Joel 2:1 - Biblia Enxet

¹ Kólpáwés kélaqkahasso m'a egkexe Sión; kólpáwés kélaqkahasso éltennasso nak énxet'ák ma'a Wesse' egegkok nak egkexe ekpagkanamaxchexa apagkok. Kólpexyennem kélaye kélyókxoho kélheykha nak Judá, hakte chágketwa'ak Wesse' egegkok ekhem apagkok:

Joel 2:1 Referans Kwoze

Joel 2:15

¡Kólpáwes kélaqkahasso m'a egkexe Sión! Kóláneyha énxet'ák, kóltennés peya megkóltawagkehek kéltéyak;

Joel 1:15

¡Cha'asagko nak la'a, chágketwa'ak Wesse' egegkok ekhem apagkok! ¡Ekhem ekyentaxno, eksáyam nak sẽlmassésseyam, segáphássesso nak ma'a ekha nak Apyennaqte!

Joel 3:17

“Kólya'ásegwók sa' kéxegke ko'o sektáha nak Dios Wesse' kélagkok, sekha m'a Sión, egkexe ekpagkanamaxchexa ahagkok nak. Tegma apwányam appagkanamap sa' etnehek ma'a Jerusalén: kamaskok sa' emok kaxwók ma'a énxet'ák apkeleñama nak mók nekha.

Malaquías 4:1

Aptáhak Wesse' egegkok ekha apyennaqte s'e: “Chágketwa'ak ekhem, ekmexanma ektémól'a táxa axagkok, yaqwánxa sa' elmétek apyókxoho m'a éleymáxkoho nak apkelwáxok ektémól'a kalmétek ma'a pa'at apák eyáléweykhal'a ekyawe. Elmétek sa' ekwa'a enxoho xa ekhem nak, Cháxa ekhem peya nak kawa', megyeymakpek sa' xama enxoho.

Sofonías 3:11

Énxet'ák ahagkok, cháxa ekhem nak, kamaskok sa' kaxwók kalmegqaksek xama enxoho m'a aqsok ekmaso kélláneyak kélláneykegko nak chá'a sélenmexeykekxo kéxegke, keñe sa' alántekkesek kélnepyeseksa m'a éleymáxkoho nak apkelwáxok tén han ma'a megyésso nak eleykpoho', kamaskohok agko' sa' apkeleymákpoho m'a egkexe ekpagkanamaxche ahagkok nak.

Sofonías 1:14

¡Chágketwa'ak ekhem ekyawe apagkok Wesse' egegkok! ¡Ketók kaxwo', pekhésawók ekxegáyam! Asagkek sa' katnehek ekwa'a enxoho m'a éxtegyawà Wesse' egegkok ekhem apagkok: ¡kawomhok sa' élpayheykha apatña'ák ma'a énxet'ák megyeye nak chá'a elmahagkok eyesagkexa'!

Jeremías 5:22

Ektáhak ko'o s'e, sektáha nak Wesse': ¿Yahélayék ko'o kéxegke? ¿Yagkólpexyennamák emonye' ko'o? Ekpekkenmeyk axta ko'o yagkamex néxa m'a wátsam ekwányam, néxa, megkamowána kayeykhak ma'a wátsam ekwányam. Kalnextog eykhe kayéhek ma'a élyaqyahayam agkok megkamallánek eyke kapáwak eykhe han awáxok, megkayeykhék eyke.

Isaías 66:2

¡Ko'o ahagko' sélane ekyókxoho xa aqsok nak, axta keñamak élánteyapma! Ko'o sekxeyenma xa, sektáha nak Wesse'. “Énxet sekpasmomo nak chá'a ko'o, cham'a énxet apmopyósa nak ekyentaxnamo nak chá'a apwáxok apcháyo nak chá'a m'a sekpeywa.

Abdías 1:15

Sa' kólteméssesek xépxa ekhawo apteméssesakxa nak ma'a apnámakkok: ¡exkak sa' ma'a ekpayhawo nak kólteméssesek! “Chágketwokmek kaxwók Wesse' egegkok ekhem apagkok yaqwánxa sa' elyekpelkohok apyókxoho énxet'ák.

Amós 3:6

páweyk agkok kélaqkahasso m'a tegma apwányam, énxet'ák akke kéltamhók kaltemeykha apkelwáxok; temégwokmók agkok exma ekmaso m'a tegma apwányam, Wesse' egegkok akke apcháphasso m'a.

