Josué 16:3 - Biblia Enxet

³ keñe axta ekmeyeykekxo m'a ekpayho nak ektaxnegwánxa ekhem, xapop apagkok axta m'a jafletitas, ekweykekxoho m'a néxa xapop nak Bet-horón ekmeyeykenta nak kóneg, ekweykekxoho m'a Guézer. Axta temégweykmok néxa m'a wátsam ekwányam nak Mediterráneo.

Josué 16:3 Referans Kwoze

2 Crónicas 8:5

Apxátekhásekxeyk axta han ma'a Bet-horón ekyetno nak néten, tén han ma'a Bet-horón ekyetno nak kóneg, tegma apkelyawe élyennaqte nak kélhaxtegkáseyak nepyáwa', tén han atña'ák, keñe han ma'a kélápeykekxa nak chá'a ekyennaqte,

Josué 18:13

Cha'a ekxegeykekxexa axta makham ekmeyeykekxo m'a tegma apwányam Luz (cham'a Betel) ekpayho nak nepyeyam, tén axta ekweyweykento ekweykekxoho m'a Atarot-adar, apyetnama nak egkexe, teyp nak ma'a Bet-horón Kóneg ekpayho nak nepyeyam;

Josué 10:33

Yahamok axta han apkelanyexakmo m'a Horam, wesse' apwányam nak Guézer yetlo sẽlpextétamo apagkok, apmako elmeyók ma'a énxet'ák nak Laquis, apsawhawók axta eyke han apkelnapa Josué m'a énxet'ák nak, axta yeykmok xama enxoho.

1 Crónicas 7:28

Tén axta xapop apagkok tén han apheykegkaxa m'a Betel; Naarán, ekpayho nak ekteyapmakxa ekhem; Guézer, ekpayho nak ektaxnegwánxa ekhem; tén han Siquem, ekweykekxoho m'a Ayah; apyókxoho xa tegma apkelyawe nak yetlo tegma apketkók apagkok.

1 Crónicas 7:24

Xátekhassegkek axta Bet-horón apyetno nak kóneg ma'a Seerá, Beriá axta apketche kelwána, tén han Bet-horón apyetno nak néten, tén han ma'a Uzén-seerá.

Números 34:6

“Keñe sa' ma'a néxa xapop ekpayho nak ektaxnegwánxa ekhem, katnehek sa' néxa m'a nekha nak wátsam ekwányam Mediterráneo.

1 Samuel 13:18

nápakha axta han apkelmahágkok ma'a Bet-horón, keñe han nápakha apkelmahágko m'a egkexe émha nak neyseksa m'a ekyapwátegweykenxa nak xapop Seboím, ekpayho nak meykexa énxet.

1 Crónicas 20:4

Tepékxeyk axta makham mók kempakhakma yókxexma Gob apkempakhákpo m'a filisteos. Apchaqhak axta han Sibecai ma'a Sipai, mékoho axta aptemessáseykxa', cham'a Sibecai apkeñama axta Husá, aptáwen neptámen axta m'a énxet'ák apkelwenaqte.