Joel 3:12 - Biblia Enxet

¹² Kóllánekxa heykxa kéltáhakxa pók aptémakxa nak énxet'ák, kólmohok ma'a ekyapwátegweykenxa nak xóp Josafat, hakte sa' elyekpelkohok Wesse' egegkok apyókxoho pók aptémakxa énxet'ák apheykha nak negyáwa m'a.

Joel 3:12 Referans Kwoze

Joel 3:2

Wánchásekxak sa' apyókxoho pók aptémakxa énxet'ák, alya'aksek sa' ma'a xóp ekyapwate nak Josafat, sa' alyekpelkohok ko'o m'a, apteméssessamakxa axta m'a énxet'ák ahagkok Israel. Hakte apkexpánchessegkek axta énxet'ák Israel apkelya'assama chá'a ekyókxoho keso nélwanmégkaxa', apmelassamákpek axta seyókxa.

Isaías 3:13

Apkelánekxeyk aptáhakxa Wesse' egegkok yaqwayam elyekpelkoho', appenchessek aptáhakxa yaqwayam elyekpelchásseshok ma'a énxet'ák apagkok.

Isaías 2:4

Etnehek sa' apkelyekpelchémo Wesse' egegkok nepyeseksa m'a pók aptémakxa nak chá'a énxet'ák, elánekxések sa' nahan chá'a ektémakxa apkelenmexamap ma'a apxámokma énxet'ák. Xóp élpeyncheyam sa' etnéssásekxak ma'a sawo élwenaqte apagkok nak, keñe sa' sawhéwa apagkok etnessásekxak ma'a sawo élhaxe. Melnapakpekxék sa' nahan chá'a kaxwók pók ma'a énxet'ák, megkólxekmósek sa' nahan chá'a kaxwo' yaqwayam yempakha'.

Salmos 98:9

nápaqtók Wesse' egegkok, apxegakmo nak yaqwayam etnehek wesse' apwányam keso náxop. Elanha sa' apyókxoho énxet'ák keso nélwanmeygkaxa', yetlo ekpéwomo aptémakxa, meyke ekyeykhamaxche mók.

Salmos 96:13

nápaqtók Wesse' egegkok apxegakmo nak! ¡Naqso', apxegakmek yaqwayam etnehek wesse' apwányam keso náxop, elanha sa' énxet'ák keso nélwanmeygkaxa, yetlo ekpéwomo aptémakxa, tén han ekmámnaqsoho'.

Zacarías 14:4

Etnegwaták sa' néten Egkexe Olivos Wesse' egegkok xa ekhem nak, émha nak ekpayhókxa m'a Jerusalén, cham'a ekteyapmakxa ekhem nak. Kamayhekxak sa' neyseksa m'a Egkexe Olivos, ekyapwate ekyawe xapop sa' katnehek ma'a neyseksa eñama m'a ekteyapmakxa ekhem nak ekweykekxoho m'a taxnegwánxa ekhem nak. Kaqxegagkokxak sa' xama nekha egkexe m'a ekpayho nak nexcheyha, keñe sa' xama nekha nahan kaqxegagkokxak ma'a ekpayho nak nepyeyam,

Miqueas 4:3

Etnehek sa' apkelyekpelchémo Wesse' egegkok nepyeseksa m'a pók aptémakxa nak chá'a énxet'ák, elánekxések sa' nahan chá'a ektémakxa apkelenmexamap ma'a apxámokma énxet'ák. Xóp élpeyncheyam sa' etnéssásekxak ma'a sawo élwenaqte apagkok nak, keñe sa' sawhéwa apagkok etnessásekxak ma'a sawo élhaxe. Melnapakpekxék sa' nahan chá'a kaxwók pók ma'a énxet'ák, megkólxekmósek sa' nahan chá'a kaxwo' yaqwayam yempakha'.

Joel 3:14

Apxámok apagko' énxet'ák ma'a ekyapwátegweykenxa nak xóp Sẽlyekpelchémókxa, hakte chágketwa'ak Wesse' egegkok ekhem apagkok.

Salmos 7:6

¡Wesse', yempekxa néten elwok! ¡Elenmexekxa m'a sélenmexma apkello nak! ¡Hepásegwata'! xép appekkenma axta appeywa hentaqmelchessásekxak negheykha

Ezequiel 39:11

“Agkések sa' ko'o Gog, xama yókxexma Israel xa ekhem nak, cham'a yókxexma sẽlátawanyamakxa ekwesey nak Xapop Ekyapwate Apkelpéwomókxa nak chá'a Apkelxega, ekpayho nak ma'a wátsam ekwányam, yaqwayam sa' kólátawanyek. Sa' kamasséssessók apkelpéwomo apkelxega nak chá'a xa, sa' kólátawanyek Gog ma'a tén han ma'a apyókxoho sẽlpextétamo apagkok, kólteméssesek sa' nahan ekwesey Gog sẽlpextétamo apagkok Xóp Ekyapwate apagkok ma'a.

Ezequiel 30:3

eyágketwa'a nak; ¡chágketwa'ak Wesse' egegkok ekhem apagkok! ¡Katnehek sa' xama ekhem yaphope néten, xama ekhem ekmaso agko' apagkok ma'a pók aptémakxa nak chá'a énxet'ák!

2 Crónicas 20:26

Apchaqnákxeyk axta xapop ekyapwate Beracá ekwokmo cuatro ekhem, apkelpeykásawók axta Wesse' egegkok ma'a. Cháxa keñamak kélteméssessama nak ekwesey xapop ekyapwate Beracá xa yókxexma nak, makhemek makham ekteme ekwesey xa.

Isaías 22:1

Xapop ekyapwate ekwesey nak sẽlxekmóssamakxa aqsok ekxénamaxche yaqwánxa kólteméssesek: ¿Yaqsa ektáha kélchánta nak kélyókxoho néten tegma?