Josué 17:11 - Biblia Enxet

¹¹ Apkelxawáyak axta han Manasés tegma apkelyawe apheykegko axta m'a Isacar xapop apagkok, tén han Aser, yetlo chá'a m'a tegma apketkók aphéyak nak nepyáwa', cham'a: Bet-seán, Ibleam, Dor, Endor, Taanac tén han ma'a Meguido, keñe han ma'a ántánxo egkexe nak.

Josué 17:11 Referans Kwoze

1 Crónicas 7:29

Keñe axta Manasés aptawán'ák neptámen apagkok ma'a Bet-seán, Taanac, Meguido tén han Dor, yetlo m'a tegma apketkók apagkok. Cháxa yókxexma nak apheykegkaxa axta m'a José aptawán'ák neptámen, Israel axta apketche.

2 Reyes 9:27

Xama axta apwet'a ektáhakxa Ocozías, wesse' apwányam nak Judá, apmahágkek axta apkenyaha m'a Bet-hagan. Apkemhágkek axta eyke m'a Jehú, keñe axta aptáha s'e: —¡Kólaqha han xa! Tásek axta han kélyetxaqxo m'a kañe' nak yátnáxeg apyenyawasso apchánte, cham'a egkexe nak Gur, nekha nak Ibleam, apkenyeyk axta eyke ekweykekxoho m'a Meguido. Axta apketsapwakxohok ma'a.

Jueces 5:19

“Keñe axta apkelxegakmo m'a apkelwesse'e apkeleñama m'a Taanac, ekpayho nak ekyetnamakxa yegmen ma'a Meguido; apkelxegakmek axta m'a apkelwesse'e nak cananeos yaqwayam yempakha', axta eyke elwet'ak ma'a selyaqye tén han aqsok élmomnáwa.

Jueces 1:27

Mopwanchek axta apmáheyo elántekkesek Manasés énxet'ák apagkok, ektáha axta apheykha m'a tegma apwányam Bet-seán, Taanac, Dor, Ibleam tén han Meguido, tén han ma'a apheykencha'a axta m'a tegma apketkók keto' axta m'a tegma apkelyawe nak, apheykha axta aqsa makham cananeos ma'a.

Josué 12:23

wesse' nak ma'a Dor, cham'a yókxexma nak Dor, tén han ma'a Goím nak ma'a Guilgal,

Salmos 83:10

kélmassésseykmo axta m'a Endor, ¡kélchexakhama axta aqsa aphopák éltahapma néten xóp!

1 Reyes 9:15

Keso apkeltamheykha apmésso axta énxet'ák ma'a wesse' apwányam Salomón, yaqwayam elanagkok Wesse' egegkok tegma appagkanamap apagkok, tén han ma'a apxagkok apyawe nak, keñe han xapop kélekhesso nak, tén han ma'a kélhaxtegkesso nak nepyáwa' Jerusalén, tén han ma'a tegma apkelyawe nak Hasor, Meguido, Guézer:

1 Samuel 31:10

Tén axta apnegkenwákxo Saúl axta apkelmeykha apkenchesso kempakhakma m'a tegma ekyetnamakxa axta aqsok kéláyókxa Astarté, keñe axta apmakheyásencha'a aphápak ma'a néten nak tegma kélhaxtegkesso m'a tegma apwányam Bet-sán.

1 Samuel 28:7

Axta keñamak aptáha apkeláneya m'a apkeláneykha nak: —Kóltegyaha sa' xama kelán'a élpaqhetchásamáxkoho nak apkeletsapma, yaqwayam sa' ko'o ay'ammok almaxneyha. Keñe axta apkeláneykha aptáha apkelátegmowágko: —Heyk xama kelán'a m'a yókxexma Endor élpaqhetchásamáxkoho nak chá'a apkeletsapma.

