Job 2:12 - Biblia Enxet

¹² Makhawók axta kélwet'ak apha m'a Job, xegkessek axta han mékpelchehe', yetlókok axta apkelwehéseykha apkellekxagweyncha'a, apkelyeptégkek axta apkelnaqta éllapwámegko, apkexeyha axta néten xapop apkexpaqha'a chá'a apqátek.

Job 2:12 Referans Kwoze

Ezequiel 27:30

Kalpayheykha sa' apatña'ák, ellekxagwaha apagko' sa' elanok xeyep. Elexpaqheykha sa' yagkamex ma'a apqatkok, elpexyawha sa' néten táhap.

Lamentaciones 2:10

Apkelwanmeyágkek aqsa apheyncha'a náxop ma'a apkelámha apmonye'e nak Sión, apkelexpaqha'ak chá'a apqatkok xapop, apkelántaxneykxeyk han apáwa sẽlwáxaqxamo nak. Kelháxahágkek ekwokmoho éltekxeya naqta'a xapop ma'a kelán'a étkók nak Jerusalén.

Nehemías 9:1

Apchaqnákxeyk axta israelitas ekhem veinticuatro cháxa pelten nak, yaqwayam metawagkehek aptéyak; apkelántaxneykxeyk axta apáwa sẽlwáxaqxamo, apkelexpaqha'ak axta han xapop ma'a apqatkok,

Job 1:20

Tén axta apchampákxo néten Job, apkelyepteyk axta aptaxno aplegágkoho ekyentaxno apwáxok, apmópesawók axta apqátek aptegya'a apyese, keñe apháxahánto apkelpeykásawo m'a Dios.

Josué 7:6

Keñe m'a Josué tén han ma'a apkelámha apmonye'e nak énxet'ák Israel, apkelyeptégkek axta apkelántaxno, apnegkenágkek axta han néten apqatkok ma'a xapop ánek magkenatchesso ekyetna ekyentaxno agko' éllapwámeyak; keñe axta apkelháxahágko ekyetnakxa m'a yántéseksek apagkok nak Wesse' egegkok, apkeltekxeyágkek axta nápaqta'a xapop ekwokmoho ektaxnakmo.

Job 19:14

Eyenyókek ko'o m'a énámakkok ahagko' nak, tén han sélxegexma'a; massék élxéna apkelwáxok ko'o m'a apheykha nak exagkok. Máxa séñama mók nekha etnéssessók ma'a séláneykha kelwán'ák nak; massék sey'ásegkoho.

Ester 4:1

Xama axta apleg'a Mardoqueo ekyókxoho m'a ektáhakxa axta, apkelyepteyk axta apkelnaqta magkenatchesso aplegágkoho ekyentaxno apwáxok, apkelántaxneykxeyk axta m'a apáwa sẽlwáxaqxamól'a, apkexpaqha'ak axta apqátek táhap tén axta apweynchámeyncha'a m'a tegma apwányam, axta yeyságkohok apkelekxagweyncha'a.

2 Samuel 13:36

Appenchesók axta aqsa appaqhetchesso apkelwákxo m'a wesse' apwányam apketchek, yetlókok axta han apkellekxagweykha ekyennaqte agko'. Apkelekxagweyha axta han ma'a David, yetlo apyókxoho apkeláneykha.

1 Samuel 30:4

axta eleyságkohok apkellekxagweyncha'a ekwokmoho ekmassa apkelyenna.

1 Samuel 11:4

Apkelwokmek axta apseykha amya'a m'a Guibeá, aphakxa axta Saúl, aplegássek axta han amya'a m'a énxet'ák. Apyókxoho axta han meleysagkohok apkellekxagweyncha'a.

Jueces 2:4

Xama axta appenchesa apteme appeywa Wesse' egegkok apchásenneykha xa ektáha nak, axta eleyságkohok apkellekxagweyncha'a m'a apyókxoho israelitas.

Génesis 27:34

Xama axta apleg'a Esaú aptáhakxa appeywa apyáp, axta yeyságkohok apwana, aptáhak axta apkelpáxameyncha'a s'e: —¡Táta, hélmaxnésses ko'óxa aqsok éltaqmela!

1 Samuel 4:12

Xama sẽlpextétamo axta eyke han apxeganakmok ma'a émpakháxchexa axta, apkeñama axta nepyeseksa Benjamín énxet'ák apagkok, apkenyeyk axta ekweykekxoho Siló xa ekhem nak. Apkelyeptékpek axta aptaxno, xapop ánek axta han ma'a apqátek.

Esdras 9:3

Xama axta sekleg'a ko'o xa amya'a nak, élyepteyk axta sektaxno, eyepteyk axta han éwa', tén han áwa' ahátog, magkenatchesso seklegágkoho ekyentaxno ewáxok, ekheyk axta aqsa yetlo ekyaqhapmo ewáxok.