Job 39:1 - Biblia Enxet

¹ ¿Apya'ásegkoya ekhem aptamheykegkaxa apnaqláw'ák ma'a yát'ay nápowha'ák nak? ¿Apweteyaya han aptémakxa etegkesek apketkok ma'a popyet?

Job 39:1 Referans Kwoze

Salmos 104:18

Yát'ay apkelyáqtamakxa m'a néten egkexe nak chá'a, keñe m'a neyseksa meteymog nak, élyexanmomakxa chá'a m'a yekpa'.

Salmos 29:9

Kelyawheyáseyha yámet encinas ma'a Wesse' egegkok appeywa, meyke yenta'a élyawe temessásak ma'a naxma. Apyókxoho énxet'ák aptáhak meleyságkoho apkelpaqmeta m'a tegma appagkanamap apagkok nak: ¡Apcheymákpoho Dios!

1 Samuel 24:2

Keñe axta Saúl apchánchesákxo tres mil énxet ma'a ekyókxoho kañe' nak Israel, tén axta apxega apketama m'a David yetlo apkelxegexma'a, apkelmahágko m'a élámhakxa axta meteymog élyawe netna'awo nak.

Jeremías 14:5

Wokmók nahan chá'a xenaq éxakha étkók kaxwe ekpalchesso m'a yókxexma nak, hakte méko pa'at yaqwayam enxoho katawagkok.

Deuteronomio 14:5

xenaq, yátapopyet, laneyp, popyet apkelleykha nak naxma, tén han ma'a pók aptémakxa nak chá'a m'a yátapopyet apkelyawe nak.

Job 39:2

¿Apya'ásegkoya han apwánxa pelten aptémakxa apnaqláwa?