Oseas 5:8

¡Kólpáwes sa' kélaqkahasso aqsok egkepetek ma'a Guibeá, kélpáwassamól'a chá'a kempakhakma, kólpáwes kélaqkahasso m'a Ramá! ¡kólána elanagkokxak aptamhágkaxa m'a Bet-avén! ¡Kólteméssesha sa' apkelwáxok ma'a énxet'ák Benjamín!

Ezequiel 7:12

Wokmek kaxwo', xegakmek ekhem. Megkalpayhekxeyk sa' chá'a kaxwók apkelwáxok ma'a apkexakha nak chá'a aqsok, megkatnehek sa' nahan chá'a megkalyaqhápeykha apkelwáxok ma'a apkelma nak chá'a aqsok. Allegássesagkohok sa' ko'o yetlo seklo m'a énxet'ák apkeleymákpoho nak Israel.

Jeremías 4:5

“Kóllegés Jerusalén tén han Judá s'e. Kólpáwes kélaqkahasso kóltennaksek ekyókxoho apchókxa, nágkólésagkoho kóltéhek kélpeywa s'e: ¡Kólchexyem! ¡Agaqnekxak sa'! ¡Ólmeyekxak sa' ma'a tegma apkelyawe ekyennaqte nak kélhaxtegkáséyak nepyáwa'!’

Sofonías 1:16

ekhem kélpáwassamakxa kélaqkahasso tén han kélpáxameykha kélchetámeyak ma'a tegma apkelyawe apkelyennaqte nak tén han ma'a tegma apkelwenaqte apagkok nak.

Amós 8:2

tén axta aptáha sélmaxneyeyncha'a s'e: —Amós, ¿yaqsa apwet'a? —Xama hówenaq apxagkok kélxata yámet ekyexna élmakhetma —axta ektáhak seyátegmowágkokxo. Tén axta aptáha seyáneya Wesse' egegkok se'e: —Máxa yámet ekyexna élmakhetma aptamhágkok ma'a énxet'ák Israel; malásekhekxók sa' chá'a ko'o kaxwók xama enxoho m'a.

Oseas 8:1

“Epáwes apchaqkahasso, aptémól'a m'a énxet apkelhaxneykhal'a nepyeseksa Wesse' egegkok énxet'ák apagkok. Hakte meláneykegkok ekhémo mók nélpaqhetchásamáxkoho ahagkok, apkenmexeykekxeyk ma'a nélxekmowásamáxche ahagkok.

Ezequiel 33:3

Apwet'ak agkok yágketchessak sẽlpextétamo apkelenmexma apchókxa xa énxet apkelhaxneykha nak, epáwaksek ma'a apchaqkahasso keñe eltennasagkok nahan ma'a énxet'ák.

Ezequiel 12:23

Etne sa' elának se'e: ‘Keso aptáhakxa exchek Wesse' egegkok se'e: Magwohók sa' ko'o kaxwo' katnehek élpaqmétamáxche kañe' Israel xa ektéma nak amya'a.’ Eltennés sa' nahan eyágketwokmo ekhem yaqwánxa katnehek ekyókxoho m'a aqsok apxeyenma, eñama m'a aqsok kélxekmóssamo nak.

Ezequiel 7:10

“¡Keso ekhem se'e! ¡Wa'ak kaxwo'! ¡Xegakmek yaqwayam kólmasséssók! Sawhekxók ekmaso m'a ekyókxoho yókxexma, xámákxeyk agko' nahan ma'a megkeyxnegwayam nak nempeywa.

Daniel 9:20

“Élenxanakmók axta ko'o sélmaxnagko tén han séltennáseykekxoho may'assáxma Wesse' egegkok, keñe han melya'assáxma m'a sekhawóxama nak énxet'ák Israel, élmaxnakkek axta ko'o Dios Wesse' ahagkok sélmaxnéssesa m'a egkexe ekpagkanamaxche apagkok nak.

Daniel 9:16

Wesse' egegkok, negya'ásegkók negko'o exchep apteme segásekhayo. Elwatés aptaqnagko m'a Jerusalén, hakte xeyep tegma apwányam apagkok ma'a, cham'a egkexe ekpagkanamaxche nak. Apkesméssegkek Jerusalén ma'a apyókxoho pók aptémakxa énxet'ák apheykha nak nepyáwa', tén han ma'a énxet'ák apagkok nak, eñama mólya'assáxma tén han ma'a ẽlyapmeyk nanók axta.