Josué 11:2

keñe han ma'a apyókxoho apkelwesse'e apkelwányam apheykencha'a axta m'a neyseksa meteymog élwenaqte élekhahéyak ekpayho nak nexcheyha, tén han ma'a ekyapwátegweykenxa nak ma'a Jordán ekpayho nak nepyeyam ma'a wátsam ekpayhegwayam Quinéret, cham'a ekpayhegweykenxa nak xapop, tén han ekyepetcheyo nak ma'a yókxexma Dor ekpayho nak ektaxnegwánxa ekhem,

Zacarías 12:11

Kallapwomaxchek sa' ekwányam agko' ma'a Jerusalén, kaxhok sa' ma'a ekweykenxal'a éllapwámomáxche kéllánesso aqsok kéláyókxa Hadad-rimón ma'a meykexa nak élekhahéyak xapop ma'a Meguido.

2 Crónicas 35:22

Axta eyke etaqhegwokmok ma'a Josías, apkelenxanakmek axta aqsa elnapakpok ma'a, axta elyahákxak aptáhakxa apchésso m'a Necao, amya'a eñama axta Dios. Apchampakha'ak axta ekyapwátegweykenxa nak xóp ma'a Meguido,

1 Crónicas 6:70

Keñe axta m'a apkeleymomap nak quehatitas apnámakkok kélmeyásegko m'a tegma apkelyawe nak Aner tén han Bileam, apagkok axta m'a Manasés nápakha énxet'ák apagkok, yetlo m'a yókxexma ektaqmelakxa nak pa'at.

1 Samuel 31:12

apheyásawók axta mók apkelpaqmeyesma m'a énxet'ák megyeye nak elmahagkok eyesagkexa', yókxoho axta'a axta apkelxega, tén axta aplekwokmo Saúl aphápak yetlo apketchek ma'a néten nak kélhaxtegkesso nepyáwa tegma apwányam Bet-sán, tén axta apkeltaqháwo makham ma'a Jabés, cha'a apkelwatnegwákxexa axta han ma'a.

Josué 16:9

Apkelxaweykegkek axta han Efraín énxet'ák apagkok pók xama tegma apkelyawe, tén han tegma apketkók apheykegko axta m'a neyseksa xapop apagkok nak Manasés énxet'ák apagkok.

Josué 12:21

wesse' nak ma'a Taanac, wesse' nak ma'a Meguido,

Josué 17:10

Keñe axta Efraín ekpeheweykekxo apagkok ma'a teyp alwáta' ekpayho nak nepyeyam, keñe axta Manasés ma'a ekpayho nak nexcheyha, axta han néxa xapop apagkok ma'a wátsam ekwányam Mediterráneo, nexcheyha axta yetnók xapop apagkok ma'a Aser énxet'ák apagkok, keñe Isacar xapop apagkok ekyetnama m'a ekpayho nak ekteyapmakxa ekhem.

Josué 17:16

Aptáhak axta apkelátegmowágko m'a énxet'ák: —Naqsók maghémo negko'o m'a egkexe nak. Yetneyk eyke yátnáxeg apkelyenyawasso sawo émpe'ék nak ma'a cananeos, apheykencha'a nak ma'a ekpayhegweykenxa nak xapop, hawók han ma'a apheykencha'a nak Bet-seán, tén han ma'a tegma apketkók apheykegko nak nepyáwa, tén han ma'a apheykha nak ekyapwátegweykenxa xapop ma'a Jezreel.

2 Samuel 21:12

apxegkek axta apkelwákxo m'a Saúl apexchakkok tén han ma'a apketche axta Jonatán, apkelmoma axta m'a apheykha nak Jabés, ekpayho nak Galaad. Apkelmenyexma axta m'a apkelweynchámeykegkaxa nak chá'a énxet'ák, ekyetnama nak Bet-sán, apkelmakheyáseykegkaxa axta filisteos, apchaqhama axta Saúl ma'a Guilboa.

Jeremías 49:2

“Ektáhak ko'o sekpeywa s'e, sektáha nak Wesse': Kammok sa' ekhem yaqwánxa wának ko'o kañexchek élpayheykha kélatña'ák kempakhakma m'a tegma apwányam Rabá apkelókxa nak ma'a amonitas; meteymog ektaháneykekxa mók sa' etnekxa', kamyetek sa' ma'a apheykegkaxa nak. Keñe sa' énxet'ák Israel elmekxak makham ma'a tegma apkelyawe apagkok axta. Ko'o sekxeyenma xa, sektáha nak Wesse'.