Josué 16:2 - Biblia Enxet

² Betel axta keñamak, cham'a ekwesey nak han Luz, yeykhayak axta m'a xapop apagkok nak arquitas, ekweykekxoho m'a Atarot;

Josué 16:2 Referans Kwoze

Josué 18:13

Cha'a ekxegeykekxexa axta makham ekmeyeykekxo m'a tegma apwányam Luz (cham'a Betel) ekpayho nak nepyeyam, tén axta ekweyweykento ekweykekxoho m'a Atarot-adar, apyetnama nak egkexe, teyp nak ma'a Bet-horón Kóneg ekpayho nak nepyeyam;

Génesis 28:19

Apyetnegkek axta xama tegma apwányam xa yókxexma nak, kélteméssessama axta apwesey Luz, apyaqmagkassessek axta eyke apwesey m'a Jacob, Betel axta aptemessásekxak apwesey.

1 Crónicas 27:33

Énxet ektaqmalma apmésso appeywa wesse' apwányam axta han ma'a Ahitófel, keñe m'a Husai, apteme axta énxet arquita, apteme axta chá'a wánxa apháxenmo aptáhakxa appeywa m'a wesse' apwányam.

2 Samuel 16:16

Tén axta Husai, apteme axta arquita, apxegexma axta m'a David, apyo'ókmek axta apkelanyexágko m'a Absalón, axta aptáhak apyennaqtésa appeywa s'e: —¡Megkatnégwomek sa' néxa apteme wesse' apwányam!

2 Samuel 15:32

Xama axta apwokmo David ma'a néten nak egkexe, kélpeykessamókxa axta chá'a Dios, aptahanya'awók axta han ma'a Husai, apkeñama axta nepyeseksa m'a énxet'ák arquitas, apkelyeptamap axta han aptaxno, xapop ánek axta han ma'a apqátek.

1 Crónicas 7:28

Tén axta xapop apagkok tén han apheykegkaxa m'a Betel; Naarán, ekpayho nak ekteyapmakxa ekhem; Guézer, ekpayho nak ektaxnegwánxa ekhem; tén han Siquem, ekweykekxoho m'a Ayah; apyókxoho xa tegma apkelyawe nak yetlo tegma apketkók apagkok.

2 Samuel 15:37

Chaqhawók axta han aptaxnakxa tegma apwányam Absalón apwákxo m'a Husai, apxegexma axta chá'a David.