Josué 24:14 - Biblia Enxet

¹⁴ —Kólteme sa' kéláyo Wesse' egegkok, kóltemésses sa' ekmámnaqsoho kélyetleykha, tén han megkólyenyaweykha. Kólyetnakhés sa' ma'a aqsok kéláyókxa apkelpeykessamo axta chá'a kélyapmeyk nanók ma'a neyáwa wátsam Éufrates tén han Egipto, kólyahakxoho chá'a Wesse' egegkok.

Josué 24:14 Referans Kwoze

1 Samuel 12:24

Kóláwhok sa' chá'a kéxegke m'a Wesse' egegkok, kólpeykeshok sa' han chá'a ekmámnaqsoho, yetlo kélméssamo agko' kélwáxok, kaxén sa' chá'a kélwáxok ekxámokma agko' aqsok apkelane, yaqwayam epasmok kéxegke.

Deuteronomio 10:12

“Israelitas, ¿Yaqsa apkeltamho kaxwók kóllának kéxegke m'a Dios Wesse' kélagkok? Wánxa aqsa apkeltamho kólyahakxoho' tén han kólyetlók kélyókxoho m'a ámay apagkok; tén han kólásekhoho', tén han kólpeykeshok ekweykmoho kañók agko' kélwáxok tén han ma'a élchetámeykegkaxa nak kélwáxok,

Génesis 35:2

Keñe axta Jacob aptáha apkeláneya ekheykha apxagkok, tén han ma'a apyókxoho ektáha axta apkelxegexma'a: —Kólchexa sa' ekyókxoho aqsok kéláyókxa éleñama nak mók nekha, ekhéyak nak kélnepyeseksa kéxegke, kólyaqpasák yegmen, kólyaqmagkasák sa' han pók kélnaqta.

Josué 24:23

Aptáhak axta apkeláneya Josué: —Kólántekkes sa' kaxwók ekyókxoho mók aqsok kéláyókxa ekhéyak nak kélnepyeseksa kéxegke, kólyo'ókxa sa' Wesse' egegkok yetlo ekmáyheykegkoho agko' kélwáxok, cham'a Dios nak Israel.

Salmos 119:1

Apkeleñémo énxet meyke nak apkelane xama aqsok ekmaso, apyetlókasso nak chá'a m'a ektémakxa nak Wesse' egegkok segánamakxa apagkok.

Ezequiel 20:18

Tén axta apketchek séltamho melanagkehek chá'a m'a apkeltamhókxa enxoho chá'a elanagkok ma'a apyapmeyk, tén han metnahagkek chá'a m'a apkeltamhókxa enxoho chá'a etnahagkok, tén han melpeykesók chá'a m'a aqsok kéleykmássesso nak.

Salmos 111:10

Néltamhók agkok antéhek ekyawe negya'áseykegkoho, kéméxcheyk sekxók antéhek negáyo Wesse' egegkok; ektaqmeleykha élchetámeykha apwáxok etnehek ma'a apcháyo nak chá'a. ¡Megkamassegwomek sa' chá'a kélteméssesso apcheymákpoho Dios!

Job 28:28

Keñe axta Dios aptáha apkeláneya énxet'ák: “Nágkólyensem chá'a kélyetleykha Wesse' egegkok: cháxa negya'áseykegkoho aqsok xa; negyamasma aqsok ekmaso: cháxa ekha negmowána aqsok xa.”

Esdras 9:11

apkeltémo axta exchep anlána', apkelásenneykekxo axta m'a apkellegasso nak appeywa, apteme nak apkeláneykha. Ẽltennassegkek axta exchep, cham'a apchókxa negmáheyókxa axta ólántexek, tén han negmáheyókxa axta agmok, ektawásamáxko eñama apkeltémakxa ekmaso énxet'ák apheykha nak ma'a, apsawheyáseykekxók axta apkeltémakxa ekmanyása yetlo m'a apkeltémakxa axta ekmaso agko' melya'áseyak Dios.

2 Reyes 20:3

“Wesse' ahagkok, éltamhók ko'o exchep kaxénwakxohok apwáxok ektémakxa nak mayenseyam sekyetleykha tén han sekteméssesso naqsók agko', séláneya m'a ekleklamókxa nak xép apwáxok.” Tén axta apkelekxagweyncha'a ekwányam agko'.

Josué 24:2

aptáha apkeláneya apyókxoho énxet'ák se'e: —Aptáhak Wesse' egegkok, Dios apagkok nak Israel se'e: ‘Apkelpeykessamók axta mók aqsok kéláyókxa nanók agko' axta m'a Térah yetlo apketchek, Abraham tén han Nahor, kélyapmeyk nanók axta kéxegke, apheykencha'a axta m'a neyáwa wátsam Éufrates.

