Josué 24:23 - Biblia Enxet

²³ Aptáhak axta apkeláneya Josué: —Kólántekkes sa' kaxwók ekyókxoho mók aqsok kéláyókxa ekhéyak nak kélnepyeseksa kéxegke, kólyo'ókxa sa' Wesse' egegkok yetlo ekmáyheykegkoho agko' kélwáxok, cham'a Dios nak Israel.

Josué 24:23 Referans Kwoze

Josué 24:14

—Kólteme sa' kéláyo Wesse' egegkok, kóltemésses sa' ekmámnaqsoho kélyetleykha, tén han megkólyenyaweykha. Kólyetnakhés sa' ma'a aqsok kéláyókxa apkelpeykessamo axta chá'a kélyapmeyk nanók ma'a neyáwa wátsam Éufrates tén han Egipto, kólyahakxoho chá'a Wesse' egegkok.

Proverbios 2:2

Yeyxho ekpeywa m'a negya'áseyak nak aqsok; egkés apwáxok ma'a negmowána nak aqsok.

Salmos 141:4

Nágyoho ko'o kaxének ewáxok alának aqsok ekmaso; nágyoho alyetlawha m'a apkeláneykegkoho nak chá'a apkeltémakxa ekmaso, essenhan apasmok apkeláneyak ektámáxche ekyawe m'a élmasagcha'a nak apkeltémakxa.

Salmos 119:36

Yána kalkohok ko'o ewáxok ma'a apchánamakxa nak antéhek, nágyoho kámenyéhok ewáxok ma'a aqsok élmeñexamaxche nak.

Éxodo 20:23

Nágkóllána aqsok kéláyókxa m'a sawo ekyátekto élmomnáwa nak, essenhan ma'a sawo ekmope élmomnáwa nak yaqwayam enxoho kólpeykeshok ektémól'a ko'o hélpeykesho'.

Oseas 14:8

Keñe sa' etnehek Efraín se'e: ‘¡Mómenyeyk ko'o kaxwók ma'a kéleykmássesso!’ ¡Ko'o séláneykha m'a énxet'ák ahagkok tén han séltaqmelchesso! Ko'o sekyetchesamaxkoho m'a yámet pino megkamassegwayam la'a éltaqmalma áwa', ko'o sa' nahan kañék ektaqmalma apheykha énxet'ák ahagkok.”

1 Reyes 8:58

yána sa' kanmexhok egwáxok ma'a aphakxa nak, yaqwayam sa' anlának chá'a ekyókxoho m'a apmopmenyého nak, tén han ólyahakxohok ma'a apkeltémókxa nak antéhek, tén han segánamakxa apagkok, tén han apchánamakxa nak antéhek, apkeltémo axta elanagkok ma'a ẽlyapmeyk nano' axta.

1 Reyes 8:57

“Exek sa' chá'a kaxwo' negyeseksa negko'o m'a Dios Wesse' egegkok, ekhawo ektémakxa axta aphama nepyeseksa m'a ẽlyapmeyk nano' axta. Mehegkexayhek sa' chá'a,

Salmos 81:10

Ko'o sekteme Dios Wesse' kélagkok, ektáha axta sélántekkesso m'a Egipto; kólmayhe sa', alyaqkánegkesek sa' ko'o kéxegke.