Josué 14:6 - Biblia Enxet

⁶ Apkelmahágkek axta Judá aptawán'ák neptámen ma'a Guilgal, yaqwayam elpaqhetchesakpohok ma'a Josué, keñe m'a Caleb, apteme axta quenezita, Jefuné axta apketche, aptáha apcháneya Josué s'e: “Kaxénwakxoho sa' apwáxok aptémakxa axta apkenagkama Wesse' egegkok ma'a Moisés apteme axta apchásenneykha, cham'a yókxexma Cadés-barnea, apxeyenma exchep tén han ko'óxa'.

Josué 14:6 Referans Kwoze

Números 14:30

Megkólántexek sa' kélxama enxoho kéxegke m'a xapop séltennassamakxa axta ko'o alhéssók, wánxa sa' aqsa m'a Caleb tén han Josué.

Números 14:24

Wánxa axta aqsa mók ektémakxa apwáxok ma'a séláneykha Caleb, axta elwátesseykmok sétleykha ko'o. Cháxa keñamak peya nak ko'o wohok etxek ma'a apchókxa, apmahágkaxa axta apkelano, sa' elhamok nahan aptawán'ák neptámen ma'a.

Números 13:6

Caleb, Jefuné axta apketche, apkeñama axta nepyeseksa m'a Judá énxet'ák apagkok;

Josué 14:14

Axta temék aptéma apagkok Caleb ma'a tegma apwányam nak Hebrón, yetlo m'a aptawán'ák neptámen ekwokmoho makham se'e ekhem nak, hakte axta eyenseykmok Caleb ma'a aptémakxa axta apkenagkama m'a Wesse' egegkok, Dios nak Israel.

Números 14:6

tén axta Josué tén han Caleb, ektáha axta apkelányo m'a yókxexma, apkelyepta apkelántaxno magkenatchesso éllapwámegko.

Josué 15:17

Otoniel axta han apmak ma'a tegma apwányam apephénem axta m'a Caleb, Quenaz axta apketche, tén axta Caleb apmésa m'a apketche ekwesey nak Acsa yaqwayam etnehek aptáwa'.

Números 32:12

Wánxa aqsa Caleb, Jefuné apketche, apteme nak quenizita, tén han Josué, Nun apketche, melyenseykmo apkelyetlo m'a Wesse' egegkok.

Números 13:26

ma'a Cadés, yókxexma meykexa nak énxet ma'a Parán. Cha'a aphakxa axta nahan Moisés ma'a tén han Aarón, tén han ma'a apyókxoho israelitas. Apkeltennáseyha axta nahan ektáhakxa apkelwete aqsok ma'a, apxekmóssek axta han ma'a yámet ekyexna éleñama m'a apchókxa nak.

Salmos 90:1

Wesse', xép apteme chá'a negyexánegweykekxexa.

2 Reyes 8:11

Keñe axta megyésa apkelano Eliseo m'a Hazael, yetlókok axta han mey'áseyak aptáhakxa'. Pelakkassek axta han apwana m'a Dios appeywa aplegasso,

2 Reyes 8:7

Keñe axta Eliseo apmeyákxo m'a Damasco. Apháxamákpek axta wesse' apwányam Siria xa apyeyam nak, apwesey axta Ben-hadad, keñe kéltennasa apwa'a Dios appeywa aplegasso.

2 Reyes 4:42

Keñe axta apwokmo xama énxet apkeñama m'a Baal-salisá apkelsókasakmo Eliseo veinte pán kaxwe apmakhetma apkelánamap nak apho hótáhap, tén han hótáhap apaktek kaxwe kélnakxo apxata m'a nahápa apagkok. Aptáhak axta Eliseo apcháneya m'a apkeláneykha: —Elmésák sa' énxet'ák yaqwayam etawagkok.