Daniel 6:26

éltamhók ko'o kóláwho tén han kólyahakxohok Daniel Dios apagkok ma'a ekyókxoho yókxexma séláneykegkaxa nak. “Hakte cham'a apteme Dios megyetsapma m'a, megkatnégwomek néxa apha. Megkólmasséssemek han ma'a aptémakxa nak wesse' apwányam megkamassegwomek nahan apmopwána.

Ezequiel 33:6

Apwet'ak agkok nahan elwak sẽlpextétamo apkelenmexma m'a énxet apkelhaxneykha nak chá'a, keñe mepáwaksek ma'a apchaqkahasso yaqwayam enxoho eltennasagkok ma'a énxet'ák, apkelwa'ak agkok ma'a apkelenmexma nak, keñe yaqhek xama énxet, yetsapok sa' yetlo aptémakxa mey'assáxma xa énxet nak, axének sa' ko'o ektáha apsexnenagko apketsapma m'a énxet apkelhaxneykha nak chá'a.’

Jeremías 16:10

“Apkeltennássek sa' agkok xép énxet'ák se'e amya'a nak, sa' katnehek kólmaxneyha s'e: ‘¿Yaqsa kexa ektéma apkeltémo nak negko'o hegáhapwak Wesse' egegkok se'e aqsok ekmaso nak? ¿Yaqsa aqsok ekmaso nenláneykegko negko'o? ¿Yaqsa mólya'assáxma nenláneykegko negko'o nénmexma m'a Dios Wesse' egegkok?’

Jeremías 16:7

Méko sa' nahan kalának ektámaxche ekyawe ekxeyenma nak egwáxok egmók apketsapma, yaqwayam enxoho kóltaqmelchessásekxak awáxok ma'a apnámakkok, megkeyxek sa' ektáha enxoho apketsapma m'a apyáp essenhan egken.

Isaías 66:5

Kóleyxho Wesse' egegkok appeywa, kéxegke kélyeheykekxoho nak chá'a appeywa: “Aptáhak apkelpaqmeta pók xam'a kélókxa xamo' apkeltaqnagkama nak chá'a kéxegke s'e, apkeltaqnaweykencha'a nak chá'a eñama kélxeyenma m'a sekwesey: ‘Wesse' egegkok sa' exekmósek apcheymákpoho; egmenyeyk negko'o agwetak kalpayhekxak apkelwáxok.’ Elmegqágwakxohok sa' eyke apteme nak apkelpeywa xa ektáha nak.

Isaías 2:12

cham'a ekhem apkelana sa' aqsok Wesse' ekha nak apyennaqte, yenmexek apyókxoho m'a énxet'ák apkeleymákpoho nak, tén han ma'a apyókxoho éleymáxkoho nak apkelwáxok, tén han ma'a apkene nak etnahágkok ekha kéláyo, yaqwayam etnessásekxak kóneg;

Salmos 119:120

Kelpexyennegkek ko'o ekyókxoho émpehek seyeye nápaqto' xép, eyáyók ma'a apchánamakxa nak antéhek.

Salmos 87:1

Apkeláneyak Dios tegma appagkanamap apagkok ma'a néten egkexe ekpagkanamaxche nak.

Números 10:3

Kélaqkahássek sa' agkok chá'a ánet kélaqkahasso, apyókxoho énxet'ák sa' chá'a yaqnekxak aphakxa exchep, cham'a átog nak kélpakxanma apchaqneykekxexa énxet'ák.

Zacarías 8:3

Amyenták sa' ko'o makham ma'a Jerusalén, yaqwayam axek makham ma'a. Keñe sa' Jerusalén eltamhakpok Tegma Apwányam Meheyenseyam, keñe sa' ma'a egkexe ahagkok nak ko'o sektáha nak Wesse' ekha sekyennaqte, kaltamhaxchek sa' Egkexe Ekpagkanamaxche'.

