Josué 8:10 - Biblia Enxet

¹⁰ Mók ekhem axta entáhak, axto'ók agko' axta apxatakha'a Josué apteyánegwákxoho apkelyetsátekxo m'a sẽlpextétamo apagkok, tén axta apkenegwokmo m'a apmonye'e, yetlo apkelámha apmonye'e nak énxet'ák Israel. Apkelánegkokxeyk axta aptamhágkaxa yaqwayam ektamagkok ma'a énxet'ák Ai.

Josué 8:10 Referans Kwoze

Salmos 119:60

Apekhésha chá'a ko'o alának ma'a apkeltémók nak antéhek, yahamók chá'a alána'.

Josué 7:16

Mók ekhem axta entáhak Josué aphákxo néten axto'ók agko' la'a, keñe axta apkeltamho elmahagkok ma'a énxet'ák ektáha axta kélexpánchesso. Tén axta Wesse' egegkok apxéna m'a énxet'ák apagkok nak Judá.

Josué 6:12

Mók ekhem axta entáhak, axto'ók agko' la'a apxatakha'a m'a Josué, keñe apkelmaxnéssesso nak Dios énxet'ák apagkok, apmákxo m'a yántéseksek Wesse' egegkok nak apagkok.

Josué 3:1

Axto'ók agko' axta aptepa yókxexma Sitim ma'a Josué yetlo apyókxoho énxet'ák Israel, apkelwokmek axta m'a wátsam Jordán; apkelpakxenwokmek axta eyke han sekxók amonye' apkeltámeyeykekxa m'a.

Génesis 22:3

Axto'ók agko' axta apxatakha'a Abraham, apkeltahanchessek axta yámelyeheykok; apkelyaqténchek axta yántápak yaqwayam emha ewatnek, tén axta apmahágko m'a yókxexma apkeltennasakxa axta Dios, yetlo apketche Isaac, tén han apqánet apkelásenneykha.

Josué 8:9

Tén axta Josué apkeltamho elxog, keñe axta apkelxega m'a énxet'ák. Axta apkelyexánegwokmok ma'a neyseksa nak yókxexma Betel kenhan ma'a yókxexma nak Ai, ekpayho nak ektaxnegwánxa ekhem teyp nak Ai. Keñe Josué aptena axta'a m'a apkelpakxenwánxa axta.

Josué 8:11

Apyókxoho énxet'ák axta apkelágketchessekmok ma'a tegma apwányam ekpayhókxa nak apmonye', keñe axta apkekhegwokmo m'a ekpayho nak nexcheyha. Teyp ekyapwate axta pehewákxak tegma apwányam aphágkaxa m'a énxet'ák nak Israel.