Josué 2:3 - Biblia Enxet

³ Keñe m'a wesse' apkeltamho kóltéhek kólának Rahab se'e: —Kalántekkes sa' énxet'ák apkelwa'a nak axagkok, hakte cháxa aptáha kélapháseykha senteyánegwayo xa.

Josué 2:3 Referans Kwoze

2 Samuel 10:3

aptáhak axta apcháneya apkelámha apmonye'e amonitas ma'a Hanún, wesse' apwányam apagkok axta: “¿wesse', apkeneykeya exchep elaphásak David yaqwayam egkések eyaqhe apwáxok xa énxet'ák nak, ekxeyenweykekxoho apwáxok ma'a apyáp axta exchep, wesse'? ¡Apkeláphássek yaqwayam elanok tegma apwányam, tén han elyexakpohok elanok yókxexma, keñe sa' emasséssók!”

Job 21:30

apkelxeyenma nak chá'a aplawa enxoho Dios yáphaksek ekmaso negha, keñe megkatnégwomok exma m'a ekmaso nak aptémakxa?

1 Crónicas 19:3

aptáhak axta apcháneya apkelámha apmonye'e amonitas ma'a Hanún, wesse' apwányam apagkok axta: “¿wesse', apkeneykeya exchep elaphásak David yaqwayam egkések eyaqhe apwáxok xa énxet'ák nak, ekxeyenweykekxoho apwáxok ma'a apyáp axta exchep, wesse'? ¡Apkeláphássek yaqwayam elanok tegma apwányam, tén han elyexakpohok elanok yókxexma!”

Josué 10:23

Apkelyahákxók axta m'a énxet'ák nak Israel, apkelántekkessákxeyk axta kañe' meteymog áxwa m'a apkelwesse'e apkelwányam apkeleñama nak Jerusalén, Hebrón, Jarmut, Laquis tén han ma'a Eglón.

Levítico 24:14

“Etekkes sa' kélpakxeneykegkaxa xa énxet ektáha nak sexéneykha ekmaso, enegkenek sa' néten apmék apqátek ma'a apyókxoho ektáha exchek apkellege, yaqhek sa' han elyetnak meteymog apyókxoho énxet'ák.

Génesis 42:31

Néltennássek eyke negko'o nentáha énxet meyke apkeltémakxa, tén han mantéma xama enxoho nélyexamaxkoho nenlányo apchókxa;

Génesis 38:24

Apqántánxo pelten axta han temék kéltennásseykto m'a Judá, axta kéltáhak kéláneya s'e: —Kelpatheteykegkek pók énxet'ák ma'a Tamar, aptánegken nak xép, lósók entáhak. —¡Kóltekkes, kólwatnekxa sa'! —axta aptáhak Judá.

Josué 2:2

Wánxa agkok, xama énxet axta eyke apkeltennásseykxak ma'a wesse' apwányam nak Jericó. Axta aptáhak apcháneya s'e: —Nápakha énxet'ák Israel apkelwa'ak yaqwayam elanok ektémakxa negókxa s'e axta'a nak.

Josué 2:4

Kelpóssek axta eyke m'a, keñe ektáha éláneya s'e: —Naqsók xeykhe apkelwa'a énxet'ák setnaha meyk'a, makke ay'ásegkok háxko ex'a apkeleñamakxa'.

2 Samuel 17:20

Xama axta apkelwokmo m'a Absalón apkelxegexma'a, aptáhak axta apkelmaxneyáncha'a kelán'a: —¿Háxko apkelmahágkaxa Ahimaas tén han Jonatán? —Exchek so apkelyeyk'ak se'e, apkelmahágko m'a ekpayho nak wátsam —axta entáhak eyátegmowágko m'a kelán'a. Keñe axta apkelamhágko m'a Absalón apkelxegexma'a, xama axta melwetákxo, apkeltaqháwo makham ma'a Jerusalén.

Jueces 4:20

Aptáhak axta Sísara apcháneya s'e: —Katnamha sa' aqsa xa átog nak ekpakxanma, apwa'ak sa' agkok xama énxet, tén han apkelmaxneyáncha'a enxoho, yetnéya énxet se'e kañe' nak, kaltennaksek sa' méko.