Joel 2:2 - Biblia Enxet

² ekhem ekyáqtésso exma tén han ekho axta'a, yaphope ekyentaxno ekho pessesse. Apsawhawók sẽlpextétamo apkelyennaqte, tén han apxámokma m'a néten egkexe nak, máxa aptáhak ma'a ektémól'a ekyetcheyam la'a amonye' élseye. Megkótémaxchek chá'a katnehek nanók axta xa ektéma nak, megkólwetekxók sa' nahan chá'a katnekxa'.

Joel 2:2 Referans Kwoze

Joel 1:6

Máxa sẽlpextétamo apkelyennaqte tén han apxámokmal'a m'a sawa', appayhékxo nak seyókxa, ekhémól'a méwa am'ák, tén han méwa kelwána m'a élyawakxa nak am'ák.

Joel 2:5

máxa axta han yátnáxeg apkelyenyawasso éxtegyawasso kélanchessól'a kempakhakma apkextegyawasso apkelnextega enxoho m'a néten nak egkexe, máxa axta m'a yámet áwa' apák élenmagéyak la'a kalwatnek táxa. Máxa axta m'a sẽlpextétamo apkelyennaqte apkeleyweykekxal'a apkelxega kempakhakma.

Joel 2:25

“Ayaqmagkassásekxak sa' ko'o kéxegke m'a kélcheneykekxa ekmasagko axta, eñama sawa' aptókasso, cham'a sawa' apxámokma aptawáseykha nak aqsok, seyáphassama axta kélnepyeseksa kéxegke.

Joel 2:31

Kapeysemekxak sa' ekhem, keñe sa' pelten etnekxak apyexwase ektémól'a éma, amonye' ekwayam ma'a Wesse' egegkok ekhem apagkok, ekhem ekwányam sa' nahan, tén han ekyentaxno.”

Daniel 12:1

“Ewaták sa' Miguel, apteme nak Dios apchásenneykha apyennaqte, apkelmasma nak xép énxet'ák apagkok. “Yentexek sa' katnehek xa ekhem nak, megkótémaxko axta katnehek ma'a sekxók axta eyeynamókxa ekteyapma m'a apheykegkaxa énxet. Wokmek sa' agkok xa ekhem nak, elwagkasakpok sa' teyp apyókxoho énxet'ák apagkok eknaqtáxésamaxche nak apkelwesey weykcha'áhak.

Isaías 8:22

keñe sa' elanok makham náxop, elwetak sa' katnehek ekmaso apheykha tén han ekyaqtéssóxma, ekyaqtéssóxma tén han élyaqhápeykha apkelwáxok. Kápok sa' ekyaqtéssóxma ekyókxoho aqsok.

Isaías 5:30

Wokmek sa' agkok ekhem ekxénáxchexa yenmexek Israel xa énxet'ák nak kalpáwha sa' apwáxok, máxa sa' etnahagkok ma'a ektémól'a wátsam ekwányam kapáwak awáxok; apkelanawók sa' agkok xapop xama énxet, étak sa' katnekxak ekyaqtessóxma tén han ekhánaqte m'a ekhem eñama ekyentaxno agko' ma'a yaphope ekpésyam.

Amós 4:13

Wesse' egegkok, apkelane nak meteymog élwenaqte tén han éxchahayam, apya'assásegwayam nak aqsok apmáheyo elának énxet, aptemessáseykekxoho nak han élseyéxma m'a ekyaqtéssóxma, apweychámeykencha'awól'a m'a yókxexma ektáhakxa nak netnók agko' xapop keso náxop, Wesse' egegkok, Dios ekha apyennaqte: cháxa apwesey xa.

Daniel 9:12

Apkeláneyak xeyep ma'a apxeyenmakxa axta henteméssesek, segaphássesa m'a néllegeykegkoho ekmaso agko', ekweykekxoho m'a senláneykha nak chá'a negko'o; hakte axta kótémaxchek chá'a katnehek xama enxoho ekhawo ektémakxa axta kéllegassásegkoho eyáhapwe m'a Jerusalén.

Jeremías 13:16

Kólteme chá'a kéláyo Dios Wesse' kélagkok, amonye' apcháphasso m'a ekyáqtessóxma, tén han kélpelapmeykha kéxegke m'a egkexe ekyaqtéssamakxa nak exma; amonye' aptemessáseykekxa ekyaqtessóxma ekyentaxno agko' ma'a élseyéxma, kélhaxanma nak kéxegke.

