Job 19:10 - Biblia Enxet

¹⁰ Máxa keñamak sektámeyam ekwokmoho semasséssekmo; ¡máxa yámet kélpátekkesso aptemessásak ma'a sélhaxanma nak!

Job 19:10 Referans Kwoze

Job 24:20

Kalwánaqmak sa' han ma'a egken agko' nak; yápa apketkók sa' etwok, méko sa' han kaxénwakxohok chá'a awáxok ma'a. Máxa yámet kélyaqtónma sa' etnehek eyaqnenek ma'a ekmaso nak aptémakxa.

Job 12:14

Dios nak apmassésseyam aqsok, méko kawának kaxátekhásekxak makham; Dios nak apkelma, méko kawának kalántekkesek.

Salmos 102:11

Hawók ko'o sekha m'a ektémól'a pessesse kayeykha'; máxa pa'at élyamaye temék émpehek ekyamáya.

Job 17:15

¿Háxko ekmahágkaxa m'a sélhaxanma axta? ¿Háxko ekmahágkaxa m'a ektaqmalma axta sekha?

Job 17:11

Peyk kasawhaxchek ekhem sekweynchámeykha, megkatyapmak ma'a aqsok sekmáheyo nak alána', eyaqhémo temégweykmok ma'a ekmámenyého nak ewáxok.

Job 7:6

Chágketwokmek néxa sekha, méko kaxwók aleyxek, yahamok agko' ekxega máxa m'a yámet ekmanyehel'a kélatcháseyak kélótma.

Job 6:11

Méko táhak sekyennaqte, mowanchek kaxwók alenxanmagkoho', kaqhok altamhok aweynchamha chá'a.

Job 2:7

Yetlókok axta ekteyapma aphakxa Wesse' egegkok ma'a aqsok ekmowána nak hensexnena', cha'ak axta Job negmasse ekmaso agko', sawheykxók axta ekyókxoho apyempehek.

Job 14:19

Cha'a apteméssessamakxa exchep apkelhaxanma nak énxet ma'a ektémakxal'a yegmen eksawhomal'a meteymog, tén han ekmámeye élpexyawáseyak la'a yagkamex náxop.