, yepetchegwokmók axta, keñe ektáha eyáneya s'e: —Élanak ko'o aqsok sélmaxneyeykha, ko'o sektáha nak apkeláneykha. Magwakak sétsapma sélyahákxoho apkeltamhókxa atnehek.

1 Samuel 19:5

memyágweykekxak apyennaqte apchaqhama m'a filisteo, cháxa ektáhakxa axta apkelwagkasa teyp Wesse' egegkok ma'a Israel. Apweteykegkók axta exchep wesse', payheykekxeyk axta exchep apwáxok. ¿Yaqsa ektáha apmako nak yaqhek xama énxet meyke aptémakxa, apmako nak yaqhek David meykexho aptáhakxa?

Salmos 119:109

Hágkaxwe chá'a ko'o kagketagkoho watsapok, makke hélwagqeykmok ma'a nélxekmowásamáxche apagkok nak.

2 Crónicas 13:12

Kólya'asagkoho chá'a apha Dios negaqta'awók negko'o, tén han ma'a appasmo nak apkelmaxnéssesso énxet'ák apagkok, penchásexcheyk yaqwayam kólaqkahaksek ma'a kélaqkahasso nak, yaqwayam ómpakhak negko'o kéxegke. Énxet'ák Israel, nágkólnapaxche aqsa Wesse' egegkok, Dios apagkok axta m'a kélyapmeyk nano', megkólxoho'.”

Jueces 11:27

Matnéssesseykmohok ko'o exma ekmaso exchep xama enxoho. Xeyep akke asagkek aptáhakxa segketamakmo. Wesse' egegkok akke apteme segyekpelchémo. Sa' elyekpelkohok israelitas, tén han amonitas.”

Jueces 9:17

Axta yeyék chá'a yetsapok táta apkelmasma kéxegke, apmáheyo elmallahanchesek neyseksa apkelma m'a madianitas;

Jueces 12:2

Apchátegmowágkek axta Jefté: —Nélenmexáxchekxeyk axta negko'o m'a amonitas, ko'o tén han ma'a énxet'ák ahagkok, éláneyeykha axta eykhe ko'o kéxegke, keñe mehelpásegweykto.

Jueces 12:4

Tén axta Jefté apchánchesákxo apyókxoho énxet'ák Galaad, apkelnápekpek axta m'a Efraín énxet'ák apagkok, apmenxenchek axta han. Elxénmakha axta chá'a Efraín énxet'ák apagkok apheykha nak Galaad, apkelánteyapma m'a Efraín, cham'a apheykencha'a axta m'a teyp nak Efraín halep nak Manasés.