Josué 13:6 - Biblia Enxet

⁶ Ko'o sa' alántekkesek apmonye'e Israel ma'a sidonios, keñe han ma'a apyókxoho apheykencha'a nak ma'a neyseksa meteymog élekhahéyak nak, eyeynókxa m'a Líbano néxa m'a yókxexma nak Misrefot-maim. Xeyep sa' etnehek apmelásekte xapop, elmésagkok sa' xapop apagkok ma'a énxet'ák nak Israel, cháxa séltamhókxa nak ko'o etnehek xeyep xa.

Josué 13:6 Referans Kwoze

Josué 11:8

keñe axta Wesse' egegkok apkelmallanchesa m'a énxet'ák nak Israel. Apketámegkek axta keñe han apmenxena ekweykmoho m'a apyawakxa nak tegma apwányam ma'a Sidón keñe han ma'a Misrefot-maim, tén han apmenxena m'a ekteyapmakxa nak ekhem ekweykmoho m'a ekpayhegweykenxa nak xapop ma'a yókxexma Mispá. Méko axta xama apkeymomap ma'a.

Josué 23:4

Élmeyáseykegkek axta ko'o kéxegke xapop kélagkok sektawassama xama aqsok nepyeseksa énxet'ák kélagkok. Axta waxpánchessók ko'o wánxa m'a xapop élmomaxche axta, éxpánchessegkek axta han ma'a megkalmomaxche axta makham, eyeynókxa m'a wátsam Jordán ekpayho nak ekteyapmakxa ekhem, ekweykekxoho m'a wátsam ekwányam Mediterráneo, ekpayho nak ektaxnegwánxa ekhem.

Números 33:54

Xama aqsok sa' eyke kóltawaksek kólexpánchesek nepyeseksa m'a apyókxoho ektáhakxa nak chá'a apnámakkok apagko' énxet; ekyawakxa xapop sa' chá'a kólmések ma'a apxámakxa enxoho chá'a apnámakkok, keñe sa' ma'a apqántawók nak chá'a, kólmések chá'a ketsék xapop, exkak sa' chá'a xama énxet yetlo apnámakkok apancha'awo' ma'a eyaqhókxa enxoho chá'a ekxeyenma m'a ektawásamáxche nak aqsok.

Josué 13:7

Emlásek sa' se'e xapop nak nepyeseksa m'a nueve pók aptémakxa nak énxet'ák Israel, keñe han ma'a nápakha nak Manasés énxet'ák apagkok.”

Salmos 80:8

Egipto axta keñamak apleklo anmen yámet; apkelántekkessegkek axta m'a melpeykessamo nak chá'a exchep, tén axta apkeneykekxo m'a apheykegkaxa axta.

Josué 1:6

Ewasqap tén han énnaqtésho apwáxok, hakte xeyep sa' emlaskok xa xapop nak, yaqwayam elmésagkok ma'a aphawóxama, hakte axta ko'o sekpagkanchesso yaqwayam agkések ma'a kélyapmeyk nanók axta kéxegke.

Josué 11:12

Hawók axta chá'a apteméssesakxa m'a pók tegma apkelyawe ektáha axta appasmeykekxa: apkelmeyk axta keñe han apkelnapa m'a apkelwesse'e apagkok, apyókxoho axta apmasséssekmok, apkeltémókxa axta etnehek ma'a Moisés, apteme axta Wesse' egegkok apchásenneykha.

Josué 23:5

Elántekkesek sa' Wesse' egegkok énxet'ák apheykha nak ma'a, keñe sa' kéxegke kólmok, ekhawo apxeyenmakxa axta etnéssesek Dios Wesse' kélagkok.