Josué 21:17 - Biblia Enxet

¹⁷ Kélmeyásegkek axta han ma'a Gabaón, Gueba, apagkok axta m'a Benjamín énxet'ák apagkok,

Josué 21:17 Referans Kwoze

Josué 9:3

Apkelleg'ak axta eyke amya'a heveos apheykencha'a nak yókxexma Gabaón, apteméssesakxa Josué m'a tegma apkelyawe nak Jericó tén han Ai,

1 Crónicas 6:60

Apkelxaweykegkek axta han tegma apkelyawe apagkok ma'a Benjamín énxet'ák apagkok, cham'a Gueba, Alémet tén han Anatot, yetlo m'a ekyókxoho yókxexma ektaqmelakxa nak pa'at. Trece axta apyókxoho tegma apkelyawe élpehewayam axta apkelxawe m'a Aarón apnámakkok.

Josué 21:18

tén han Anatot keñe han ma'a Almón, cuatro axta apyókxoho tegma apkelyawe yetlo m'a apagkok apagko' nak chá'a yókxexma ektaqmelakxa nak pa'at.

1 Reyes 15:22

Tén axta wesse' apwányam Asá apkeláneyáncha'a m'a apyókxoho énxet'ák Judá, meyke apkeymomap xama enxoho, Ramá axta han keleñamak apkelsawa meteymog, tén han ma'a yámet apkelmeykha axta Baasá yaqwayam yahaxtamok nepyáwa tegma, cháxa apkelmáncha'a axta han aphaxtegkesa ekyennaqte nepyáwa Gueba tén han Mispá m'a wesse' apwányam Asá.

2 Reyes 23:8

Keñe axta apkeltamho elchexyamok apyókxoho apkelmaxnéssesso Dios énxet'ák apagkok apkeleñama m'a tegma apkelyawe nak Judá, keñe axta apnaqtawásencha'a m'a ekyókxoho kélpeykessamókxa axta chá'a aqsok kéláyókxa ekpayho nak néten egkexe, eyeynmo m'a Gueba ekweykekxoho m'a Beerseba, cham'a apkelwatnamakxa axta chá'a aqsok ekmátsa ekpaqneyam éten agkok ma'a apkelmaxnéssesso nak aqsok kéláyókxa énxet'ák agkok, keñe han apkelyaqnegkesa m'a kélwatnéssamakxa axta chá'a aqsok ma'a kelyekhama', ekheykegko axta m'a átog apagkok axta m'a Josué, apteme axta apkeláneykha apchókxa m'a tegma apwányam nak, ekheykegko axta m'a nentaxnamakxa nak tegma apwányam, ekpayho nak nensagqalwa.

Isaías 10:29

apkelyeykhákxeyk ma'a ekyapwate apkelyeykheykekxexa nak chá'a énxet'ák, apkelhakmek sekxók ma'a yókxexma Gueba; kelyegweyxcheyk ma'a Ramá, kenyaháxcheyk ma'a Guibea Saúl tegma apwányam apagkok nak.

1 Crónicas 8:6

Keso Ehud axta apketchek, apkelámha apmonye'e apagkok axta m'a aphawóxama apheykha axta m'a Gueba, kélántekkessama axta kélya'áseykekxo Manáhat:

Nehemías 12:29

tén han ma'a tegma apheykegko nak Guilgal, tén han yókxexma nak Gueba, tén han Azmávet; hakte apkeláneykegkek axta apkelmeneykmasso tegma apketkók ma'a neyáwa nak Jerusalén.

Zacarías 14:10

Xóp meyke élekhahéyak sa' katnekxak ekyókxoho s'e apchókxa nak, eyeynamo m'a Gueba ekweykmoho m'a Rimón, ekpayho nak nepyeyam ma'a Jerusalén. Netnók sa' keytek ma'a Jerusalén, exmakha sa' nahan énxet xa yókxexma nak, eyeynamo m'a Benjamín Átog apagkok nak ekweykekxoho m'a Máséyak Átog nak, (ekyetnamakxa axta m'a Nanók Átog) tén han eyeynamo m'a tegma apwenaqte nak Hananel ekweykekxoho m'a kélyaqhapmakxa nak anmen yámet ekyexna apagkok ma'a wesse' apwányam.