Joel 1:10 - Biblia Enxet

¹⁰ Meyke aqsok táhak ma'a namyep; yaqhapchek exma'. Apkelepsagkek ma'a hótáhap apaktek, kelyameygkek ma'a anmen yámet, apák entáhak ma'a olivos.

Joel 1:10 Referans Kwoze

Oseas 4:3

Cháxa keñamak ekyaqhapmo nak exma xa apchókxa nak; massegkek ekha apkelyennaqte m'a apheykha nak ma'a; keletsepmeyk han ma'a aqsok nawha'ák éllo, náta, tén han kelasma, ekhéyák nak wátsam ekwányam.

Oseas 9:2

Mexek sa' hótáhap apaktek apagkok ma'a énxet'ák Israel, tén han vino apagkok, ketsék agko' sa' katnehek ma'a vino kaxwe élánamáxche nak.

Jeremías 12:11

Yókxexma meykexa énxet aptemessáseykekxa', tén han meyke xama aqsok, ekweteyak nahan ko'o apkellekxagweykencha'a m'a. Meyke xama aqsok tamheykekxak ma'a ekyókxoho apchókxa, méko eyke ekyetnakhassamo awáxok.

Joel 1:5

¡Kéxegke, anmen át'ák nak, kólnaqxétekhák! ¡Kóllekxagwaha, kélyeneykegkoho nak vino, hakte kawomhok sa' apkelyamáséyak ma'a anmen yámet ekyexna égmenek!

Hageo 1:11

Ko'o séltémo katnehek meyke yegmen yókxexma, tén han ma'a néten egkexe nak, tén han nepyeseksa nak hótáhap, tén han ma'a kélcheneykekxexa nak anmen yámet, tén han ma'a élaqneykegkaxa nak olivo yámet, tén han ma'a eknakxamáxchexa nak aqsok namyep, tén han nepyeseksa énxet'ák, tén han aqsok nawha'ák, tén han ma'a ekyókxoho kéltamheykha nak.”

Joel 1:12

Kelyameygkek ma'a anmen yámet kélcheneykekxa, tén han higo yámet. Kelyameygkek nahan ma'a yántakyexna, tén han áxa, tén han manzano awhók, keñe han ma'a ekyókxoho yenta'a nak yókxexma. ¡Massegwokmek élpayheykekxa apkelwáxok ma'a apyókxoho énxet'ák!

Jeremías 48:33

Massék eklegáxko kélátseykha m'a namyep ektaqmalma nak xapop ma'a Moab. Méko entáhak vino m'a kélyátamakxa nak chá'a. Méko kaxwók énxet apkelyaqhapma anmen yámet ekyexna, massék élmeneykmásexko m'a negmeneykmasso ekpayheykekxa nak egwáxok.

Jeremías 12:4

¿Háxko sa' ekwánxa ekhem kammok ekyamaye xapop, tén han élyamaye pa'at ma'a yókxexma? Keletsepmeyk aqsok kélnaqtósso, tén han náta, eñama apkeltémakxa ekmaso m'a énxet'ák apheykha nak apchókxa, apkenagkama nak xép meteyk ma'a aqsok apkeláneyak.

Isaías 24:11

Apkelpáxamáha ekyennaqte énxet'ák ámay awáxok aptegyágko eykhe vino; massegwokmek ekyókxoho m'a ektémakxa axta chá'a élpayheykekxa apkelwáxok, kélmasséssek kañe' apchókxa m'a ekpayheykekxa egwáxok nak.

Levítico 26:20

Kaqhok sa' chá'a kólwasqápekxohok kóltemeykha, megkatekkesek sa' xama aqsok enxoho m'a xapop, megkeyxek sa' han yenta'a élaqnéyak nak yókxexma.

Génesis 4:12

Eknekxak sa' eykhe chá'a aqsok aktek xapop, megkeyxek sa' eyke chá'a. Eweynchamha sa' aqsa chá'a ekyókxoho yókxexma keso náxop, meyke apkellókasseyam apyampé.

Isaías 15:6

Kelyameygkek axta yámelchet ma'a Nimrim, kelyameygkek axta m'a pa'at, ketsekkek axta áwa' m'a yámet, méko axta xama enxoho eyeymomáxche m'a élyápaqmátamo nak áwa'.

Isaías 24:7

Massék ekha m'a vino, kelyameygkek ma'a anmen yámet kélcheneykekxa, kelyaqhápeyha agko' apkelwáxok ma'a énxet'ák élpayheykekxoho axta chá'a apkelwáxok.

Joel 2:19

aptáha s'e: “Wáphássesek sa' ko'o kéxegke hótáhap apaktek, tén han vino, tén han pexmok égmenek, ekwokmoho kélyaqkanakmo; magwohók sa' kaxwók elya'ássók kéxegke m'a énxet'ák mehey'áseyak nak ko'o.

Habacuc 3:17

Keñe sa' kapayhekxohok agko' ko'o ewáxok eñama m'a Wesse' sewagkasso nak teyp. Megkalyapwék sa' eykhe higo yámet, alpeykeshok sa' eyke, megkeyxek sa' eykhe han ma'a anmen yámet, tén han ma'a olivo yámet; megkanakxaxcheyk sa' eykhe han aqsok ma'a namyep; esawhakpok sa' eykhe han nepkések méko sa' eykhe han katnehek weyke m'a axanák nak.

Malaquías 2:3

“Alyelaqtések sa' ko'o kéxegke, ayenhásekxak sa' kélnát ma'a kéltósso ekteyáseykha kélyentameykenta nak chá'a yaqwayam kólaqhek. ¡Kólchexeyxchek sa' nahan xamók kéxegke m'a kéltósso ekteyáseykha nak!