Job 24:4 - Biblia Enxet

⁴ Elyetnakhaksek chá'a énxet'ák meyke aqsok apagkok ma'a ámay apagkok, keñe m'a énxet'ák apkelmopyóseka nak elyexanmok chá'a.

Job 24:4 Referans Kwoze

Proverbios 28:28

Apkelmeyk agkok apkeltamheykha m'a élmasagcha'a nak apkeltémakxa', elyexanmok chá'a m'a énxet'ák nak; temégwokmek agkok néxa apkeltamheykha, exámekxak chá'a m'a énxet'ák apkelpéwomo.

Amós 2:7

Máxa xapop nélteyammeykha apteméssessók apnaqtawáseykegkoho m'a énxet'ák apkelmopyóseka nak, mepékessessók chá'a apkelánekxésso amya'a m'a meyke nak ekpasmo. Apkelyaqmagkásamákpek chá'a appathetéyak xama kelán'a m'a apyáp tén han apketche, aptawáseykha chá'a sekwesey ekpagkanamaxche aptamhéyak xa ektáha nak.

Job 24:14

Amonye' élseye chá'a exatakhak ma'a ekyetno nak apyógkexma, yaqwayam yaqhek ma'a énxet meyke nak aqsok apagkok, keñe axta'a etnekxak chá'a apmenyexma.

Ezequiel 22:29

Apkelmenyexéyak aqsa apkeláneykegkok chá'a m'a kelwesse'e ekha nak chá'a xapop apagkok ma'a apchókxa tén han apkelyennaqteyáseykha chá'a apyempe'ék; apnaqtawáseykegkok chá'a m'a énxet'ák apmopyóseka nak tén han ma'a ekha nak chá'a eyeyméxchexa aqsok ma'a apxanák, apkelyennaqteyáseykha nahan chá'a apyempe'ék apkeláneya m'a énxet'ák apkeleñama nak mók nekha, Apteméssessegkek chá'a m'a megkapayhawo nak anteméssesek.

Ezequiel 18:18

“Yetsapok sa' kéllegassáseykegkoho eñama aptémakxa mey'assáxma apagko' ma'a apyáp nak, hakte apnaqtawáseykegkók axta chá'a apnámakkok, apkelmenyexcháseykegkek axta nahan chá'a aqsok apagkok, apkelánéyak axta chá'a aqsok ekmaso nepyeseksa m'a énxet'ák apagkok.

Ezequiel 18:12

aptawáseykegkoho nak chá'a m'a énxet apmopyósa nak tén han ma'a ekhakxa nak chá'a eyeyméxchexa aqsok apxagkok, tén han apmenyexchesso nak chá'a aqsok apagkok pók, tén han megkeyáseykekxa nak aqsa chá'a aqsok apmésso ekyaqmageykekxa apméyák ma'a pók, tén han apcháyo nak chá'a m'a aqsok kéláyókxa élmasagcha'a nak tén han apkelane nak chá'a m'a aqsok megkaleklamakxa nak chá'a ko'o ewáxok,

Isaías 10:2

megkóltaqmelchessáseykekxa nak apheykha m'a énxet'ák apkelyelqamákpoho nak, tén han megkóllányo nak ektémakxa apheykha m'a énxet'ák ahagkok meyke nak aqsok apagkok, kélnaqtawáseykegkoho nak chá'a m'a xentampe'e nak, tén han kélmenyexcháseyak nak chá'a aqsok agkok ma'a élyeheykha nak!

Proverbios 30:14

Yetneyk énxet ekho nak sókwenaqte m'a apma'ák nak, tén han sawo m'a awhók apma'ák nak, yaqwayam emasséssók ma'a ekha nak chá'a eyeyméxchexa aqsok ma'a aphágkaxa, tén han ma'a meyke nak aqsok apagkok.

Proverbios 28:12

Apkelmeyk agkok apkeltamheykha apteme ekha kéláyo m'a énxet'ák apkelpéwomo nak, kalanaxchek ekyawe agko' kélessawássessamo; apkelmeyk agkok apkeltamheykha m'a élmasagcha'a nak apkeltémakxa', elyexanmok chá'a m'a énxet'ák nak.

Proverbios 22:16

Énxet apnaqtawáseykegkoho nak meyke aqsok apagkok yaqwayam exámasagkok aqsok apagkok, essenhan han ma'a apkelmésso nak chá'a aqsok apagkok ma'a ekxákma nak aqsok apagkok, meyke aqsok apagkok sa' katnehek.

Salmos 109:16

Axta ey'áseykegkok ektémakxa apmopyósa anlanok egmók; apkelyetleykha axta chá'a m'a meyke nak aqsok apagkok, tén han ma'a apkelyelqamákpoho nak, tén han ma'a ekyentaxnamo nak apheykha, ekwokmoho apkelnapma.

Salmos 41:1

Apkeleñémo énxet appasmo nak chá'a m'a meyke nak aqsok apagkok; Wesse' egegkok sa' emallahanchesek ma'a ekwa'a sa' ekhem ekmaso.

Job 31:16

Axta alwátesseykmok chá'a ko'o sekpasmo eyéméxchexa enxoho m'a énxet meyke nak aqsok apagkok. Axta han wahayók kalnápok meyk ma'a kelán'a xentampe'e nak.

Job 30:25

¿Ya axta alekxagweykha chá'a ko'o sélányo m'a apkellegeykegkoho nak? ¿Ya axta kalmopyósak chá'a ko'o sélányo m'a ekha nak chá'a eyeyméxchexa aqsok?

Job 29:12

hakte apasmok axta chá'a ko'o m'a élyeheykha nak, tén han ma'a meyke nak aqsok apagkok, cham'a énxet'ák meyke nak ekpasmo.

Job 29:16

máxa apyáp axta ko'o etnék ma'a ekha nak chá'a eyeyméxchexa aqsok aphágkaxa, tén han sélátegmakkáseyak chá'a amya'a m'a apkeleñama nak mók nekha!

Job 31:19

Ekwet'ak axta agkok chá'a ko'o xama énxet meyke agko' nak apáwa, essenhan han meyke enxoho yaqwayam yaqlakpok ma'a meyke nak aqsok apagkok,

Proverbios 14:31

Énxet aptawáseykegkoho nak chá'a m'a meyke nak aqsok apagkok, elókasek chá'a m'a ektáha axta Apkelane keñe m'a apmopyósa nak chá'a elanok pók, ekyawe kéláyo chá'a etnéssesek Wesse' egegkok.

Amós 4:1

Kóleyxho sa' se'e kelán'ák nak Samaria, kélhémo nak weyke eknaqmele Basán, kélyentaxnéssesso nak chá'a apheykha m'a meyke nak aqsok apagkok, kélnaqtawáseykegkoho nak chá'a m'a apkelmopyóseka nak, kéltémo nak chá'a elsantagkasek anmen yámet égmenek ma'a kélnaqteyegka'a, yaqwayam kólyenagkok.