Josué 22:13 - Biblia Enxet

¹³ Apmonye' axta sekxók kélaphásak ma'a Finees, Eleazar axta apketche, apteme axta apkelmaxnéssesso Dios énxet'ák apagkok, yaqwayam emhagkok ma'a Galaad, apkelhákxexa axta m'a Rubén énxet'ák apagkok, tén han Gad, keñe han ma'a nápakha nak Manasés énxet'ák apagkok.

Josué 22:13 Referans Kwoze

Números 25:7

Apkexakkek axta aqsa nahan israelitas Finees apwet'a xa, cham'a Finees, Eleazar axta apketche, aptáwen axta m'a apkelmaxnéssesso Dios énxet'ák apagkok Aarón, apmeyk axta sawhéwa

Éxodo 6:25

Apmomchek axta nahan xama Futiel apketche kelwána xama apketche m'a Aarón apwesey axta Eleazar, cham'a ekwete axta nahan étche ma'a Finees. Keso ektáha axta chá'a apkelámha apmonye'e nepyeseksa levitas xama tegma ektáhakxa nak chá'a apketchek apancha'awo' meyke apkelpaxqamap.

Proverbios 20:18

Katyapok chá'a yaqwánxa etnahagkok énxet'ák ektaqmela enxoho chá'a apkelpaqmeyesma; kóltaqmelcheshok chá'a kélláneykekxa kéltáhakxa peya enxoho kampakhaxche'.

Jueces 20:12

Apkeláphássek axta chá'a apkelseykha amya'a m'a ekyókxoho yókxexma apheykegkaxa nak Benjamín énxet'ák apagkok, yaqwayam enxoho etnehek chá'a yának se'e: “¿Yaqsa aqsok ekmaso apkelánegko nak kélnápakha kéxegke?

Deuteronomio 13:14

kéméxcheyk kéxegke kóltaqmelcheshok sekxók kóltegyaha amya'a. Naqsók sa' agkok entáhak ma'a amya'a eklegamaxche tén han élánéxko kélnepyeseksa kéxegke m'a aqsok ektaqnómaxkoho nak,

Números 31:6

Apkeláphássek axta Moisés kempakhakma yetlo apnaqleykha m'a Finees, apketche axta m'a apkelmaxnéssesso Dios énxet'ák apagkok Eleazar, apkelsawa axta m'a aqsok élpagkanamaxche, tén han ma'a kélaqkahasso nak, yaqwayam enxoho yaqkahaksek yának kampakhaxche'.

Josué 24:33

Apketsepmeyk axta m'a Eleazar, Aarón axta apketche. Kélátawanyeyk axta m'a néten egkexe apagkok axta m'a apketche Finees, apxaweykxa axta m'a egkexe nak Efraín.

Números 32:1

Xámók agko' axta aqsok apnaqtósso m'a Rubén tén han Gad énxet'ák apagkok nak. Xama axta apkelwet'a ektaqmalma nenxámaseykekxa aqsok nennaqtósso m'a xapop nak Jazer, tén han Galaad,

1 Crónicas 9:20

Finees axta han apkemha apmonye' apagkok xa énxet'ák nak, Eleazar axta apketche, cham'a sekxók axta. ¡Wesse' egegkok sa' etnehek apxegexma!

Esdras 7:5

Abisúa, Finees, Eleazar, tén han Aarón, apteme axta apteyapma apmonye' apteme apkelmaxnéssesso Dios énxet'ák apagkok.