Job 7:16 - Biblia Enxet

¹⁶ Massék sélenmáxexko. Mómenyeyk alenxanmagkohok sekha. Ná hélya'es kaxwók exma', hawók ko'o sekyennaqte m'a ektémól'a nentekkesso nennama.

Job 7:16 Referans Kwoze

Job 10:1

¡Éleklágwokmek sekweynchámeykha! Altennaksek sa' ektémakxa aqsok megkaleklo ewáxok, mamágwakxeyk sa' axénmakha eklo ewáxok.

1 Reyes 19:4

Tén axta apmahágko m'a meykexa nak énxet, xama ekhem axta han apxega, keñe aphakmo kóneg xama yámet pessesse agkok. Apkeltamhók axta han yetsapok, keñe aptáha: “¡Wesse', heyho ko'o watsapok! ¡Hakte ekhawók ko'o m'a ẽlyapmeyk nano'!”

Jonás 4:8

Xama axta ekwa'a néten ekhem, apkeltamhók axta kaxchahák Dios ekmexanma eñama m'a ekteyapmakxa ekhem, apwetágkok axta peya kápok ma'a Jonás hakte payhawók axta ekmexanma m'a aphakxa, apkeltamhók axta yetsapok. —Tásek ko'o watsapok, kaxnók aweynchamha chá'a— axta aptáhak.

Salmos 39:13

Elwatés séláneykha, heyho sekxók amekxak ekpayheykekxa ewáxok, amonye' sekxega, tén han sekmassegwayam.”

Job 14:6

elwatés apkeláneykha, wánxa etne apkelya'assóxma'; ¡yoho aqsa eweynchamha aptémól'a m'a énxet ekha nak aptamheykha kélyánmagkasso!

Job 10:20

¡Elwatés sélya'assóxma'! hakte yaqwátawók ko'o sekha s'e náxop. Yoho sekxók kapayhekxak ewáxok yaqwatakxoho,

Job 9:21

Méko ko'o sektémakxa, megkeytnakhaksók eyke ewáxok; éleklágwokmek sekweynchámeykha.

Job 6:9

¡Tásók la'a heyaqhápok heykxa kaxwók Dios heyaqhek!

Jonás 4:3

Cháxa keñamak séltamho nak ko'o hemasséssók xép Wesse', tásek ko'o watsapok, kaxnók aweynchamha chá'a.

Salmos 144:4

Aphawók xama nentekkesól'a nennama m'a énxet; yahamok kamaskok apyennaqte ektémól'a pessesse kamallánek,

Salmos 78:33

Axta keñamak apmassésseykmo Dios ekmanyehe agko', ektémól'a xama negwátekhapma, asagkek axta ektémakxa apkeletsapma.

Salmos 62:9

Aphawók énxet ma'a xama negwátekhapma ekmanyehel'a kamaskok, cham'a énxet meyke nak aqsok apagkok, tén han ma'a ekxámokma nak aqsok apagkok; kélyetsátegkek agkok xama kelyetsáteyák xa apyókxoho nak, exhok pók apkelexyawe.

Salmos 39:10

Elwatés señassáseykegkoho, hakte peyk ko'o watsapok eñama setekpageykha.

Génesis 27:46

Keñe axta Rebeca ektáha eyáneya Isaac se'e: —Éleklágwokmek ko'o éltémakxa s'e kelán'ák hititas apnaqteyegka'a nak Esaú. Apmeyk sa' agkok han Jacob xama kelán'a hitita, ekhawo nak xa ekheykencha'a nak se'e Canaán, tásek watsapok.

Job 7:7

Oh Dios, kaxén apwáxok ekhawo ko'o sekyennaqte m'a ektémól'a xama nentekkesso nennama, móteyekxók sa' chá'a ekpayheykekxa ewáxok.

Job 7:15

Tásek xeyep eyaqhápok eyespok; émenyeyk ko'o watsapok, mómenyeyk aweynchamha chá'a.

Salmos 78:39

Kaxének axta chá'a apwáxok Dios apteme énxet aqsa m'a; aptamhéyak ekho éxchahayam, ekxegál'a keñe megkataqhegwome'.

Jeremías 8:3

Keñe sa' apkeleymomap nak meletsapma xa énxet'ák élmasagcha'a agko' nak apkeltémakxa, cham'a apkelhámxa enxoho chá'a ekyókxoho yókxexma natámen séxpánchesso, eltamhok sa' eletsapok, mopmenyeyk sa' elweynchamha chá'a. Ko'o sekxeyenma xa, sektáha nak Wesse' ekha sekyennaqte.

Salmos 39:6

¡Apyókxoho énxet apteme aphémo pessesse ekmallanel'a! Kaqhok exámasagkok aqsok apagkok, hakte mey'asagkehek yaqsa sa' kalmekxak ma'a aqsok nak.

Eclesiastés 2:17

Ektaqnawágweykmek axta ko'o ektémakxa nak sekha, hakte ekyókxoho aqsok élánamáxkoho nak chá'a keso náxop, hegkések axta chá'a ekmaso sekha. Naqso' ektáha aqsok eyaqhémo agwetak xa ekyókxoho nak, ¡hawók ma'a kélmáheyól'a kólmagkok éxchahayam!