Job 4:6 - Biblia Enxet

⁶ Xeyep apteme nak meyenseyam apyetleykha Dios, xama énxet ekpéwomo aptémakxa, ¿háxko etnehek xép metnéssesek naqso'?

Job 4:6 Referans Kwoze

Proverbios 3:26

hakte Wesse' egegkok sa' emyók chá'a exchep, megyohók sa' kamok ma'a kelhanma nak.

Proverbios 14:26

Nenteme negáyo Wesse' egegkok, cháxa nenteme ekyennaqte magya'ásseyam xa, apkelmasma nak chá'a m'a kélketchek.

Job 1:1

Aphegkek axta xama énxet ma'a yókxexma Us apwesey axta Job. Péwók axta aptémakxa, méko axta aqsok ekmaso apkelane, apteme axta meyenyaweykha apkeláneykha m'a Dios, apkeláneykegkoho aptémakxa yaqwayam melanyehek xama aqsok ekmaso.

Job 17:15

¿Háxko ekmahágkaxa m'a sélhaxanma axta? ¿Háxko ekmahágkaxa m'a ektaqmalma axta sekha?

Job 16:17

meynnaqteyáseykegkaxho émpehek alának xama énxet, ektáhakxoho eyáxñeyo sélmaxnagko.

Job 13:15

Heyaqhek sa' eykhe, malwátessemek sa' eyke sektémakxa nak chá'a sekpeywa, yaqwayam altennaksek nápaqtók sekteme meyke sektémakxa'.

2 Reyes 20:3

“Wesse' ahagkok, éltamhók ko'o exchep kaxénwakxohok apwáxok ektémakxa nak mayenseyam sekyetleykha tén han sekteméssesso naqsók agko', séláneya m'a ekleklamókxa nak xép apwáxok.” Tén axta apkelekxagweyncha'a ekwányam agko'.

Salmos 27:3

Hewakhak sa' eykhe m'a sẽlpextétamo apxámokma, megkakyek sa' eyke ko'o ewáxok; elánekxak sa' eykhe aptamhágkaxa yaqwayam hektámegma', megkatneykha sa' eyke ko'o ewáxok.

Salmos 26:1

Wesse', hexén ko'o meyke sektémakxa, hakte malaneyk ko'o xama aqsok ekmaso neyseksa sekweynchámeykha. Wesse', may'ásseykmok ahagko' ko'o exchep;

Isaías 33:6

egkések sa' chá'a ektaqmalma apheykha énxet'ák ma'a. Aqsok ekmomnáwa segwagkassamo teyp ma'a ekha nak negya'áséyak tén han negyekpelchémo; ekxámokma aqsok egagkok akke m'a negaye nak Wesse' egegkok.