Job 22:3 - Biblia Enxet

³ ¿Epeykessásekxaya exchep apwáxok ekha nak Apyennaqte etnehek ekpéwomo aptémakxa'? ¿Egkéseya exchep aqsok etnehek ektaqmalma aptémakxa'?

Job 22:3 Referans Kwoze

Malaquías 2:17

Leklágweykmek apháxenmo kéxegke Wesse' egegkok; kóltéhek chá'a kólmaxneyekxohok se'e: “¿Háxko nentémakxa chá'a neganagkama negko'o ekleklágweykmo nak segháxenmo?” Kélxeyenmeyk chá'a kéxegke Wesse' egegkok ekleklamo apwáxok ma'a apkeláneykegkoho nak chá'a aqsok ekmaso, tén han ekpayheykekxoho chá'a apwáxok apkelányo, kóltéhek han chá'a s'e: “¿háxko aphakxa m'a Dios ekpéwomo aptémakxa nak?”

Proverbios 15:8

Etaqnawhok Wesse' egegkok aqsok apchaqhássesso m'a énxet élmasagcha'a nak apkeltémakxa', yetlo ektaqmeleykha apwáxok eyke chá'a emok takha' nempeywa nélmaxnagko apagkok ma'a énxet apkelpéwomo nak.

Proverbios 12:22

Eltaqnaweygkohok Wesse' egegkok ma'a énxet apteme nak chá'a apkelmopwancha'a amya'a, kalkohok eyke chá'a apwáxok elanok ma'a apkelxeyenma nak chá'a ekmámnaqso'.

Proverbios 11:20

Etaqnawhok Wesse' egegkok ma'a énxet ekmaso nak chá'a élchetámeykha apwáxok, kalkohok eyke apwáxok elanok ma'a énxet ektaqmalma nak chá'a apkeltémakxa'.

Proverbios 11:1

Etaqnawhok Wesse' egegkok ma'a kelyetsáteyak ekmenyexmo nak, kalkohok eyke apwáxok ma'a kelyetsáteyak megkamenyexma nak.

Salmos 119:59

Kelchetagkassegkek axta ko'o ewáxok sektémakxa, tén axta sélyeheykekxoho makham apchánamakxa nak xép antéhek.

Salmos 39:1

Ekxeyenmeyk axta ko'o alanagkohok sektémakxa, tén han mehélanaksek may'assáxma m'a sekpeywa, tén han amágwakxak chá'a sekpeywa, apchaqnáncha'a enxoho chá'a emonye' m'a élmasagcha'a nak apkeltémakxa.

1 Crónicas 29:17

Dios ahagkok, ekya'ásegkók ko'o apteme apkelányo chá'a egwáxok, tén han apchásekhayo m'a ekpéwomo nentémakxa. Cháxa keñamak sélmésa nak xép ekyókxoho s'e aqsok nak yetlo eyáxñeyo ewáxok. Payhékxeyk kaxwók ewáxok sekwet'a énxet'ák apagkok apchaqnákxo nak se'e, apkelmésa chá'a aqsok apkelmésso naqsa yetlo melmeyágweykekxa.

Job 22:4

Ektaqmalma apyetleykhaya exchep keñamak aplegassásegkoho, meyenyaweykhaya keñamak apmáheyo ékpelkohok aptémakxa',

Job 35:7

Tásek agkok han aptáhakxa', méko egkések; méko aqsok ektaqmela egkések.

Job 21:15

¿Yaqsa m'a ekha nak Apyennaqte, yaqwayam enxoho negko'o ólpeykesho'? Méko aqsok negko'o hegwetaksek ólmaxnak nápaqto' ma'a.”

Job 34:9

Exének chá'a énxet méko kataksek epeykessásekxak apwáxok ma'a Dios.

Proverbios 9:12

Apya'áseykegkoho aqsok sa' agkok xép, sa' kapasmok xa; megkeyxnegwayam appeywa sa' agkok xép, apsexnánémap apagko' sa' etnehek.