Josué 8:2 - Biblia Enxet

² Sa' etnéssesek xeyep yókxexma Ai tén han ma'a wesse' apagkok nak, ekhawo apteméssesakxa axta m'a wesse' apwányam nak Jericó, wánxa agkok ma'a aqsok apagkok tén han ma'a apnaqtósso nak, kélwanchek sa' kéxegke kaxwók kólmok. Kóllánekxa sa' kéltáhakxa yaqwayam kólpelakkasek kélchetámeyak ma'a ekpayhókxa nak teyp tegma apwányam.”

Josué 8:2 Referans Kwoze

Deuteronomio 20:14

Keñe sa' ma'a kelán'ák, sakcha'álétkók, weyke, tén han ma'a ekyókxoho aqsok ekhéyak nak ma'a kañe' tegma apwányam, kéxegke sa' kóltéhek kélagkok; kélwanchek sa' kólmagkok ma'a ekyókxoho aqsok apkelmésso nak Dios Wesse' kélagkok yaqwayam kólyementamagkok ma'a kélenmexma.

Proverbios 13:22

Xámok chá'a katnehek aqsok apnegkencháseykekxa aptawán'ák neptámen ma'a énxet ektaqmalma nak aptémakxa'; keñe m'a aqsok apagkok nak ma'a énxet'ák melya'assáxma, sa' etnekxak apagkok ma'a énxet'ák élpéwomo nak apkeltémakxa.

2 Crónicas 20:22

Xama axta apkeynawo apkelmeneykmasso yetlo élpayheykekxa apkelwáxok ma'a negmeneykmasso nak, yetlókok axta melya'assáseyak aptamhágkaxa Wesse' egegkok ma'a nepyeseksa nak amonitas, moabitas tén han ma'a apheykha nak neyseksa meteymog élekhahéyak ma'a yókxexma Seír, apketámeyam axta m'a énxet'ák nak Judá, apmenxenákpek axta han.

Josué 6:21

Keñe axta apkelnapa m'a énxet'ák, kelán'ák, sakcha'áletkók, tén han ma'a apkelwányam nak, sókwenaqte axta chá'a apkelyetxeyk, wokmók axta han apkelnapma m'a weyke apnaqtósso, nepkések, tén han yámelyeheykok. Ekyókxoho agko' axta apmasséssekmok.

Jeremías 51:12

¡Kólya'és néten magkenatchesso yaqwayam kólchetamagkok ma'a kélhaxtegkesso nak Babilonia! ¡Kólxámasák apkeltaqmelchesso tegma! ¡Kólnegkenák apkelhaxneykha! ¡Kólnegkenák kelhanma! Hakte apkeláneykekxeyk axta aptáhakxa Wesse' egegkok yaqweykenxa etnéssesek apkeltennassama axta m'a Babilonia, apkelanak nahan.

Jeremías 17:11

Máxa sénhek apkeltahanwayam la'a aqsa megkatnahakxa appok ma'a énxet apxámasso nak aqsok apagkok eñama apmenyexeykha. Ekyennákxoho apyempehek sa' nahan kamassegwók ma'a ekxámokma aqsok apagkok, keñe sa' natámen etnehek ekyeyháxma.

Proverbios 28:20

Énxet ekpayhémo nak chá'a kóltéhek kéláyo, tásek sa' chá'a katnehek apha; kóllegássesagkohok sa' eyke m'a énxet ekpekhésso nak chá'a etnehek ekxákma aqsok apagkok.

Salmos 39:6

¡Apyókxoho énxet apteme aphémo pessesse ekmallanel'a! Kaqhok exámasagkok aqsok apagkok, hakte mey'asagkehek yaqsa sa' kalmekxak ma'a aqsok nak.

2 Crónicas 13:13

Nanók axta eyke apkeltamho Jeroboam elmeyekxak neptámen nápakha sẽlpextétamo, yaqwayam enxoho ektamagkok ma'a neptámen, keñe axta m'a apxámakxa nak sẽlpextétamo apagkok nak Jeroboam, apchaqnáncha'a m'a apmonye'e nak Judá énxet'ák apagkok, neyseksa apketámeyak axta nápakha sẽlpextétamo m'a neptámen nak.

Josué 10:28

Cháxa ekhem nak apmakxa axta makham Josué m'a tegma apwányam nak Maquedá, keñe axta han apmasséssekmo apyókxoho m'a. Sókwenaqte axta chá'a apkelyetxeyk apkelnapa m'a apyókxoho apheykha nak ma'a, méko axta xama apcháyam enxoho. Axta aptemessásak wesse' apwányam nak Maquedá ekhawo apteméssessamakxa axta m'a wesse' apwányam nak Jericó.

