Job 26:12 - Biblia Enxet

¹² Apyennaqte keñamak apwanmeyáseykekxo wátsam ekwányam; apmopwána aqsok keñamak apchaqhama m'a yegmen askok eklo, cham'a Rahab.

Job 26:12 Referans Kwoze

Isaías 51:15

“Ko'o sekteme Dios kélagkok, sekwesey Wesse' ekha sekyennaqte; ayawhaksohok chá'a ko'o yegmen ma'a wátsam ekwányam nak, keñe kapáwak chá'a awáxok ma'a élyaqyahayam agkok nak,

Jeremías 31:35

Aptáhak Wesse' egegkok, apwesey nak Wesse' ekha apyennaqte, appekkenma nak mayáhat yaqwayam kalsaksek exma ekhem, tén han pelten, yaw'a, yaqwayam elsaksek exma axta'a, apkeltémo nak chá'a kalnextog néten yegmen ma'a wátsam ekwányam, tén han kapáwak awáxok ma'a élyaqyahayam agkok nak:

Isaías 51:9

Exatakha' Wesse' egegkok exatakha' yetlo apmopwána, emekxa apyennaqte; exatakha' aptéma axta m'a nentámen axta cham'a nanók agko' axta. Apkelyaqtenneykegkek axta exchep ma'a Rahab, cham'a yegmen askok ekyawe nak;

Job 12:13

Dios akke m'a ekha nak apya'áseykegkoho, tén han apyennaqte; cha'a apkeláneykekxa han chá'a yaqwánxa etnehek ma'a, keytlawhok han chá'a apkelane,

Job 9:13

Aplókek agkok Dios, yehémek kamaskok aplo; mékoho aptemessáseykekxak ma'a élxegexma'a nak yéwa ekwányam Rahab.

Daniel 4:37

“Élpeykessamók ko'o kaxwók ma'a Wesse' Apwányam apha nak néten, ko'o Nabucodonosor, eyáyók han, ekteméssessegkek han apcheymákpoho, hakte naqsók agko' ma'a ekyókxoho aqsok apkelane nak, péwók nahan, apwanchek etnessásekxak mékoho m'a apkenè nak chá'a etnahak ekha kéláyo.”

Isaías 2:12

cham'a ekhem apkelana sa' aqsok Wesse' ekha nak apyennaqte, yenmexek apyókxoho m'a énxet'ák apkeleymákpoho nak, tén han ma'a apyókxoho éleymáxkoho nak apkelwáxok, tén han ma'a apkene nak etnahágkok ekha kéláyo, yaqwayam etnessásekxak kóneg;

Salmos 74:13

apmopwána axta exchep apmeykeseykekxak neyseksa wátsam ekwányam, apkelpáxqatchessegkek axta apqatkok yegmen askok élyawe ekhéyak nak wátsam ekwányam,

Salmos 29:10

Wesse' egegkok apteme wesse' agkok ma'a ekmámeye; ¡Wesse' egegkok apteme wesse' apwányam memassegwayam!

Job 26:11

Aplókek agkok Dios, kalpexyennók chá'a eyeye m'a egkexe élméyak nak néten.