Job 2:10 - Biblia Enxet

¹⁰ Apchátegmowágkek axta aptáwa' m'a Job: —¡Máxa kelán'a ekyeyháxma táhak ekpaqmeta! Ólmok chá'a negko'o m'a aqsok éltaqmalma sẽlmésso nak chá'a m'a Dios, mogwanchek han antaqheksohok ma'a aqsok ekmaso nak séghé. Méko axta xama enxoho appeywa élánésso mey'assáxma Job, neyseksa ekteme xa ekyókxoho nak.

Job 2:10 Referans Kwoze

2 Samuel 24:10

Chaqhak axta apwáxok David eyesagko aptáhakxa apnaqtáxésagko apkelwesey weykcha'áhak, keñe axta aptáha apkeltennasa Wesse' egegkok se'e: —Élanak ko'o ekyawe agko' may'assáxma sélana xa aqsok nak. Wesse' ahagkok, éltamhók eyke ko'o heyásekhekxohok makham neyseksa sélane xa aqsok ekmaso nak, ko'o sektáha nak xép apkeláneykha, asagkek ko'o sektáhakxa, máxa ektáhak ma'a énxet ekyeyháxmal'a.

Salmos 39:1

Ekxeyenmeyk axta ko'o alanagkohok sektémakxa, tén han mehélanaksek may'assáxma m'a sekpeywa, tén han amágwakxak chá'a sekpeywa, apchaqnáncha'a enxoho chá'a emonye' m'a élmasagcha'a nak apkeltémakxa.

2 Samuel 13:13

¡Méko ko'o amhagkok sekmegqaya enxoho! Keñe sa' xép eltamhakpok ekmaso aptémakxa kañe' Israel. Elpaqhetchesakpoho sa' táta, cham'a wesse' apwányam nak, hegkések sa' yaqwayam hemok xép ma'a hetnehek aptáwa'.

Génesis 3:17

Keñe axta énxet aptáha apcháneya s'e: Ekmaso sa' kaxwók katnehek keso náxop, eñama apsexnánémap xép, apkelyahákxoho ekpeywa aptáwa', aptawa m'a yámet ekyexna sekmasma axta etwok, yetlo aptamheykha ekyentaxno sa' chá'a kaxwók xép etekkesek apto, neyseksa apha makham.

2 Crónicas 16:9

Apkeláneykha Wesse' egegkok ekyókxoho ektémakxa nak chá'a keso nélwanmeygkaxa, yaqwayam egkések chá'a apkelyennaqte m'a ektáha nak chá'a apcháyo ekmámnaqso' agko'. ¡Máxa ekyeyháxma eyke aptáhak xép aptáha kaxwo' xa ektáha nak! Katepagkok sa' eyke exchep kaxwók apkempakhamap.”

Salmos 59:12

Apkelpeywa chá'a kalanaksek melya'assáxma; ¡kalmekxak sa' ma'a ektémakxa nak éleymáxkoho apkelwáxok, tén han ma'a aptamhéyak nak chá'a apkelmopwancha'a amya'a apkelxeyenma elanagkok aqsok!

2 Samuel 19:28

Payhawók axta eykhe etekyók apyókxoho énámakkok nápaqtók xép wesse', eyáneyeykha axta eyke ko'o exchep atwohok sekto xamo' ma'a aptamakxa nak chá'a apto exchep, wesse', ko'o sekteme nak apkeláneykha. ¡Mowanchek kaxwók xép almaxnak aqsok, wesse'!

2 Samuel 19:22

Apchátegmowágkek axta David: —¡Seruiá étchek, háwe kéxegke ekpayhémo xa! ¡Yaqsa ektáha sélenmexákxo nak kéxegke! Ekya'ásegkók ko'o sektamhákxo makham wesse' apwányam ma'a Israel, megyetsepek sa' chá'a xama énxet Israel se'e sakhem nak.

Proverbios 9:13

Hawók nentémakxa ekyeyháxma m'a kelán'a éltennágwayam la'a aqsa chá'a nátegma, ekyeyháxma tén han megkay'áseyak aqsok.

Proverbios 9:6

Kólwatesák kélteme élyeyháxma, keñe sa' kólweynchamha makham; kólteme aptamheykegkaxa nak ma'a énxet'ák apmopwancha'a nak aqsok.”

Job 1:10

Megyahayók xép kólteméssessamhok exma ekmaso m'a, tén han apketchek ekweykekxoho m'a aqsok apagkok nak; epasmok nahan chá'a ekyókxoho aqsok apkelanakxa enxoho, xámok agko' nahan apnaqtósso, méko ekhawo s'e ekyókxoho apkelókxa nak.

1 Samuel 3:18

Apkeltennáseyha axta Samuel ekyókxoho m'a aptáhakxa axta apcháneya, meyke appósso xama enxoho, keñe axta Elí aptáha s'e: —¡Wesse' egegkok ma'a! ¡Tásek elának ma'a apmakókxa enxoho elána'!

Job 2:9

Keñe axta aptáwa' ektáha eyáneya s'e: —¿Apkelenxanakmóya apteme ekpéwomo aptémakxa'? ¡Eyemnaha Dios keñe sa' yetsapok!

Salmos 39:9

“Ekwanmagkamchek aqsa ko'o, mapaqmeyesmak, hakte xép axta setnéssesso xa ektáha nak.

Eclesiastés 7:14

Tásek agkok apha, kapayhekxa apwáxok xa neyseksa nak ektaqmalma apha; asagkek agkok han apha, kaxén apwáxok ektáha éleñama Dios xa ánet aqsok nak, mey'asagkehek eyke chá'a énxet yaqwánxa katnehek ma'a egmonye' nak.

Salmos 39:10

Elwatés señassáseykegkoho, hakte peyk ko'o watsapok eñama setekpageykha.

Lamentaciones 3:37

Xénáxcheyk agkok chá'a xama aqsok, temégwokmok agkok nahan chá'a exma, Wesse' egegkok apkeltémo katnehek xa.