Josué 10:18 - Biblia Enxet

¹⁸ Tén axta Josué aptáha apkeláneya s'e: “Kólyegák sa' meteymog ekweykmoho m'a átog nak keñe sa' kólápekxa', tén sa' han kólának yaqnaha aptaqmelchesso m'a nentaxnamakxa nak yaqwayam elanha.

Josué 10:18 Referans Kwoze

Amós 9:1

Ekwet'ak axta ko'o Wesse' egegkok apkenmeyncha'a nekha élwatnamáxchexa aqsok. Aptáhak axta seyáneya s'e: “Eltekpog xa élámha nak néten étseksa'ák, ekwokmoho élyawheyncha'a m'a élámha nak tegma, ¡kaláhapwaták sa' agkok nekha étkók ma'a énxet'ák! Keñe sa' ma'a meletsapma enxoho, ko'o sa' chá'a alnápok alyetxeygkok sókwenaqte, emáwhok sa' eykhe yenyahagkok mewagkasakpek sa' eyke chá'a teyp xama enxoho;

Amós 5:19

Sa' katnehek ma'a ektémól'a xama énxet yenyehek étak méwa, keñe ethanyohok xama óso, essenhan ma'a ektémól'a énxet aptaxnegweykekxal'a kañe' apxagkok, apyepetchegweykekxal'a nápakha tegma, keñe katakxek yéwa.

Job 21:30

apkelxeyenma nak chá'a aplawa enxoho Dios yáphaksek ekmaso negha, keñe megkatnégwomok exma m'a ekmaso nak aptémakxa?

Josué 10:22

Keñe axta Josué aptáha s'e: “Kóllekwakxa sa' átog nentaxnamakxa nak ma'a meteymog áxwa, keñe sa' kólántekkesek ma'a cinco apkelwesse'e nak.”

Josué 10:17

Yáma wenaqtémók axta eyke apkelwetákpekxo xa, cham'a kañe' meteymog áxwa nak, tén axta kéltennássekxo m'a Josué.

Josué 10:19

Nágkólchaqnaha aqsa kéxegke m'a. Kólemhagkokxa sa' ma'a katnaha nak kélnámakkok, apmonye'e sa' kóltégwagkokxak kólchetamagkok. Nágkólho aqsa elwakxak ma'a tegma apwányam apagkok nak, hakte appasmeyk kéxegke yaqwayam kólnápok ma'a Wesse' egegkok, Dios kélagkok nak.”