Josué 22:22 - Biblia Enxet

²² —Apya'ásegkok negko'o Wesse' egegkok, apteme nak Dios ekyókxoho aqsok ekha élmowancha'a nak, manláneya negko'o ekwatnamáxchexa aqsok eñama nénmexeykekxa', essenhan negyamasma. Apya'ásegko', apkelya'assásegkok nahan kélyókxoho kéxegke; naqsók sa' agkok negko'o nénmexeykekxo m'a, ¡tásek hẽlnápekxa'!

Josué 22:22 Referans Kwoze

Deuteronomio 10:17

hakte cham'a Dios Wesse' kélagkok nak kéxegke apteme Dios Wesse' agkok ma'a ekyókxoho aqsok kéláyókxa nak tén han apteme Wesse' apagkok ma'a apyókxoho kelwesse'e apkelwányam nak keso náxop; apteme nahan Dios apwányam apagko', ekha apyennaqte tén han mageysso agè', metnéssesso nak han apyeykhamap pók elanok énxet tén han memà nak exkak ma'a aqsok kélmésso naqsa yaqwayam mexének ektemegweykmohoxma;

Salmos 44:21

ey'asagkohok axta exchep, hakte apya'ásegkok xép ektémakxa nak ekpaqméteykha kañók agko' apwáxok énxet.

Job 10:7

neyseksa eykhe apwete meyke seksexnánémaxche', tén han apwete méko xama énxet apwanchek hewagkasek teyp neyseksa sema exchep?

Jeremías 17:10

Ko'o sélányo chá'a apwáxok énxet, sektáha nak Wesse', tén han sekya'áseykegkoho chá'a m'a kañók agko' nak élchetámeykegkaxa apwáxok; tén han sekméssamól'a chá'a xama m'a ekpayhawo nak chá'a atnéssesek sellegassáseykegkoho, cham'a ektémakxa nak chá'a aqsok apkeláneyak.”

Malaquías 3:18

Keñe sa' kéxegke kólyekpelchágwok makham mexnémo pók ma'a éltaqmalma nak apkeltémakxa, tén han ma'a ekmaso nak apkeltémakxa, tén han ma'a apkelpeykessamo nak Dios, tén han ma'a melpeykessamo nak.”

Miqueas 7:9

Éláneyak ko'o may'assáxma sénmexeykekxo Wesse' egegkok, cháxa keñamak peya nak alenmaxaxkohok ma'a aplo nak; ékpelkohok sa' ko'o sektémakxa m'a, hélánekxések sa' amya'a. Hey'aksek sa' ko'o Wesse' egegkok ma'a élsakókxa nak exma, yának sa' ótak ma'a segwagkasso teyp apagkok.

Daniel 11:36

“Elának sa' chá'a ekyókxoho ekxénakxa enxoho chá'a apwáxok elának ma'a wesse' apwányam apha nak nexcheyha. Keyxkohok agko' sa' apwáxok, yának sa' eyeykhágweykmohok ma'a ekyókxoho aqsok kéláyókxa nak chá'a, exénmakha sa' ekmaso agko' yenmexek ma'a Dios apmámnaqsoho nak; katyapok sa' ekyókxoho m'a aqsok apkelane, ekwokmoho aplegassásegkoho m'a Dios; hakte megkatnehek melane Dios ma'a apmakókxa enxoho elána'.

Daniel 2:47

Tén axta aptáha apcháneya Daniel se'e: —Naqsók agko' apteme apwányam apagko' Dios kélagkok nak kéxegke neyseksa m'a ekyókxoho aqsok kéláyókxa nak; kelwesse'e apkelwányam Wesse' apagkok, senxekmóssamo nak chá'a aqsok megkólya'áseyak nak, hakte xeyep apwet'ak xa aqsok megkólya'áseyak nak.

Jeremías 12:3

Kaxnók ko'o, ey'ásegkók xép Wesse', éteyak nahan, apya'ásegkók nahan ektémakxa ewáxok ekmámenyého exchep. ¡Enaqlow sa' xa énxet'ák nak, ektémól'a m'a nepkések kélnaqleykekxal'a m'a aptekyómakxa; elyetnakhés sa' ma'a, yaqwayam nak etekyók ekhem ekwokmo sa' aptekyómakxa!

