Josué 21:4 - Biblia Enxet

⁴ Tawásexcheyk axta sekxók xama aqsok peya elxawagkok xapop ma'a levitas apnámakkok, Quehat axta aptawán'ák neptámen. Trece tegma apkelyawe axta han apkelxawágkok ma'a quehatitas, Aarón axta aptawán'ák neptámen, apteme axta apkelmaxnéssesso Dios énxet'ák apagkok, apkeleñama axta nepyeseksa m'a Judá énxet'ák apagkok, Simeón tén han Benjamín énxet'ák apagkok.

Josué 21:4 Referans Kwoze

Josué 24:33

Apketsepmeyk axta m'a Eleazar, Aarón axta apketche. Kélátawanyeyk axta m'a néten egkexe apagkok axta m'a apketche Finees, apxaweykxa axta m'a egkexe nak Efraín.

Números 3:27

Keso ektáha axta Quehat apnámakkok apancha'awók se'e: Amram, Ishar, Hebrón, tén han ma'a Uziel,

Josué 21:3

Keñe axta énxet'ák Israel apkelmeyásegko pók xama m'a tegma apkelyawe apagkok apagko' nak, yetlo m'a yókxexma ektaqmelakxa nak pa'at, apkeltémókxa axta etnahágkok ma'a Wesse' egegkok.

Josué 21:5

Diez tegma apkelyawe axta han apkelxawágkok ma'a pók quehatitas, apkeleñama axta nepyeseksa m'a Efraín énxet'ák apagkok, Dan, keñe han ma'a nápakha nak Manasés énxet'ák apagkok.

Éxodo 6:16

Weykmek axta ciento treinta y siete apyeyam apha m'a Leví. Keso apkelwesey axta apketchek se'e átnaha apketkok tén han apsexya'awo': Guersón, Quehat tén han ma'a Merarí.

Éxodo 6:20

Kelyamhopmeyk axta m'a Amram. Apmomchek axta chátem ekwesey axta Jocabet, cham'a ekwete axta nahan étchek ma'a Aarón tén han ma'a Moisés. Aphegkek axta nahan Amram ekweykmoho ciento treinta y siete apyeyam.

1 Crónicas 6:39

Aphegkek axta ekpayhókxa apkelya'assamakxa Hemán ma'a apteme pók Asaf, Berequías axta apketche, cham'a Berequías, Simá axta apketche,