2 Reyes 4:16

Keñe axta Eliseo aptáha apcháneya s'e: —Keso apyeyam egmonye' nak, sa' kaxhok se'e negwánxa nak, keynmakha sa' xama étche apkenna'. Chátegmowágkek axta m'a kelán'a: —Ná hélyexanchesha aqsa, xép apteme nak Dios appeywa aplegasso.

2 Reyes 4:9

Keñe axta m'a kelán'a ektáha eyáneya atáwa': —Ekya'ásegkók ko'o s'e énxet sentéma nak chá'a meyk'a, apteme Dios appeywa aplegasso ekpéwomo aptémakxa'.

1 Reyes 13:14

tén axta apxega apkemhágko m'a Dios appeywa aplegasso apkeñama nak Judá. Apwetágwokmek axta apha kóneg xama yámet encina, tén axta aptáha apkelmaxneyáncha'a: —¿Xeyepya Dios appeywa aplegasso apkeñama nak Judá? —Ko'o —axta aptáhak apchátegmowágko.

1 Reyes 13:1

Neyseksa apwatno axta Jeroboam aqsok ekmátsa ekpaqneyam éten agkok ma'a ekwatnamáxchexa nak aqsok, apwokmo Betel xama Dios appeywa aplegasso apkeñama Judá, Wesse' egegkok axta apcháphasso.

Josué 10:43

Tén axta Josué apmeyákxo makham ma'a apkelpakxeneykegkaxa axta yókxexma nak Guilgal, yetlo m'a apyókxoho énxet'ák Israel.

Josué 4:19

Wokmek axta diez ekhem, cham'a émha amonye' nak pelten apmenek, apkelmallanakxa axta énxet'ák Israel ma'a Jordán, keñe apkelpakxenwokmo m'a yókxexma Guilgal, ekpayhókxa nak ekteyapmakxa ekhem teyp Jericó.

Deuteronomio 34:10

Méko axta nahan pók enxoho Dios appeywa aplegasso kañe' Israel aphawo nak ma'a Moisés, appaqhetchessamo axta chá'a Wesse' egegkok yetlo apwete,

Deuteronomio 34:5

Axta apketsaphok han Moisés ma'a kañe' xapop nak Moab, cham'a Moisés apteme axta Dios apkeláneykha, ekhawo m'a aptémakxa axta apkenagkama m'a Wesse' egegkok,

Deuteronomio 33:1

Apkelmaxnéssessek axta yaqwayam kataqmelek apheykha israelitas ma'a Moisés, apteme axta Dios énxet apagkok amonye' yaqwayam yetsapok.

Números 13:30

Tén axta Caleb apkelwanmeyásekxo m'a énxet'ák apchaqneyncha'a axta apmonye' m'a Moisés. Aptáhak axta apkeláneya s'e: —¡Ólmahagkok heykxa m'a xapop nak! ¡Agmok sa'! ¡Egwanchek sa'!

Números 26:65

hakte apkeltennassegkek axta Wesse' egegkok eletsapwók ma'a yókxexma meykexa nak énxet Sinaí. Wánxa axta aqsa apkeymomákpo m'a Caleb, Jefuné axta apketche, tén han ma'a Josué, Nun axta apketche. Keñe m'a apyókxoho nak apkeletsapma.

Jeremías 35:4

eknaqlákxeyk axta m'a tegma appagkanamap, kañe' apheykegkaxa axta m'a Hanán apketchek, Igdalías axta apketche, apteme axta xama Dios énxet apagkok. Cháxa kañe' nak, axta yetnók ma'a nekha apheykegkaxa axta m'a apkelámha apmonye'e nak tegma appagkanamap, néten axta m'a kañe' aphamakxa axta m'a Maaseías, Salum axta apketche, apteme axta aptaqmelchesso m'a átog nak tegma appagkanamap.

1 Crónicas 23:14

Keñe m'a Moisés, apteme axta Dios énxet apagkok, tén han ma'a aptawán'ák neptámen, kélpáxaqteyáseykekxeyk axta m'a Leví énxet'ák apagkok.