Josué 10:1

Awanhek axta ektamheykha apwáxok apleg'a amya'a Adonisédec, wesse' apwányam nak Jerusalén, apma Josué m'a tegma apwányam Ai tén han apmasséssekmo, keñe han apteméssesakxa m'a tegma apwányam nak yetlo wesse' apwányam apagkok, ekhawo apteméssesakxa axta sekxók ma'a yókxexma nak Jericó yetlo wesse' apwányam apagkok, keñe han apleg'a amya'a ekmassa apmáheyo elnapakpok énxet'ák Israel ma'a énxet'ák nak Gabaón, keñe s'e kaxwo' nak apkelásekhákpoho tén han apkelweynchámeyncha'a m'a nepyeseksa nak. Awanhek axta apyegwakto apleg'a xa amya'a nak, hakte cham'a tegma nak Gabaón apteme axta xama tegma apwányam apagko', mexnawok ma'a tegma nak Ai, hawók ma'a ektémakxal'a apxegkesso aptamheykha xama wesse' apwányam, hakte meleygkehek axta han elmahagkok eyesagkexa m'a gabaonitas.

Josué 8:24

Apkeltaqháwok axta makham israelitas apkelmeyákxo m'a Ai, apkelnáhapweykxo m'a apkeleymomap axta tegma apwányam, natámen axta apsawhomo apkelnapma m'a ektáha axta apmenxenma.

Josué 8:19

keñe apkelántepa ekpekhe agko' apketámegko tegma apwányam ma'a ektáha axta apkelyexánegwayam ma'a, tén axta apma. Apwatnékxók axta han.

Josué 8:14

Xama axta apwet'a ektáhakxa m'a wesse' apwányam nak yókxexma Ai, yahamok axta appekheka, keñe apxega yetlo m'a apyókxoho sẽlpextétamo apagkok yaqwayam elnapakpok ma'a énxet'ák Israel ekpayho nak ekyapwate m'a Jordán. Axta ey'ásegkok apkelyexánegwa'a nápakha israelitas ma'a teyp nak tegma apwányam.

Josué 8:12

Tén axta Josué apkeltamho elyexánegwók cinco mil sẽlpextétamo m'a halep nak Betel, ekpayho nak ektaxnegwánxa ekhem teyp nak tegma apwányam.

Josué 8:9

Tén axta Josué apkeltamho elxog, keñe axta apkelxega m'a énxet'ák. Axta apkelyexánegwokmok ma'a neyseksa nak yókxexma Betel kenhan ma'a yókxexma nak Ai, ekpayho nak ektaxnegwánxa ekhem teyp nak Ai. Keñe Josué aptena axta'a m'a apkelpakxenwánxa axta.

Josué 8:7

Keñe sa' kéxegke kólántépok ma'a kélyexánegwánxa enxoho, kólmok sa' ma'a tegma apwányam nak, hakte egkések sa' ma'a Dios Wesse' kélagkok.

Deuteronomio 3:2

“Tén axta Wesse' egegkok aptéma seyenagkama s'e: ‘Nágkóle aqsa, ekméssek ko'o yaqwayam kólmok ma'a wesse' nak, yetlo m'a sẽlpextétamo apagkok, ekweykekxoho m'a ekyókxoho apchókxa nak, yaqwayam sa' kólteméssesek ekhawo kélteméssessamakxa axta m'a Sihón, wesse' apwányam apagkok axta m'a amonitas, apheykencha'a axta m'a Hesbón.’

Josué 8:3

Apkelánekxeyk axta aptáhakxa Josué yetlo apyókxoho sẽlpextétamo apagkok yaqwayam elxog ektamagkok ma'a énxet'ák nak Ai. Apkelyesáha axta treinta mil kempakhakma yapmeyk yaqwayam yempakha', keñe axta apkeláphasa elxog axta'a.

Josué 8:8

Kélmeyk sa' agkok ma'a, kólwatnekxa sa', apkeltamhókxa axta kóltéhek ma'a Wesse' egegkok. Cháxa séltamhókxa ko'o kóltéhek xa.”

Deuteronomio 2:35

Wánxa axta aqsa nélmoma negko'o yaqwayam antéhek egagkok ma'a aqsok apnaqtósso, tén han ma'a aqsok élmomnáwa nélwetágweykmo axta chá'a negko'o m'a tegma apkelyawe apagkok negmomakxa axta chá'a.

Josué 9:3

Apkelleg'ak axta eyke amya'a heveos apheykencha'a nak yókxexma Gabaón, apteméssesakxa Josué m'a tegma apkelyawe nak Jericó tén han Ai,

Josué 11:14

Apkelnapchek axta apyókxoho énxet'ák ektáha axta apheykha m'a tegma apkelyawe nak, sókwenaqte axta chá'a apkelyetxeyk, méko axta xama enxoho apcháyam, keñe han apkelmágko m'a ekyókxoho aqsok apagkok, apnaqtósso, tén han aqsok ekhéyak ma'a.