Josué 24:27 - Biblia Enxet

²⁷ aptáhak axta apkeláneya m'a apyókxoho énxet'ák: —Keso meteymog nak, katnehek sa' ekxeyenweykekxoho chá'a egwáxok, hakte cháxa ekteme eklege ekyókxoho m'a aptáhakxa nak segáneya Wesse' egegkok. Katnehek sa' ekxéncháseykekxoho chá'a kéltémakxa kéxegke, yaqwayam sa' megkóltéhek chá'a kélmowána amya'a kólenmexek ma'a Dios kélagkok.

Josué 24:27 Referans Kwoze

Josué 22:34

Apteméssessek axta ekwesey Rubén énxet'ák apagkok tén han Gad ekwatnamáxchexa aqsok. “Ekxeyenweykekxoho egwáxok”, aptáha apkelpeywa s'e: “Keso ekwatnamáxchexa aqsok katnehek sa' ekxeyenweykekxoho kélwáxok negyeseksa negko'o Wesse' egegkok apteme Dios.”

Deuteronomio 31:26

“Kólma sa' se'e weykcha'áhak segánamakxa nak, kólpekken sa' nekha nak yántéseksek ekhémo mók nélpaqhetchásamáxkoho apagkok Dios Wesse' kélagkok, yaqwayam sa' keytek ma'a, katnehek magkenatchesso kéltémakxa nak chá'a kéxegke.

Isaías 1:2

Néten tén han náxop, kóleyxho aptáhakxa nak appeywa Wesse' egegkok: “Éktegkessegkek ko'o kélketchek ekwokmoho aptamhágko apkelwányam, keñe sénmexeykekxo.

Proverbios 30:9

hakte eyeykhágwokmók agkok ko'o xa aqsok nak, ayenyók kexa katnehek xép, axének may'ásegko; méko agkok han aqsok ahagkok, amenyexek kexa nahan katnehek, keñe atwássesha m'a apwesey nak xép Dios ahagkok.

Job 31:23

Hakte eyáyak ko'o Dios senlegassáseykegkoho; ¡mowanchek alenmaxaxkohok nápaqtók ma'a wesse' ekha nak apcheymákpoho!

1 Samuel 7:12

Keñe axta Samuel apma xama meteymog, apkenegkessek axta teyp Mispá halep nak Sen, apteméssessek axta han ekwesey Eben-ézer, hakte axta aptáhak se'e: “Empasmeyk makham negko'o Wesse' egegkok se'e negwánxa nak.”

Deuteronomio 32:1

“Néten, keyxho sa' sekmako nak ko'o altennaksek; xapop, kañoho sa' sekpeywa.

Deuteronomio 31:21

Cháhapwa'ak sa' agkok ekxámokma m'a aqsok ekmaso tén han ma'a ekyentaxnamo nak egwáxok, keñe sa' se'e negmeneykmasso nak katnehek sa' chá'a éltennasso aptamheykegkaxa xa énxet'ák nak, hakte kalxénwakxohok sa' chá'a apkelwáxok ma'a aptawán'ák neptámen nak tén sa' elmeneykmaksek chá'a; hakte cham'a sekxók axta sekmáheyo alántaxnések ma'a apchókxa séltennassamakxa axta agkések, ekya'áseykegkók axta élxéneykegkaxa apkelwáxok elanagkok.”

Deuteronomio 31:19

“Kóltaxés sa' kaxwók se'e negmeneykmasso nak, kólxekmós sa' ma'a israelitas, yaqwayam sa' elmeneykmaksek chá'a tén han katnehek chá'a ko'o séltennasso aptamheykegkaxa nepyeseksa xa énxet'ák nak.

Deuteronomio 30:19

Ekpekkenchek ko'o sakhem néten tén han náxop yaqwayam katnehek ekweteykegkoho chá'a m'a aqsok kélyéságkaxa enxoho chá'a kéxegke, hakte ekméssek xeyk ko'o yaqwayam kólyésha m'a ekyennaqte nak egnények tén han ma'a nétsapma nak, tén han ma'a ektaqmalma nak negha tén han ma'a ekmaso nak negha. Kólyésha sa' ma'a, ekyennaqtamakxa nak egnények, yaqwayam enxoho kawegqohok kélweynchámeykha kéxegke tén han ma'a kéltawán'ák kélnentámen nak;

Deuteronomio 4:26

ekpekkenchek ko'o sakhem néten tén han náxop yaqwayam katnehek ekweteykegkoho, kaxwók sa' kólmassegwók kéxegke m'a apkelókxa yaqwánxa nak kólmok, cham'a neyp wátsam Jordán nak. Megkawegqók sa' kélheykha m'a xapop nak, kólmasséssók sa' kélyókxoho.

Habacuc 2:11

Kawomhok sa' meteymog kélhaxta nak nepyáwa tegma, tén han yántéseksek éltegyésso nak kapaqhetchesek ekyennaqte kaxénchásekxohok aptémakxa.

Números 11:20

Etawagkok sa' ápetek ekweykmoho xama pelten, ekwokmoho élánteyapwa'akto apwéhe'ék, tén han éltaqnawágwokmo apkelwáxok, hakte etaqnawágwokmek ko'o, sektáha nak Wesse' apagkok, sekha nak ko'o nepyeseksa, apkellekxagweyha nahan, aptáhak nahan chá'a apkelpaqméteyncha'a nahaqtók se'e: ¿Yaqsa kexa ektéma nélánteyapma nak Egipto?

Josué 24:28

Keñe axta Josué apkeláphasa chá'a énxet'ák ma'a apkeleñamakxa axta chá'a.

Job 31:28

Ektemék agkok xa, payhawók héllegássesagkoho'; ¡máxa sektaqnagko atnehek ma'a Dios apha nak néten!

Isaías 59:13

Nénmexeykekxeyk negko'o m'a Wesse' egegkok, negyenseykmek nahan negyetlo, magmáheyók agyetlakxak ma'a Dios egagkok, nenxeyenmeyk chá'a negko'o m'a nennaqtawáseykegkoho nak ennámakkok tén han ma'a nempelakkassesso nak anteméssessamhoxma ekmaso egmók, nenláneykekxeyk chá'a negko'o élchetámeykha egwáxok yaqwayam ólyexanchesha m'a énxet'ák.