Job 19:8 - Biblia Enxet

⁸ Apchápeykxeyk ámay ahagkok Dios yaqwayam enxoho ko'o mayeykhe'; ekyáqtessóxma aptemessásekxak ma'a ámay ahagkok nak.

Job 19:8 Referans Kwoze

Job 3:23

Eweynchegkesha chá'a Dios meyke apya'áseyak apmahágkaxa, eláhakkasagkok chá'a apmonye' apmahágkaxa enxoho chá'a.

Lamentaciones 3:7

Ewakhassegkek axta aphaxta, yaqwayam enxoho matyepe'; élpextetegkek axta cadena élyentaxno;

Lamentaciones 3:9

eyáhakkáseykekxeyk emonye' apnegkenma meteymog, ¡apyetnakhásseykmek ma'a ámay ahagkok!

Salmos 88:8

Éxakkassegkek ma'a énámakkok; éltaqnawássesseykmek ma'a sélxegexma'a. ¡Máxa sekmomaxche ektemék ko'o, mowanchek axyenmok!

Oseas 2:6

“Cháxa keñamak peya nak ko'o wáhakkásekxak am'ák ma'a ámay agkok nak, wahaxtegkesek sa' ma'a neyáwa', yaqwayam sa' megkótyehek ámay agkok.

Proverbios 4:19

Kayáqtéshok eyke exma ámay apagkok ma'a énxet'ák élmasagcha'a nak apkeltémakxa'; ¡melya'asagkehek chá'a m'a ektáha enxoho élpelápagkasso!

Jeremías 23:12

Cháxa keñamak peya nak katnehek ekyáqtessóxma m'a ámay apagkok, tén han éláxñe agko': wának sa' ko'o kólyohog, tén sa' elyaqnenagkok. Ekyaqmagkásekxeyk sa' agkok ko'o melya'assáxma m'a, wahak sa' ko'o ekmaso apheykha. Ko'o sekxeyenma xa, sektáha nak Wesse'.

Jeremías 13:16

Kólteme chá'a kéláyo Dios Wesse' kélagkok, amonye' apcháphasso m'a ekyáqtessóxma, tén han kélpelapmeykha kéxegke m'a egkexe ekyaqtéssamakxa nak exma; amonye' aptemessáseykekxa ekyaqtessóxma ekyentaxno agko' ma'a élseyéxma, kélhaxanma nak kéxegke.

Isaías 50:10

Kéxegke kéláyo nak chá'a Wesse' egegkok tén han kélháxenmo nak chá'a appeywa m'a apkeláneykha: kélxegkek agkok ekyáqtésakxaxma, meyke éltátchessesso m'a élseyéxma, kólteme kéláyo m'a Wesse' egegkok kólyepetchegwakxa m'a Dios kélagkok.

Job 30:26

Élhaxanmeyk axta ko'o kapayhekxak ewáxok, keñe seyáhapwaya m'a ekyaqhápeykha ewáxok; élhaxanmeyk axta kawak élseyéxma, keñe seyáhapwaya ekyaqtessóxma.

Josué 24:7

Ewóneykha axta ko'o m'a, tén axta sekyáqtéssesa exma nepyeseksa apmonye'e m'a énxet'ák Egipto, eyáhakkásekxeyk axta han ko'o yegmen wátsam ekwányam ma'a énxet'ák Egipto. Kéxegke axta han kélteme kélweteykegkoho sekteméssesakxa axta m'a Egipto. ‘Ahóxók agko' axta kélheykha kéxegke m'a yókxexma meykexa nak énxet,

Job 23:17

¡Hexyánegkesho annal'a axta'a, keñe heyápok ekyáqtessóxma!

Lamentaciones 3:5

ewakhessegkek axta ekmaso ewáxok, tén han seklegeykegkoho;

Isaías 59:9

Ékeso éñamakxa ekmassa nak negko'o ekyetna negyeseksa m'a nélwagkásamáxche teyp, massék ekyetna ketók ma'a sẽlmallahanchesso nak aqsok ekmaso; nélhaxanmeyk eykhe chá'a élseyéxma, ekyaqtéssóxma aqsa chá'a negweteyk; nélhaxanmeyk eykhe chá'a eyáxñeyo éltátchesso ekhem, keñe nélweynchámeykencha'a aqsa chá'a ekyáqtésakxaxma agko'.

Oseas 2:8

“Makke kay'ásegkok sektáha chá'a ko'o sekmésso m'a hótáhap apaktek, tén han vino, tén han ma'a pexmok égmenek; megkay'ásegkok sektáha chá'a ko'o sekxámassáseyak ma'a sawo ekmope ekmomnáwa, tén han sawo' ekyátekto élmomnáwa nak, éláneya nak chá'a m'a aqsok eyáyókxa'.