Jueces 11:33 - Biblia Enxet

³³ Apxámok axta apkelnapma Jefté m'a apkelenmexma, apkelmeyk axta veinte tegma apkelyawe, cham'a Aroer, Minit tén han Abel-queramin. Cháxa aptemessásekxo axta kóneg israelitas ma'a amonitas.

Jueces 11:33 Referans Kwoze

Ezequiel 27:17

Axta nahan apkelyánmagkasamákpok chá'a exchep ma'a énxet'ák Judá tén han ma'a Israel: eyánmagkasek axta chá'a aqsok apkelma ekyaqmageykekxa m'a hótáhap apaktek apkeñama nak ma'a yókxexma Minit yetlo m'a aqsok nentamakxa nak chá'a, tén han ma'a yányawhéna' apyegmenek, tén han ma'a pexmok égmenek tén han ma'a pánaqte néltexnémaxche ekmátsa nak ekpaqneyam.

Deuteronomio 2:36

Méko axta xama enxoho tegma apwányam magmomakxa negko'o, axta eyeynamókxa m'a tegma apwányam Aroer, apyetnama nak ma'a nekha wátsam Arnón, tén han ma'a tegma apwányam apyetnama nak ma'a ekyapwátegweykenxa xapop, ekweykekxoho m'a Galaad; hakte Dios Wesse' egegkok axta apkeltémo ólmok negko'o m'a apyókxoho nak.

Jueces 11:32

Aptaxnegwokmek axta Jefté m'a yókxexma apagkok nak amonitas, keñe axta apketámegko, apmallahanchessek axta han ma'a Wesse' egegkok.

Números 32:34

Apnaqxétekhásegkokxeyk axta makham Gad énxet'ák apagkok ma'a tegma apkelyawe nak Dibón, Atarot, Aroer,

1 Reyes 20:21

Tén axta apxega m'a wesse' apwányam Israel, apkelmeyk axta m'a yátnáxeg tén han apkelyenyawasso nak chá'a apkenchesso kempakhakma, apnaqtawásegko' apagko' axta m'a sirios.