1 Crónicas 15:28

Apyókxoho énxet'ák Israel axta han appasmeynták kélsánto m'a yántéseksek ekhémo mók nélpaqhetchásamáxkoho Wesse' egegkok, yetlo apkelwóncháseykenta' eñama élpayheykekxoho apkelwáxok, keñe han apkelpáwasa m'a nepkések apkennawók apkepet'ák, apkelaqkahasso tén han ma'a ekho nak sokpayhe étkók élyaqye, keñe han apkelpáwasa m'a yát'axpog tén han arpa.

Éxodo 10:14

cham'a appayhékxo axta nahan ekyókxoho m'a apchókxa nak. Maxta exnémok chá'a apwetamap nanók axta m'a apwánxa axta apwetákpo, magwetekxók nahan chá'a katnekxak natámen xa, cham'a apwánxa axta apxámokma sawa' apwetákpo xa ekhem nak.

Ezequiel 30:3

eyágketwa'a nak; ¡chágketwa'ak Wesse' egegkok ekhem apagkok! ¡Katnehek sa' xama ekhem yaphope néten, xama ekhem ekmaso agko' apagkok ma'a pók aptémakxa nak chá'a énxet'ák!

Joel 2:11

Kaxtegyók chá'a appeywa Wesse' egegkok epaqmétek apmonye'e nak sẽlpextétamo apagkok. Apxámok apagko' ma'a sẽlpextétamo apagkok; mogwanchek ólyetsetek ma'a apkelyaheykekxoho nak chá'a appeywa. ¡Yentexók agko' Wesse' egegkok ekhem apagkok! Méko awanchek kalenmaxaxkoho'.

Joel 2:31

Kapeysemekxak sa' ekhem, keñe sa' pelten etnekxak apyexwase ektémól'a éma, amonye' ekwayam ma'a Wesse' egegkok ekhem apagkok, ekhem ekwányam sa' nahan, tén han ekyentaxno.”

Joel 3:14

Apxámok apagko' énxet'ák ma'a ekyapwátegweykenxa nak xóp Sẽlyekpelchémókxa, hakte chágketwa'ak Wesse' egegkok ekhem apagkok.

Amós 5:18

¡Énxet'ák sa' laye, élpekhésso nak kawak Wesse' egegkok ekhem apagkok! ¿Kélya'ásegkóya kéxegke yaqwánxa katnehek xa ekhem nak? Ekyáqtéssóxma sa' katnehek, háwe sa' élseyéxma.

Zacarías 14:1

Xegakmek Wesse' egegkok ekhem apagkok, yaqwánxa sa' kamlassaxchek aqsok nepyeseksa exchep Jerusalén, apkelyementaméyak nak énxet'ák neyseksa kempakhakma.

Números 10:2

Elána sa' ánet kélaqkahasso sawo ekmope ekmomnáwa kéltekpagéyak nak sawo ekyentaxno, yaqwayam sa' etnehek apkelmeykha apkenchesso chá'a apcháncháseykekxa énxet'ák, tén han apchaqkahássesso chá'a énxet'ák yaqwayam yának elxog.

Isaías 13:6

Kalpayheykha kélatña'ák, hakte chágketwa'ak ma'a Wesse' egegkok ekhem apagkok, máxa apkelyekpexchetma sa' katnehek kawak ma'a Ekha nak Apyennaqte.

Isaías 13:9

Wa'ak kaxwók Wesse' egegkok ekhem apagkok, ekhem apagkok ekmaso agko', tén han aplómo apagko', cham'a peya sa' katnessásekxak meyke xama aqsok keso náxop, tén han kamasséssók ma'a énxet'ák melya'assáxma apheykha nak ma'a kañe'.

Ezequiel 21:12

¡Elpáxamha, xép aptáha nak énxet! ¡Kapayheykha apátog hakte peyk kalnápok ma'a énxet'ák ahagkok nak, tén han ma'a apyókxoho apkelwesse'e nak chá'a m'a apchókxa Israel! Apkelxénakpek etekyawhok xamók ma'a énxet'ák ahagkok, etekpogmakha apnények élapwayam.

Sofonías 1:7

¡Kólwanmeyák sa' nápaqtók Wesse' egegkok, hakte chágketwa'ak ma'a Wesse' egegkok ekhem apagkok! ¡Appenchessek apkeláneykekxa aptáhakxa Wesse' egegkok yaqwayam elának aqsok ektekyawa, apkelpagkanchek nahan ma'a ektáha nak apkeláneyeykha!