Job 26:6 - Biblia Enxet

⁶ Yáxñakxoho temék apkelányo Dios ma'a takhaxpop, apkelmaheykegkaxa nak apkeletsapma.

Job 26:6 Referans Kwoze

Proverbios 15:11

Weykmók apwete Wesse' egegkok ma'a élmaheykegkaxa nak eghagák, ¡ekyágwánxa agkok ma'a ektémakxa nak chá'a élchetámeykha apwáxok énxet!

Salmos 139:8

Eyánteyk agkok ko'o m'a netnók agko' nak néten, apheyk xép ma'a; ektaxneyk agkok han ma'a apkelmaheykegkaxa nak apkeletsapma, apheyk nahan xép ma'a;

Amós 9:2

elyexánegwók sa' eykhe m'a kañe' xapop ekmattawóneg nak, alántekkessók sa' eyke chá'a ko'o m'a, elchenátwók sa' eykhe m'a netnók agko' nak yaphope, wának sa' eyke han ko'o elántépok ma'a.

Job 28:22

Weykmók han ektéma chá'a élanagkama ekmassésseykmoho nak aqsok tén han nétsapma s'e: “Nenlege aqsa chá'a negya'áseykegkoho'.”

Isaías 14:9

Yennegkexma s'e kóneg xapop nak nepyeseksa nak ma'a apkeletsapma, apkelántekkek nahan peya emok takha' exchep. Naqxétekhágkek apkelhagák ma'a apkeletsapma axta, apkelanyexakmek xép apyókxoho m'a apkelámha apmonye'e axta keso náxop; apkelchampákxeyk néten apkeltaháno apyókxoho m'a kelwesse'e apkelwányam axta ekyókxoho apheykegkaxa.

Salmos 139:11

Xénchek agkok ewáxok eyxánmok ekyáqtésakxa exma, essenhan ektamhákxo enxoho axta'a m'a élseyéxma sewakhaya nak ko'o,

Salmos 88:10

¿Exekmóshoya chá'a exchep aqsok sempelakkasso agwetak ma'a apkeletsapma nak? ¿Egkéshoya chá'a exchep ekxeyenma apkelwáxok ma'a apkeletsapma nak?

Job 41:11

Énxet ektáhakxa enxoho apkenmexeykekxa', ¿apwancheya emallánek yetlo meyke ektáhakxa apyempehek? ¡Méko xama enxoho ekyókxoho keso nélwanmeygkaxa nak!

Job 11:8

¿Háxko etnehek xeyep ey'asagkohok xa aqsok nak? Yeykhágweykmók ma'a néten nak, Yeykhágweykmók agko' ekmattawóneg ma'a élmaheykegkaxa nak eghagák, mopwanchek ey'asagkoho'.

Job 3:13

Kaxtemék axta ko'o sétsapma, ataqmelcheshok axta aqsa sekteyenma allókasek sekyampe meyke ektáhakxa,

Job 9:5

Méko kay'asagkohok apkelaqxegkahasa enxoho Dios ma'a egkexe; kalyaqnegkesagkok chá'a aplo.

Job 31:12

Kaxhok sa' ma'a ektémól'a táxa eyáléwe ekmassésseykmohol'a aqsok, kasawhohok sa' aqsok ahagkok.

Job 38:17

¿Apweteyaya han ekheykegkaxa m'a atña'ák ekyáqtéssamakxa exma apkelmaheykegkaxa nak apkeletsapma?

Proverbios 27:20

Megkayaqkáneykmok ma'a élmaheykegkaxa nak eghagák, tén han ma'a takhaxpop nak, hawók han ektémakxa nak énxet étsapeykha nak apnények aqsok xa, mewagkasek néxa apmopmenyého aqsok.

Daniel 2:22

Cha'a senxekmósso chá'a aqsok ekmáske nak agya'asagkoho', tén han ekpowásamáxche nak; hakte apweteyak ma'a ekhéyak nak ekyáqtésakxa exma, yetnegkek xamo' ma'a élseyéxma nak.