Josué 3:13 - Biblia Enxet

¹³ Apkelántaxnéssek sa' agkok apmagkok yegmen ma'a apkelmaxnéssesso nak Dios énxet'ák apagkok, appatmeykha nak ma'a Wesse' egegkok yántéseksek apagkok, cham'a Wesse' aptáha nak han apagkok ekyókxoho keso náxop, kamayhekxak sa' neyseksa m'a wátsam, ánet nekhaw'ék sa' katnekxa', kamaskok sa' han kanyehek ma'a yegmen eñama nak néten, keytnamok sa' aqsa kamhagkok néten, megkayeykhek sa' eyke.”

Josué 3:13 Referans Kwoze

Éxodo 15:8

Apwátekhapchek axta exchep ekyennaqte agko', tén axta eyánchásekxo m'a yegmen; máxa axta entáhak meteymog kélhaxtal'a élmeyákxo néten ma'a élyaqyahayam nak; ¡tén ma'a neyseksa nak wátsam ekwányam ekmattawóneg, yetneyk axta aqsa meyke éltaqheheykha!

Salmos 78:13

apmeykáseykekxeyk axta neyseksa wátsam ekwányam, apkelyeykháseykekxeyk axta m'a, máxa axta kélhaxtegkesso tegma apteméssessók apmeykegko yegmen.

Habacuc 3:15

Apweynchámeyha néten wátsam ekwányam yetlo yátnáxeg apkelchánte, cham'a ekyawakxa nak ekpayhakxa yegmen ekmattawóneg.

Salmos 33:7

Xama ekyetnamakxa axta aptemessáseykekxak apchánchásseykekxo yegmen ma'a wátsam ekwányam ekmattawóneg agko' nak.

Josué 3:11

Kóllano, cháxa yántéseksek ekhémo mók nélpaqhetchásamáxkoho apagkok nak Wesse' egegkok, aptáha nak han apagkok ma'a ekyókxoho keso náxop, peyk katámeyekxak ma'a Jordán kélmonye'e kéxegke.

Josué 4:7

Keñe sa' kéxegke kóltéhek chá'a kólátegmowagkok se'e: ‘Cháxa ektáhakxa axta yántéseksek ekhémo mók nélpaqhetchásamáxkoho apagkok Wesse' egegkok ekyeyk'a m'a wátsam Jordán, mayhékxeyk axta neyseksa m'a yegmen ektamhákxo ánet nekhaw'ék, ekyetnakxa m'a yántéseksek. Keso meteymog nak yaqwayam katnehek ekpasmo m'a énxet'ák Israel, kaxénwakxohok sa' chá'a apkelwáxok ma'a ektáhakxa axta apkelmallana s'e.’”

Salmos 74:15

Aptekkessegkek axta exchep ma'a élánteyapmakxa nak yegmen, tén han wátsam, apyamassegkek axta m'a yegmen wátsam megkeymáyeykxa nak.

1 Crónicas 29:11

¡Wesse', xép apagkok ma'a aptémakxa nak apteme apwányam apagko', apmopwána, apcheymákpoho, apteme apkeláneykha ekyókxoho aqsok, tén han apteme wesse'! Hakte xép apagkok ma'a ekyókxoho aqsok ekhéyak nak néten, tén han ekhéyak nak náxop. Xeyep han apagkok ma'a aptémakxa nak wesse' apwányam, hakte xeyep Wesse' egegkok, apteme néten agko' ekyókxoho aqsok.

Isaías 54:5

hakte sa' emok etnehek aptáwa' m'a ektáha axta apkelane. Wesse' ekha apyennaqte apwesey m'a; cha'a apwagkasso teyp xeye' m'a Dios Aptaqmalma nak Israel, apteme nak Dios ekyókxoho keso náxop.

Zacarías 4:14

Tén axta aptáha makham seyátegmowágkokxo s'e: “Cháxa apteme apqánet énxet apkelpagkanamap yaqwayam etnehek apkeltamheykha m'a aphakxa nak Wesse' egegkok apsawheykekxoho nak ekyókxoho keso náxop.”