Jueces 1:29 - Biblia Enxet

²⁹ Mopwanchek axta han apmáheyo elántekkesek Efraín énxet'ák apagkok Guézer ma'a cananeos apheykencha'a axta m'a, cháxa keñamak apheykencha'a nak makham nepyeseksa m'a cananeos.

Jueces 1:29 Referans Kwoze

Josué 16:10

Axta eyke elántekkessók Efraín énxet'ák apagkok Guézer ma'a cananeos apheykencha'a axta m'a. Apchahayók axta aqsa apheykencha'a nepyeseksa, apkeltémók axta eyke eltemeykha etnahagkok apkelásenneykha naqsa. Makhemek makham apheykha cananeos xa yókxexma nak.

1 Reyes 9:16

apweykmek axta faraón ma'a, wesse' apwányam nak Egipto, apmomchek axta m'a tegma apwányam Guézer; apwatneykekxók axta han, apkelnapmeyk axta han apyókxoho cananeos apheykencha'a axta m'a tegma apwányam nak, keñe apméssama apteméssessama apmésso naqsa m'a apketche kelwána, aptáwa' axta m'a Salomón.

Josué 10:33

Yahamok axta han apkelanyexakmo m'a Horam, wesse' apwányam nak Guézer yetlo sẽlpextétamo apagkok, apmako elmeyók ma'a énxet'ák nak Laquis, apsawhawók axta eyke han apkelnapa Josué m'a énxet'ák nak, axta yeykmok xama enxoho.

Jueces 1:28

Xama axta apkelyennaqweykmo m'a israelitas, apkeltemessáseykha axta m'a cananeos, apméssama ekyentaxno apkeltamheykha, mopwanchek axta eyke apmáheyo elántekkesek.

Jueces 1:30

Mopwanchek axta han apmáheyo elántekkesek Zabulón énxet'ák apagkok Quitrón, keñe han Nahalal ma'a cananeos apheykencha'a axta m'a, cháxa keñamak apheykencha'a nak makham cananeos nepyeseksa m'a, apkelméssegkek eykhe m'a ekyentaxno apkeltamheykha.

1 Reyes 9:15

Keso apkeltamheykha apmésso axta énxet'ák ma'a wesse' apwányam Salomón, yaqwayam elanagkok Wesse' egegkok tegma appagkanamap apagkok, tén han ma'a apxagkok apyawe nak, keñe han xapop kélekhesso nak, tén han ma'a kélhaxtegkesso nak nepyáwa' Jerusalén, tén han ma'a tegma apkelyawe nak Hasor, Meguido, Guézer: