Job 8:10 - Biblia Enxet

¹⁰ Apwanchek eyke exchep eltennasha m'a nanók énxet'ák nak, tén han elxekmósek ekxámokma agko' aqsok.

Job 8:10 Referans Kwoze

Proverbios 18:15

Elwetak chá'a apkelya'ásegwayam aqsok aptegyágko enxoho m'a énxet apkelya'áseykegkoho nak aqsok, tén han ma'a apmopwancha'a nak aqsok.

Proverbios 16:23

Apwanchek chá'a elanagkohok apya'asakxa appeywa m'a énxet élchetámeykha nak chá'a apwáxok yetlo apya'áseykegkoho, kalmok han chá'a apkelwáxok énxet'ák ma'a aptáhakxa enxoho appeywa.

Salmos 145:4

Eltennasha sa' chá'a apketchek apyapmeyk ma'a ektémakxa nak xép aptamheykha, elpeykeshok sa' chá'a m'a aqsok élyawe nak apkelane.

Job 32:7

Exchek táhak ewáxok se'e: “Elpaqmétek apagkok xa apkelya'áseykegkoho nak ekyókxoho aqsok; exekmósek sa' ektémakxa apkelya'áseykegkoho hakte apxámok apyeyam apkelweynchámeykha keso náxop.”

Deuteronomio 11:19

Kólxekmósak chá'a kélketchek, kéltennáseyncha'a enxoho chá'a m'a kélxanák nak tén han ma'a ámay kélmahágkaxa enxoho chá'a, essenhan ma'a kélhágko enxoho chá'a tén han ma'a kélnaqxétekhágko enxoho chá'a.

Deuteronomio 6:7

nágkólwatéssem kélxekmowáséyak ma'a kélketchek; kóltennasha chá'a xa amya'a nak, cham'a kélhakxa enxoho chá'a kélxagkok tén han ma'a ámay kélmahágkaxa enxoho chá'a, tén han ma'a kélyetna enxoho chá'a, tén han ma'a kélxatakha'a enxoho chá'a.

Job 8:9

Kaxwe eyke negko'o, magya'ásegkok aqsok; hawók ektémakxa negko'o negheykha náxop ma'a ektémól'a kayeykhak pessesse.

Job 8:11

Wánxa awanchek kaktog ekho' m'a ekyawakxa nak yegmen, tén han tappo;