Deuteronomio 18:13

Kéxegke eyke kéméxcheyk kóltéhek ekpéwomo kéltémakxa nápaqtók Dios.

Levítico 17:7

Melmeyásekxók sa' chá'a kaxwók aqsok apkelnapma m'a kelyekhama apkelpeykessamo axta chá'a, eknaqtawáseykencha'a axta. Sa' katnehek kélánémaxchexa kóltéhek kéxegke meyke néxa xa, kawakxohok sa' ma'a apyapmeyk tén han kélketchek nak.

Oseas 3:5

Keñe sa' natámen xa, elchexyók ma'a israelitas, elchetmok sa' Dios Wesse' apagkok, tén han ma'a David apteme nak wesse' apwányam apagkok, elyo'ótak sa' yetlo apkeláyo Wesse' egegkok amonye' ektemegwánxa néxa', tén han etegyagkok aqsok éltaqmela yaqwayam nak elmések.

Ezequiel 23:3

Témakxa étkók axta eyeynamo élmésso ekyókxa nentémakxa ekmaso mansexta xa ánet kelán'a nak; chahayók axta chá'a kélpaknegkáseykencha'a nam'agkok ma'a Egipto, massegkek axta ektamhéyak kelán'a meyke kélteméssesseykmohóxma.

Salmos 130:4

Meyaqmagkásekxeyk eyke exchep nentémakxa, yaqwayam enxoho agáwhok chá'a.

Salmos 119:80

Kalyahakxohok sa' ko'o ewáxok ma'a ekyókxoho segánamakxa apagkok, yaqwayam sa' mamegqayhek chá'a.

Job 1:1

Aphegkek axta xama énxet ma'a yókxexma Us apwesey axta Job. Péwók axta aptémakxa, méko axta aqsok ekmaso apkelane, apteme axta meyenyaweykha apkeláneykha m'a Dios, apkeláneykegkoho aptémakxa yaqwayam melanyehek xama aqsok ekmaso.

Génesis 17:1

Apxekmowáseykpók axta Wesse' egegkok Abram, ektéma axta noventa y nueve apyeyam apagkok. Aptáhak axta apcháneya s'e: —Ko'o sekteme Dios ekha sekyennaqte, etne ekpéwomo aptémakxa nahaqtók ko'o.

1 Samuel 7:3

Keñe axta Samuel aptáha apkeláneya m'a apyókxoho énxet'ák nak Israel: “Kélya'aweykxeyk sa' agkok kéxegke Wesse' egegkok, yetlo kélmésso ekweykmoho kañók agko' kélwáxok, kéméxcheyk kólchexák ma'a aqsok kéláyókxa éleñama nak mók nekha, keñe han ma'a kéleykmássesso nak Astarté, kólmés kélwáxok ma'a Wesse' egegkok, kólpeykesho wánxa m'a. Keñe sa' elwagkasek teyp neyseksa apkelma m'a filisteos.”

1 Samuel 12:14

Kéméxcheyk kaxwók kéxegke kóláwhok Wesse' egegkok, tén han kólpeykeshok chá'a, kóleyxhok nahan chá'a m'a appeywa, kólyahakxohok nahan chá'a apkeltémókxa nak chá'a kóltéhek, tén han kélweynchámeykha, kéxegke tén han ma'a wesse' apwányam kélagkok, ektáha nak apkeltaqmelchesso, ekhawo apmopmenyého nak chá'a kóltéhek ma'a Dios Wesse' kélagkok. Keñe sa' tásek chá'a katnehek kélheykha kéltáha enxoho xa.

Deuteronomio 6:13

Kólpeykesho chá'a Dios Wesse' kélagkok, kólteme chá'a wánxa kéláyo m'a, peyk sa' agkok chá'a kólteméssesek ekmámnaqsoho agko' kélpeywa, kóltemésses chá'a wánxa ekmámnaqsoho m'a Wesse' egegkok apwesey nak.

Salmos 81:10

Ko'o sekteme Dios Wesse' kélagkok, ektáha axta sélántekkesso m'a Egipto; kólmayhe sa', alyaqkánegkesek sa' ko'o kéxegke.

Miqueas 6:8

Énxet, apkeltennássek xép Wesse' egegkok ma'a aqsok ektaqmela nak, tén han yaqsa apkelhaxna elának xép: apkelhaxneyk elának ma'a aptémakxa ekpéwomo, tén han apmopyósa elanok pók, tén han elyahakxohok yetlo megkeymáxkoho apwáxok ma'a Dios.