Josué 1:8 - Biblia Enxet

⁸ Ná eyensem apkelyetsete ektémakxa nak ekpeywa m'a weykcha'áhak segánamakxa nak antéhek Dios, keñe sa' kalchetamha chá'a apwáxok ekhem tén han axta'a, yaqwayam enxoho elának ma'a éltamhókxa enxoho elána'. Hakte cháxa ekyókxoho ektáhakxa enxoho aqsok apkelane, tásek sa' katnehek chá'a ekteyapma.

Josué 1:8 Referans Kwoze

Salmos 119:15

Altámesaxchek sa' ko'o m'a apchánamakxa nak antéhek, alanok sa' chá'a m'a ámay apagkok nak.

Salmos 19:14

Oh Wesse', apteme nak sekyexanmo, tén han sewagkasso teyp, ema sa' yetlo ektaqmeleykha apwáxok sekpeywa tén han élchetámeykha ewáxok.

Proverbios 3:1

Hatte, nágkalwánaqmágwom aqsa m'a ektémakxa nak sélxekmowáseyak; epekken apwáxok ma'a segánamakxa ahagkok nak,

Deuteronomio 29:9

Kólyahakxoho sa' ektémakxa nak ekpeywa s'e ekhémo mók nélpaqhetchásamáxkoho, kóllána sa' nahan, yaqwayam sa' kataqmelek chá'a ekteyapma m'a ekyókxoho aqsok kéllanakxa enxoho chá'a.

Salmos 119:11

Ekpekkenmeyk ko'o ewáxok ma'a appeywa nak xép, yaqwayam enxoho malanyek may'assáxma nápaqto' xép.

Salmos 119:97

¡Awanhek ko'o seyásekhayo nélxekmowásamáxche apagkok! ¡Yókxoho ekhem chá'a élchetagkáseykha ewáxok!

Josué 1:7

Wánxa aqsa séltamho keytek ekwányam agko' apwasqápeykekxoho tén han énnaqtéshok apwáxok, esawhoho sa' elának ma'a ekyókxoho segánamakxa séláneykha Moisés axta apmésso. Elyahakxoho sa' ekyókxoho meyke apcháyam xama, yaqwayam kataqmelhok chá'a ekteyapma m'a ekyókxoho aqsok apkelanakxa enxoho.

Deuteronomio 30:14

Yetnegkek ketók agko' kélheykegkaxa kéxegke m'a nélánémaxchexa nak antéhek; yetnegkek ma'a kélatña'ák nak tén han ma'a élchetámeykegkaxa nak chá'a kélwáxok, yaqwayam enxoho kóllának chá'a.

Deuteronomio 5:29

¡Katnoho annal'a chá'a élchetamso apkelwáxok xa ektáha nak, heyáwhok chá'a ko'o, elanagkok nahan chá'a yókxoho ekhem ma'a segánamakxa ahagkok nak, yaqwayam enxoho kataqmelek chá'a apheykha, ekweykekxoho m'a apketchek!

Salmos 119:99

Ekya'ásegkók aqsok, ekyeykhásseykmók ma'a sélxekmósso nak chá'a, hakte xeyenmók agko' ko'o ewáxok ma'a apchánamakxa nak antéhek.

Isaías 59:21

Aptáhak Wesse' egegkok se'e: “Élanak ko'o ekhémo mók sélpaqhetchásamáxkoho kéxegke, ekxénchek nahan megkakxayhek kaxwók xama enxoho kéxegke m'a sekmowána tén han ma'a nélxekmowásamáxche ahagkok sekmésa nak, ekweykekxoho m'a kéltawán'ák kélnentámen megkatnégwayam néxa.”

Deuteronomio 5:32

Kóllána sa' chá'a ekyókxoho m'a apkeltémókxa nak chá'a kóllának ma'a Dios Wesse' kélagkok, meyke kélyetnakhágwayam xama enxoho.

Deuteronomio 31:11

apchaqnákxo enxoho apyókxoho israelitas nápaqtók Dios Wesse' apagkok ma'a yókxexma apkelyéságkaxa sa', kalyetsetaxchek sa' chá'a nápaqta'awók apyókxoho s'e segánamakxa nak.

Salmos 40:10

Mawanmagkok aqsa ko'o, eklegassegkek ma'a ektémakxa nak xép ekpéwomo aptémakxa; ekxeyenmeyk ma'a ektémakxa nak xép mehenyenyaweykha, tén han segwagkasso teyp. Makpóssók xama enxoho ektémakxa segásekhayo, tén han ekmámnaqsoho mehegyenyaweykha, nápaqta'awók ma'a énxet'ák apagkok apxámokma nak.

Génesis 24:63

Chaqhawók axta han apweynchámegkaxa amonye' ekyáqtésso m'a, apwet'ak axta han apkelxegakmo yányátnáxeg apchágketchessa'a.

Deuteronomio 31:24

Xama axta appenchesa apnaqtáxésso xama weykcha'áhak Moisés se'e segánamakxa nak,

Josué 8:34

Keñe axta Josué apkelyetsetchesa énxet'ák ekyókxoho ektáhakxa ekpeywa m'a weykcha'áhak segánamakxa, cham'a ekmowána nak hempasmok, tén han ekmowána nak henlegássesagkoho'.

Deuteronomio 5:1

Apchánchesákxeyk axta apyókxoho énxet'ák Israel ma'a Moisés, aptáhak axta apkeláneya s'e: “Israelitas, kóleyxho sa' se'e segánamakxa tén han nélánémaxchexa nak chá'a antéhek peya nak ko'o altennaksek se'e sakhem nak. Kóltaqmelchesho kélagko' sa' kélya'ásegwayam, kóllána sa' nahan.

Deuteronomio 29:8

negmomchek axta m'a apchókxa nak, tén negméssama yaqwayam etnehek apagkok apagko' ma'a Rubén énxet'ák apagkok, tén han ma'a Gad, tén han ma'a Manasés nak nápakha énxet'ák apagkok.

2 Crónicas 26:5

Apkelenxáneykmek axta apyetleykha Dios apyennaqtamakxa axta makham Zacarías, apkelxekmóssama axta ektémakxa negáyo Dios. Aptaqmelchessessegkek axta apha Wesse' egegkok neyseksa apkelenxányam apyetleykha.