Salmos 136:2

Kólmés ekxeyenma kélwáxok Dios, apteme nak Dios neyseksa ekyókxoho aqsok kéláyókxa, hakte megkamassegwomek chá'a segásekhayo.

Salmos 97:7

Apkelmegqágwákxók ma'a apkelpeykessamo nak chá'a kéleykmássesso, eyaqheykencha'a nak chá'a apkelwáxok ma'a. ¡Kelháxahágkek apmonye' m'a ekyókxoho aqsok ekha nak élmowancha'a!

Salmos 95:3

Hakte Wesse' egegkok apteme Dios apwányam apagko', apteme Wesse' apwányam neyseksa m'a ekyókxoho aqsok ekha nak élmowancha'a.

Salmos 82:1

Apkempákxeyk néten Dios nepyeseksa apkeláneykha, ekha nak apkelmopwancha'a, cham'a apchaqneykekxexa nak chá'a, apxénchek axta chá'a yaqwánxa kólteméssesek naqta'awók ma'a aqsok kéláyókxa':

Salmos 37:6

Yának sa' kataxchek ma'a aptémakxa ekpéwomo nak xép, máxa sa' ekhem éltátchessól'a yetseksók ekhem katnehek ma'a aptémakxa eyáxñeyo.

Job 23:10

Apya'ásegkok ekyókxoho ektémakxa sekxega ko'o m'a; apkelanawók agkok sektémakxa, étak sa' eyáxña'awo agko' sektémakxa ektémól'a sawo ekyátekto ekmomnáwa.

1 Samuel 15:23

Magya'assáxma ekyawe agko' ma'a nénmexeykekxa nak Dios, ekhawo han ma'a nenteme nak yohóxma; aphawók apkelpeykessamo nak chá'a kéleykmássesso m'a melyaheykekxa nak chá'a Wesse' egegkok. Apkelwátéssessek xép apteme wesse' apwányam hakte apyetnakhassegkek apchánamakxa nak antéhek.”

Éxodo 18:11

tén han neyseksók apkelwanyeykha axta. Ekya'ásegwokmek kaxwók ko'o Wesse' egegkok aptáha apwányam apagko' neyseksa m'a ekyókxoho aqsok kéláyókxa nak chá'a.

Josué 22:21

Apkelátegmowágkek axta apkelámha apmonye'e israelitas ma'a Rubén énxet'ák apagkok tén han Gad, keñe han ma'a nápakha nak Manasés énxet'ák apagkok:

Salmos 40:9

Élya'assásegweykmek axta ko'o aqsok ekpéwomo nepyeseksa m'a énxet'ák apagkok apxámokma nak. ¡Wesse', apya'ásegkok xép mawanmeyha aqsa!

Salmos 50:1

Appaqmetchek Wesse' egegkok, cham'a Dios apteme nak néten ekyókxoho m'a aqsok kéláyókxa; apkelwóneyha apheykha nak keso náxop, cham'a teyapmakxa ekhem nak, tén han ma'a taxnegwánxa ekhem.

1 Samuel 2:3

Méko sa' keyxkohok ekpeywa kapaqmeyesmakha, méko sa' kapaqmeyesmakha kaxénaxchekxohok agko', hakte Wesse' egegkok apteme Dios apya'áseykegkoho ekyókxoho aqsok, cha'a apkelyetsátéyak chá'a aqsok apkelane nak énxet tén han apkelyekpelchémo.

Job 31:22

Háwe agkok naqsók xa sektáhakxa nak sekpeywa, hélekkexchesek sa' ahaktegák; hélhaxyawássesek sa' nahan awhók ahaktegák.

Salmos 44:22

Ketók eyke chá'a negko'o nentekyómakxa eñama negyetleykha exchep; máxa ẽlteméssessók ma'a nepkések kélnaqleykekxal'a aptekyómakxa.