Jueces 1:10 - Biblia Enxet

¹⁰ Apketámegkek axta han ma'a cananeos apheykha axta m'a tegma apwányam Hebrón, ekwesey axta nanók Quiriat-arbá, apmenxenchek axta m'a Sesai, Ahimán, tén han Talmai.

Jueces 1:10 Referans Kwoze

Josué 14:15

Quiriat-arbá axta apwesey nanók ma'a tegma apwányam nak Hebrón, hakte Arbá axta apteme xama énxet ekha kéláyo m'a nepyeseksa aptawán'ák neptámen axta m'a énxet apwenaqte apwesey axta Anac. Keñe axta natámen xa ekmassama kempakhakma m'a yókxexma ektaqmeleykekxo apheykha m'a énxet'ák.

Números 13:22

Apkelántaxneyk axta m'a ekpayho nak Négueb tén axta apkelwokmo m'a Hebrón. Cha'a apheykegkaxa axta nahan Ahimán, Sesai, tén han Talmai ma'a, Anac axta aptawán'ák neptámen. Siete apyeyam axta nahan weykmok apkelánamap ma'a tegma apwányam Hebrón, amonye' apkelánamap axta Soan ma'a Egipto.

Jeremías 9:23

Aptáhak Wesse' egegkok se'e: “Kéméxcheyk megkeyxkók appeywa exénakpekxohok apagko' énxet apya'áseykegkoho nak aqsok eñama apteme ekha apya'áseyák, tén han ma'a énxet apyennaqte nak eñama apteme ekha apyennaqte, tén han ma'a ekxámokma nak aqsok apagkok, eñama apteme ekxámokma aqsok apagkok.

Eclesiastés 9:11

Yetneyk han mók aqsok sekweteya nak chá'a ko'o keso náxop: háwe apkelyennaqte apkenyahéyak ma'a apkelwatno nak chá'a apkelteyásamap, háwe han chá'a apkelyennaqte m'a apkelmallanma nak kempakhakma; háwe han chá'a ekyókxoho ekhem apkelwete aptéyak ma'a énxet'ák apkelya'áseyak nak aqsok, háwe han chá'a apkelwesse'e m'a énxet'ák ekha nak apkelyekpelchémo, melmakpek nahan chá'a takha' m'a apkelmopwancha'a nak elanagkok aqsok; xama ekhem chá'a kataqmelek ektamhágkaxa, essenhan xama ekhem chá'a kasók ektamhágkaxa m'a apyókxoho nak.

Jueces 1:20

Caleb axta han payhémók apxawe m'a yókxexma Hebrón, ekhawo apkeltennassamakxa axta m'a Moisés, apkelántekkessegkek axta han Caleb apqántánxo apketchek axta m'a Anac.

Números 13:33

Negwet'ak axta han énxet apkelwenaqte, Anac aptawán'ák neptámen. Xénche nak la'a egwáxok anxohok séta anchaqnágwók ma'a ekpayhókxa apchaqnágkaxa, cha'a katnehek nahan henlanok negko'o m'a.

Génesis 23:2

keñe axta étsapma m'a Quiriat-arbá nak, cham'a tegma apwányam nak Hebrón, yókxexma Canaán. Apkelekxagweykha axta Abraham étsapma Sara.

Génesis 37:14

Exeg sa' axta aptáhak Israel, elano sa' ektáhakxa apheykha m'a apkelpepma, tén han ma'a nepkések, keñe sa' éxyók makham hesantagkasek amya'a. Apcháphássek axta Israel José apkeñama m'a xapop ekyapwate nak Hebrón, apwokmek axta José m'a Siquem,

Josué 10:36

Apkelyeyk'ak axta m'a Eglón apkelmahágko tegma apwányam nak Hebrón, keñe axta han apketámegko m'a.

Jueces 1:9

Tén axta apketámegkokxo han ma'a cananeos, apheykencha'a axta m'a neyseksa meteymog élwenaqte élekhahéyak, yókxexma nak Négueb, keñe han ma'a ekpayhegweykenxa nak xapop.