Jonás 2:2 - Biblia Enxet

² Aptáhak axta s'e: “Wesse', neyseksa ekmaso setnahakxa axta ko'o ekwóneyha exchep, apleg'ak axta nahan. Apkelmaheykegkaxa apkeletsapma axta payhok sekwónegkaxa exchep, apleg'ak axta nahan sekwóneykha.

Jonás 2:2 Referans Kwoze

Salmos 120:1

Awónmakha chá'a ko'o Wesse' egegkok ekyentaxna enxoho ewáxok, heyátegmowagkok han chá'a.

Salmos 34:6

Ekwóneyha axta ko'o Wesse' egegkok, ko'o sektáha nak sekmayósa, ehaxnawók axta han, emallahanchessek axta han ekyókxoho ektémakxa ekmaso sekha.

Salmos 86:13

¡Awanhók agko' ko'o exchep seyásekhayo! ¡Megyahayók amhagkok ma'a apkelmaheykegkaxa nak apkeletsapma!

1 Samuel 30:6

Tamháha agko' axta apwáxok ma'a David, hakte apmakók axta yaqhek ma'a sẽlpextétamo apagkok peya elyetnak meteymog, apkellókók apagko' axta apkelwet'a ektáhakxa m'a apketchek. Apwasqakkásekxók axta eyke David ma'a Dios Wesse' apagkok,

Salmos 116:3

Élpextehetmeyk axta ko'o nétsapma, emomchek axta ko'o m'a takhaxpop ekyentaxnamakxa nak egwáxok, eyáyók ahagko' axta, eklegeykegkók agko' axta han.

Salmos 22:24

Hakte mewanyók chá'a énxet apkelmopyóseka nak ma'a, megkatnehek chá'a melányo m'a ektémakxa nak apkellegeykegkoho, méxánegkesek han. ¡Yeyxhok chá'a apkeltamho enxoho epasmok!

Salmos 4:1

Dios, apteme nak chá'a ko'o semasma, ¡heyátegmowák sa' ko'o sekwóneyncha'a enxoho! Xeyep axta setaqmelchessáseykekxa ewáxok, cham'a ekwa'a axta eklegeykegkoho ewáxok, ¡Yepyósho ko'o hélano', yeyxho sélmaxnagko!

Isaías 14:9

Yennegkexma s'e kóneg xapop nak nepyeseksa nak ma'a apkeletsapma, apkelántekkek nahan peya emok takha' exchep. Naqxétekhágkek apkelhagák ma'a apkeletsapma axta, apkelanyexakmek xép apyókxoho m'a apkelámha apmonye'e axta keso náxop; apkelchampákxeyk néten apkeltaháno apyókxoho m'a kelwesse'e apkelwányam axta ekyókxoho apheykegkaxa.

Salmos 65:2

hakte yeyxhok chá'a exchep kélmaxnagko! Apyókxoho énxet sa' elyo'ótak xép.

Salmos 61:2

Ekwóneyha ko'o exchep ma'a makhawók agko' nak xapop, hakte yelqáxcheyk ewáxok. Hexnés ko'o netnók agko' nak meteymog, yaqwayam sa' megkatnégwomók exma sekha,

Salmos 16:10

hakte megyohok sa' axnamok ma'a apkelmaheykegkaxa nak chá'a apkeletsapma, ¡megyohok sa' axnamok kañe' máxek ko'o sektáha nak xép apkeláneykha meyenyaweykha!

1 Samuel 1:16

Nágkaxén aqsa apwáxok xeyep sektáha ko'o xama kelán'a ekmaso ektémakxa, wánxa aqsa ko'o sektáha nempeywa nélmaxnagko s'e yókxoho ekhem nak, éñamakxa m'a setnahakxa nak, xámók agko' sélya'asakxa exma, yentexók agko' han ektáhakxa élapwayam ewáxok.

Lamentaciones 3:55

Wesse', ekwóneykha ko'o exchep ma'a kañók agko' nak máxek:

Ezequiel 26:20

kaweykesagkok sa' ekweykmoho m'a apheykegkaxa nak apkeletsapma, cham'a énxet'ák apheykencha'a axta nano' nentámen axta. Ayenyenták sa' éttawanyexa agko' nak ma'a kañe' xapop, cham'a apkelókxa meyke néxa nak eknaqtawasamáxche m'a aqsok, exek sa' chá'a nepyeseksa m'a apkeletsapma axta. Mexnekxók sa' chá'a énxet'ák apagkok, megkólxátekhásekxék sa' nahan chá'a kaxwók keso xapop, keso apyetnamakxa nak.

Ezequiel 31:14

Megkawegqagkek agko' sa' chá'a kaxwók xama yámet enxoho, megkeyxek sa' chá'a émha m'a neyáwa yegmen, megkaltekxekwomók sa' chá'a kaxwók naw'ék ma'a yaphope, megkeyxek sa' ektaqmalma kélyássáseyak, megkawegqagkek agko' sa' nahan chá'a kaxwo'. Kelxénamaxcheyk kaletsapok ekyókxoho xa, kalweywagkok se'e kóneg xapop kañók agko' nak nélwanmégkaxa tén han kapáxaqwók ma'a aphagwayam nak ma'a kañe' takhaxpop.

2 Crónicas 33:12

Xama axta apwet'a aplegeykegkoho ekmaso, apwóneyha axta Dios Wesse' apagkok, chaqhegkek agko' axta apwáxok aptémakxa nápaqtók ma'a apyapmeyk nano' axta Dios apagkok.