Salmos 97:2

Wakhayak ma'a yaphope ekyentaxno; appekkenmeyk apkelánekxésso ektaqmalma apheykha énxet'ák ma'a aptémakxa nak wesse' apwányam, tén han ekpéwomo agko';

Salmos 10:6

kalxének chá'a apkelwáxok méko kaltaqhesha, tén han melwetyehek chá'a ekmaso apheykha.

Deuteronomio 32:7

“Kólenmexekxoho kélnentámen, kaxén kélwáxok ma'a nentámen axta; kólána eltennaksek ma'a kélyapmeyk, kólána eltennasha m'a apkelámha apmonye'e nak.

Éxodo 20:21

Apyepetchegwokmók axta Moisés apkenegwa'akxa axta m'a Dios ekpeysamakxa axta m'a yaphope neyseksa apchaqnagwe énxet'ák ma'a makhawo nak.

Éxodo 10:14

cham'a appayhékxo axta nahan ekyókxoho m'a apchókxa nak. Maxta exnémok chá'a apwetamap nanók axta m'a apwánxa axta apwetákpo, magwetekxók nahan chá'a katnekxak natámen xa, cham'a apwánxa axta apxámokma sawa' apwetákpo xa ekhem nak.

Éxodo 10:6

Elánegwók sa' ma'a kañe' tegma apyawe apagkok, tén han ma'a apkeláneykha apxanák nak, tén han ma'a ekyókxoho apxanák nak ma'a egipcios. ¡Sa' katnehek melweteya axta chá'a katnehek nanók ma'a kélyapmeyk axta tén han ma'a kélyáta', cham'a neyseksók axta apheykha, ekwokmoho makham negko'óxa s'e kaxwo' nak!’ Xama axta appenchesa apteme appeywa xa, appeynchákpek axta Moisés aptepa m'a kañe' faraón tegma apyawe apagkok.

Lamentaciones 1:12

¡Kéxegke ektáha nak kélxega ámay, kólchaqnágwom sekxo', kalchetam kélwáxok yetneyk agkok kéllegeykegkoho ekhawo nak ko'o, señassáseykegkoho agko' nak! ¡Wesse' egegkok seyhe ko'o xa ektémakxa nak ekyentaxno ewáxok eñama setaqnagko!

Ezequiel 32:7

Ekmasséssekmek sa' agkok ko'o exchep, wának sa' kayáqtésexma néten tén han elsapónagkok ma'a yaw'a; wáhakkasek sa' yaphope m'a ekhem keñe sa' ma'a pelten megyápogwáte'.

Ezequiel 34:12

Sa' atnehek ko'o keytnakhaksohok ewáxok nepkések seknaqtósso m'a aptémól'a keláneykha nepkések keytnakhaksohok apwáxok yexpaqnek ma'a nepkések apnaqtósso; anaqlósawakxak sa' ma'a yókxexma apkelmaheykegkaxa axta apkexpánma ekwa'a axta ekhem ekmaso tén han éxchahayam ekyennaqte.

Ezequiel 38:9

Máxa yaphope néten ekyentaxnól'a sa' etnehek xép emmok ma'a, yaqwayam yápok ma'a apchókxa, keñe sa' máxa éxchahayam ekyennaqtél'a etnehek énnaqtések apyempehek etxek yetlo apyókxoho sẽlpextétamo apagkok ma'a, tén han ma'a énxet'ák apxámokma nak.

Jeremías 13:6

Wenaqtémók axta nahan natámen aptáha makham seyáneya Wesse' egegkok se'e: “Emyekxa sa' makham ma'a wátsam Éufrates, ewakxa sa' ma'a kéltétamáxche séltémo axta ekpóssók ma'a.”

Joel 3:4

“¿Yaqsa kélmako hélteméssesek ko'o, Tiro, Sidón, tén han Filistea? ¿Kélmakóya kólyaqmagkásekxak sekteméssesakxa'? ¿Kélmakóya kólmok ekyánmaga sekteméssesakxa'? ¡Kaxwók sa' ayaqmagkásekxak ko'óxa kéltémakxa!

Sofonías 1:7

¡Kólwanmeyák sa' nápaqtók Wesse' egegkok, hakte chágketwa'ak ma'a Wesse' egegkok ekhem apagkok! ¡Appenchessek apkeláneykekxa aptáhakxa Wesse' egegkok yaqwayam elának aqsok ektekyawa, apkelpagkanchek nahan ma'a ektáha nak apkeláneyeykha!

Zacarías 14:6

Megyepsamágek sa' nahan xa ekhem nak, metyemek sa' nahan yeyam.